1 Samuel 15:18 - ŊMALƐ KRƆŊKRƆŊ LƐ

¹⁸ ni Yehowa tsu bo, ni ekɛɛ bo akɛ, ‘Yaa koni oyaplenee Amalekbii eshafeelɔi lɛ. Okɛ amɛ awu kɛyashi beyinɔ ni oookpãtã amɛhiɛ kwrakwra.’

Ṅmãle̱ Kroṅkroṅ Le̱

¹⁸ Ni Iehowa tšūo ni ekē̱: Ya ni oyafe Amalekbii ešafelo̱i le̱ amusu, ni oke̱ame̱ awu ke̱-yaši beyino̱ ni ookpãtã ame̱hĩe kwrakwra!

1 Samuel 15:18 ပူးပေါင်းရင်းမြစ်များ

1 Mose 13:13

Shi Sodombii lɛ yiwalɔi ji amɛ, ni amɛfeɔ esha amɛshiɔ Yehowa.

1 Mose 14:7

Amɛku amɛsɛɛ ni amɛba En-mishpat, (no ji Kadesh) ni amɛye Amalekbii ashikpɔŋ lɛ fɛɛ nɔ, kɛ Amorbii ni yɔɔ Hazazon-Tamar lɛ hu anɔ.

1 Mose 15:16

Shi yinɔ ni ji ejwɛ sɛɛ lɛ oshwiei lɛ aaaku amɛsɛɛ kɛaaba biɛ ekoŋŋ; ejaakɛ eshai ni Amorbii feɔ lɛ shɛko he ni kɛ eshɛ ni abaagbala amɛtoi.”

Hiob 31:3

Ani jeee hiɛkpãtãmɔ kã shi hã mɛi ni feɔ nɔ fɔŋ? Kɛ osharã hã mɛi ni feɔ nishaianii?

Abe̱i 10:29

Yehowa ji mɔɔ ni wa hã mɔ ni baa ejeŋ jogbaŋŋ, shi eji hiɛkpãtãmɔ hã efɔŋfeelɔ.

Abe̱i 13:21

Eshafeelɔi lɛ efɔŋ nyiɛɔ amɛsɛɛ; shi jalɔi lɛ amɛshwereɔ.

4 Mose 16:38

No hewɔ lɛ, atswia hii nɛɛ, mɛi ni kɛ amɛwala wo esha lɛ he nyɔmɔ lɛ, atsɛnsii lɛ tɛtɛrɛbii, ni akɛha afɔleshãa latɛ lɛ he koni etsɔ̃ okadi ehã Israelbii fɛɛ.”

Galatabii 2:15

Afɔ wɔ Yudafoi akɛ ni wɔjeee eshafeelɔi ni jɛ jeŋmaji lɛ amli,

1 Samuel 15:3

No hewɔ lɛ, yaa ni oyatua Amalekbii lɛ, ni okpãtã nɔ fɛɛ nɔ ni amɛyɔɔ lɛ hiɛ. Okɛ amɛhe akake amɛ, shi ogbe amɛ, nuu ni jio, abifao ni kã fufɔ naa ni jio, tsina ni jio, yooma ni jio, teji ni jio, ogbe fɛɛ.”