1 Samuel 15:26 - ŊMALƐ KRƆŊKRƆŊ LƐ

²⁶ Samuel kɛɛ Saul akɛ, “Mikɛ bo ekuŋ sɛɛ kɛyajaŋ ejaakɛ oyayeee fãmɔ ni Yehowa fã bo lɛ nɔ, ni no hewɔ lɛ, Yehowa hu ekwa bo maŋtsɛ lɛ yeli yɛ Israel.”

Ṅmãle̱ Kroṅkroṅ Le̱

²⁶ Ši Samuel kē̱ Saul ake̱: Mike̱o ekũũ se̱ ke̱-yaa; edšake̱ okwa Iehowa wiemo̱ le̱, ni Iehowa hū ekwao maṅtše̱yeli ye̱ Israel no̱.

1 Samuel 15:26 ပူးပေါင်းရင်းမြစ်များ

1 Mose 42:38

Shi Yakob kɛɛ akɛ, “Mibi lɛ kɛ nyɛ eyaŋ ejaakɛ enyɛmi lɛ egbo, ni lɛ ekome pɛ eshwɛ; kɛji oshara ko yasharã lɛ yɛ gbɛ ni nyɛyaanyiɛ nɛɛ nɔ lɛ, no lɛ he ni miyi eyɛ kɛshɛ nɛɛ, nyɛbaahã magbo kɛ awerɛhoo sɔŋŋ.”

2 Samuel 12:9

Mɛni hewɔ mɔ ni oku, mi Yehowa, migbee nɔ, ni ofee efɔŋ nɛɛ? Ogbe Uria, Hitnyo lɛ. Ohã Amonbii lɛ gbe lɛ, kɛkɛ ni oŋɔ eŋa lɛ ofee oŋa.

2 Samuel 7:15

Shi kɛ̃lɛ mimɔbɔnalɛ sɛɛ efoŋ yɛ egbɛfaŋ tamɔ bɔ ni mihã mimɔbɔnalɛ lɛ sɛɛ fo yɛ Saul gbɛfaŋ lɛ, mɔ ni mikpa lɛ ni obaye esɛɛ lɛ.

Yeremia 6:19

Shikpɔŋ, bo toi! Miihã hiɛkpãtãmɔ abanina gbɔmɛi nɛɛ, ejaakɛ no ji yibii ni amɛjeŋba ewo; ejaakɛ miwiemɔi lɛ amɛboko toi, ni amɛkwa mimlai lɛ.

Hosea 13:11

Mihã nyɛ maŋtsɛmɛi, shi yɛ mlifu naa; ni miŋɔ amɛ kɛtee yɛ mlila naa.

Hosea 4:6

Mimaŋ lɛ hiɛ ekpãtã ejaakɛ amɛleee nii. Akɛni okwa nilee hewɔ lɛ, mi hu miikwa bo akɛ misɔfo; ni akɛni ohiɛ ekpa oNyɔŋmɔ lɛ mla lɛ nɔ hewɔ lɛ, mi hu mihiɛ miikpa obii lɛ anɔ.

Bɔfoi 13:22

Ni be ni ekpa lɛ lɛ, etee David shi ni ewo lɛ amɛnɔ maŋtsɛ, ni eye ehe odase ekɛɛ, ‘Mina David, Ishai bi lɛ, nuu ni miyɔɔ ehe tsui ni eeefee misuɔmɔnaanii lɛ fɛɛ lɛ.’

2 Yohane 1:11

ejaakɛ mɔ ni fala lɛ lɛ, ekɛ lɛ feɔ ekome yɛ enitsumɔi fɔ̃ji lɛ amli.

1 Samuel 13:14

Shi agbɛnɛ lɛ omaŋtsɛyeli lɛ sɛɛ baafo. Yehowa ŋɔ lɛ diɛŋtsɛ etsui naa gbɔmɔ ni ewo lɛ emaŋ lɛ nɔ lumɔ; mɛni hewɔ lɛ oyayeee kitã ni Yehowa wo bo lɛ nɔ.”

1 Samuel 15:23

Ejaakɛ atuatsemɔ lɛ esha ni tamɔ klamɔ nɔŋŋ, ni kuɛŋtimɔ lɛ esha ni tamɔ amãgãjamɔ nɔŋŋ. Akɛni okwa Yehowa naa wiemɔ lɛ, lɛ hu ekwa bo maŋtsɛ lɛ yeli.”

1 Samuel 15:31

No hewɔ lɛ, Samuel ku esɛɛ ni ekɛ Saul tee, ni Saul yaja Yehowa yɛ Gilgal.

1 Samuel 16:1

Yehowa kɛɛ Samuel akɛ, “Mɛɛ beyinɔ nɔŋŋ ni oooye Saul he ŋkɔmɔ kɛyashi, be mli ni ona ole akɛ mikwa lɛ Israel maŋtsɛyeli? Wo okoŋ lɛ mli mu obɔ̃; mibatsu bo Yeshai, Betlehemnyo lɛ, ŋɔɔ ejaakɛ miŋɔ maŋtsɛ yɛ ebihii lɛ ateŋ mihã mihe.”

1 Samuel 2:30

No hewɔ lɛ, mi, Yehowa, Israel Nyɔŋmɔ lɛ, mikɛɛ akɛ eyɛ mli akɛ mikɛɛ akɛ owe lɛ kɛ otsɛmɛi awe lɛ ni baasɔ̃mɔ mi akɛ osɔfoi kɛya naanɔ, shi agbɛnɛ miigbala nakai shiwoo lɛ sɛɛ, ejaakɛ mɛi ni buɔ mi lɛ, mawo amɛhiɛ nyam: shi mɛi ni ebuuu mi lɛ, abuŋ amɛ ahaŋ nɔ ko nɔ ko.

1 Samuel 28:18

Ejaakɛ obooo Yehowa gbee toi; ni emli ni fu Amalek waa lɛ oyatsuuu he nii ohãaa lɛ. No hewɔ ni Yehowa feɔ bo nɔ ni efeɔ bo ŋmɛnɛ nɛɛ lɛ.