1 Samuel 15:22 - ŊMALƐ KRƆŊKRƆŊ LƐ

²² Shi Samuel kɛɛ Saul akɛ, “Ani Yehowa nyaa shãa afɔlei kɛ gbee afɔlei ahe fe ni abaabo lɛ toi lo? Naa, toiboo hi fe afɔleshãa, ni ehi fe toi agboi amli fɔ.

Ṅmãle̱ Kroṅkroṅ Le̱

²² Ši Samuel kē̱: Ani Iehowa náa šā̃-afo̱lei ke̱ gbē-afo̱lei ahe tšui tamo̱ Iehowa gbē toibō lo? Na, *toibō hĩ fè afo̱le, ni ninumo̱ hũ hĩ fè tōagboi afo̱. *Hos. 6,6. Ies. 1,11. Mat. 2.13; 12,7.

1 Samuel 15:22 ပူးပေါင်းရင်းမြစ်များ

1 Mose 4:4

Habel hu kɛ etoi lɛ akromɔbii ni ewo fɔ ba ekɛbashã afɔle. Yehowa hiɛ sɔ Habel kɛ efɔle lɛ;

2 Mose 19:5

No hewɔ lɛ, agbɛnɛ kɛji nyɛaabo mi toi, ni nyɛaaye mikpãŋmɔ lɛ nɔ lɛ, no lɛ nyɛaatsɔ̃ mi diɛŋtsɛ minɔ yɛ maji fɛɛ ateŋ; ejaakɛ je lɛ fɛɛ lɛ minɔ ni.

Abe̱i 21:3

Jalɛ saneyeli kɛ kojomɔ kpakpa lɛ, esa Yehowa hiɛ fe afɔleshãa.

Jajelɔ 5:1

Kwɛmɔ jogbaŋŋ kɛji ooya Nyɔŋmɔ We lɛ. Kɛji ooya jɛi oyabo wiemɔ toi lɛ, ehi fe oooya jɛi oyashã afɔle ni kwashiai yaa amɛyashãa lɛ; ejaakɛ amɛleee akɛ amɛmiifee nɔ fɔŋ.

Yeremia 11:4

Kpãŋmɔ nɛɛ ji kpãŋmɔ ni mi kɛ nyɛtsɛmɛi lɛ kpãŋ, asaŋ ni miwo amɛ kitã yɛ he be ni mijie amɛ kɛjɛ Ijipt shikpɔŋ lɛ nɔ, he ni amɛhe dɔ la yɛ, tamɔ dade flɔnɔɔŋ lɛ. Mifã nyɛ akɛ nyɛbo migbee toi, ni nyɛye nibii ni mikɛɛ nyɛ lɛ fɛɛ nɔ, koni nyɛtsɔ̃ mimaŋ, ni mi hu matsɔ̃ nyɛNyɔŋmɔ,

Yeremia 11:7

Ejaakɛ mikpã miwo nyɛtsɛmɛi lɛ atoiŋ gbi nɔ ni mijie amɛ kɛje Ijipt shikpɔŋ lɛ nɔ lɛ, ni mikã he miikpã miiwo amɛtoiŋ lolo kɛbashi ŋmɛnɛ gbi nɛɛ akɛ, nyɛboa migbee toi.

Yeremia 26:13

No hewɔ lɛ, agbɛnɛ, nyɛtsakea nyɛjeŋba kɛ nyɛnifeemɔnii; asaŋ nyɛboa Yehowa, nyɛNyɔŋmɔ lɛ, toi, ni lɛ hu ebaatsake ejwɛŋmɔ yɛ efɔŋ ni eto eyiŋ akɛ ebaafee nyɛ lɛ hewɔ.

Hosea 6:6

Ejaakɛ nɔ ni mitaoɔ yɛ nyɛdɛŋ ji suɔmɔ ni tsakeee shi jeee afɔle; nɔ ni mitaoɔ ji lee ni aleɔ Nyɔŋmɔ shi jeee shãaafɔle.

Hosea 8:13

Amɛsumɔɔ afɔleshãa. Amɛgbeɔ kooloi amɛkɛshãa mifɔlei lɛ akɛ loo kɛkɛ ni ayeɔ. Eji nɔ ko ni esaaa mihiɛ. Ni no hewɔ lɛ, agbɛnɛ mibakai eshai ni amɛfee lɛ ni mibawo amɛ he nyɔmɔ. Ijipt kɛ̃ amɛaaku amɛsɛɛ kɛaatee.

Mateo 12:7

Shi eji nyɛle wiemɔ ni kɛɔ akɛ, ‘Mɔbɔnalɛ mitaoɔ shi jeee afɔle’ lɛ shishi kulɛ, nyɛbuŋ mɛi ni yeee fɔ lɛ afɔ.

Mateo 23:23

“Kpoo hã nyɛ, mlatsɔɔlɔi kɛ Farisifoi, osatofoi! Nyɛhãa kowɛ kɛ anisi kɛ kumino mlijaa nyɔŋmanyɔŋma, shi Mla lɛ mli nii ni he jaraa ni ji jalɛ saneyeli kɛ mɔbɔnalɛ kɛ hemɔkɛyeli lɛ nyɛshiɔ; enɛɛmɛi sa akɛ nyɛfeɔ kɛshiɔ ekrokomɛi lɛ anɔ.

Mateo 5:24

shi onɔkeenɔ lɛ yɛ jɛi yɛ afɔleshãa latɛ lɛ hiɛ, ni oya okɛ onyɛmi lɛ ayakpãtã dã, koni oba ni okɛ onɔkeenɔ lɛ abahã.

Mateo 9:13

Shi nyɛyaa ni nyɛyakasea nɔ ni ji enɛ shishi. ‘Mɔbɔnalɛ mitaoɔ, ni jeee afɔle!’ Ejaakɛ mibaaa jalɔi atsɛmɔ, shi eshafeelɔi moŋ.”

Marko 12:33

ni lɛ suɔmɔ kɛjɛ otsui fɛɛ kɛ nilee fɛɛ kɛ susuma fɛɛ kɛ nyɛmɔ fɛɛ mli kɛ naanyo suɔmɔ tamɔ bɔ ni mɔ sumɔɔ lɛ diɛŋtsɛ ehe lɛ, efe shãa afɔlei kɛ afɔlei fɛɛ.”

1 Samuel 13:12

nɔ ni misusu ji akɛ Filistibii lɛ baaba abatua mi yɛ Gilgal, be mli ni mibiko Yehowa dɛŋ yelikɛbuamɔ. No hewɔ lɛ, fimɔ naa lɛ, mimia mihiɛ, ni mishã afɔle lɛ.”

1 Samuel 13:13

Samuel to he ehã Saul akɛ, “Oye gbekɛbii asane pam. Oyeko kitã ni Yehowa, oNyɔŋmɔ, lɛ wo bo lɛ nɔ. Kulɛ kpaako Yehowa baawaje omaŋtsɛyeli yɛ Israel nɔ ema shi shiŋŋ kɛya naanɔ.