1 Samuel 15:11 - ŊMALƐ KRƆŊKRƆŊ LƐ

¹¹ “Mishwa mihe akɛ miwo Saul maŋtsɛ, ejaakɛ ekpale yɛ misɛɛ, ni eyeee mikitãi lɛ anɔ.” Sane lɛ fee Samuel mlifu, ni esɔle ekpa Yehowa fai nyɔɔŋnyɔɔŋ fɛɛ.

Ṅmãle̱ Kroṅkroṅ Le̱

¹¹ Miſa mihe ake̱ miwo Saul maṅtše̱; edšake̱ ekpale ye̱ mise̱, ni eyee mikitãi le̱ ano̱. Ni edo̱ Samuel, ni eblo̱ etšé̱ Iehowa nyõṅnyõṅ fẽ.

1 Samuel 15:11 ပူးပေါင်းရင်းမြစ်များ

1 Mose 6:6

edɔ lɛ naakpa akɛ ebɔ gbɔmɔ yɛ shikpɔŋ lɛ nɔ. Ni Yehowa shwa ehe.

1 Mose 6:7

No hewɔ lɛ, Yehowa kɛɛ akɛ, “Makpãtã gbɔmɔ ni mibɔ lɛ lɛ hiɛ kɛje shikpɔŋ lɛ nɔ kɛjɛ gbɔmɔ nɔ aahu kɛyashi kooloi kɛ nii ni wamɔɔ kɛ loofɔji anɔ ejaakɛ shi edɔ mi akɛ mibɔ amɛ.”

2 Samuel 24:16

Shi be ni bɔfo ni kpãtãa maŋbii lɛ ahiɛ lɛ yaata Yerusalɛm he lɛ, Yehowa tsake ejwɛŋmɔ yɛ efɔŋ ni eba maŋbii lɛ anɔ lɛ gbɛfaŋ, ni ekɛɛ bɔfo ni gbeɔ mɛi lɛ akɛ, “Efa, kɛwa biɛ!” No be lɛ mli lɛ Yehowa bɔfo lɛ yɛ Arauna, Yebusnyo lɛ, ŋmaa gbeemɔhe lɛ.

1 Maŋtsɛmɛi 11:9

Kɛkɛ ni Yehowa mli fu Solomon, ejaakɛ eje lɛ Yehowa, Israel Nyɔŋmɔ lɛ, sɛɛ: Yehowa mɔ ni jie ehe kpo etsɔ̃ɔ lɛ shii enyɔ sɔŋŋ lɛ.

1 Kronika 10:13

Anɔkwa ni Saul eyayeee lɛ hewɔ ni egbo lɛ. Saul eyayeee Yehowa anɔkwa ejaakɛ eyayeee Yehowa kitãi lɛ anɔ ejaakɛ etee eyafee nii yɛ sisatsɛlɔ ŋɔɔ ekɛbi nii,

1 Kronika 21:15

Ni Nyɔŋmɔ tsu bɔfo kɛba koni ebafite Yerusalɛm. Shi be ni bɔfo lɛ baabɔ̃i nifitemɔ lɛ, Yehowa musuŋ tsɔ̃ lɛ yɛ efɔŋ ni abaafee maŋ lɛ hewɔ, kɛkɛ ni ekɛɛ bɔfo ni kpãtãa nii ahiɛ lɛ akɛ, “Efa, agbɛnɛ suu onine.” Be nɛɛ mli lɛ Yehowa bɔfo lɛ damɔ Ornan, Yebusnyo lɛ, ŋmãagbeemɔhe lɛ masɛi.

Hiob 34:27

Ejaakɛ amɛkpale yɛ esɛɛ, ni amɛbuuu egbɛi lɛ ekoeko;

Lalai 109:4

Be ni miisumɔ amɛ ni miisɔle miihã amɛ lɛ, amɛ lɛ amɛmiinyɛ mi moŋ.

Lalai 110:4

Yehowa ekã kitã, ni etsakeŋ ejwɛŋmɔ, “Bo ji osɔfo kɛmiiya naanɔ yɛ Melkizedek gbɛjianɔtoo lɛ naa.”

Lalai 119:136

Mihiŋmɛiŋ yaafonu hoɔ tamɔ faa, ejaakɛ ayeee omlai lɛ anɔ.

Lalai 125:5

Shi mɛi ni kpaleɔ kɛyaa amɛgbɛi gbohii anɔ lɛ, Yehowa aaaloo amɛ kɛ mɛi ni tsuɔ nifɔɔjianii lɛ kɛaatee. Toiŋjɔlɛ aba Israel!

Lalai 36:3

Edaaŋ wiemɔi fɛɛ lɛ, efɔŋ kɛ shishiumɔ sɔŋŋ ni; eshi nilee kɛ ekpakpafeemɔ sɛɛ.

Lalai 78:41

Amɛka Nyɔŋmɔ nɔtoonɔtoo, ni amɛwo Israel Mɔ Krɔŋkrɔŋ lɛ mli la.

Lalai 78:57

Amɛgba afã, ni amɛyeee anɔkwa tamɔ bɔ ni amɛtsɛmɛi lɛ fee lɛ nɔŋŋ; amɛtsɔ̃ tamɔ gãi ni ekɔ̃dɔ̃.

2 Mose 32:11

Mose kpa Yehowa, eNyɔŋmɔ lɛ, fai ekɛɛ, “Yehowa, mɛɛba ni omli woɔ la woɔ omaŋ ni okɛ hewalɛ kpele kɛ nineshiwalɛ eyakpɔ̃ yɛ Ijipt shikpɔŋ lɛ nɔ kɛba lɛ?

2 Mose 32:14

Kɛkɛ ni Yehowa kɛ efɔŋ ni kulɛ eto akɛ ebaafee Israelbii lɛ fa amɛ.

Yeremia 11:10

Amɛku amɛsɛɛ amɛmiifee nibii fɔ̃ji ni amɛblematsɛmɛi ni booo miwiemɔ toi lɛ fee lɛ nɔŋŋ. Amɛtee amɛmiija nyɔŋmɔi krokomɛi. Israelbii kɛ Yudabii lɛ fɛɛ ekũ mikpãŋmɔ ni mi kɛ amɛtsɛmɛi lɛ kpãŋ lɛ mli.

Yeremia 13:17

Shi kɛji nyɛbooo toi lɛ, mibafo yɛ teemɔ mli yɛ nyɛhewoo lɛ hewɔ; mibafo bloblo kɛ dɔlɛ, ejaakɛ aŋɔ Yehowa webii lɛ nom.

Yeremia 34:16

Shi nyɛku nyɛsɛɛ nyɛtsake nyɛjwɛŋmɔ, ni nyɛwo migbɛi lɛ he muji. Ejaakɛ nyɛyaŋɔ nyɛwehii kɛ nyɛweyei ni nyɛhã amɛye amɛhe yɛ amɛsuɔmɔ naa lɛ kɛba ekoŋŋ ni nyɛbaye amɛ nyɔŋ ekoŋŋ.

Yeremia 9:1

Mina ni kulɛ miyitso lɛ nubu ni; ni mihiŋmɛii hu nuhiŋmɛii ni koni mikɛfo mimaŋbii ni enyɔnyɔi lɛ shwane kɛ nyɔɔŋ fɛɛ.

Yeremia 9:18

Maŋbii lɛ kɛɛ akɛ, “Nyɛhãa amɛhe afea oya ni amɛla yarafeemɔ lala yɛ wɔ wɔhewɔ, koni wɔhiŋmɛii afɔse yaafonu ashwie shi, ni wɔhiŋmɛinaatsɔi atsere kɛ yaafonu.”

Ezekiel 18:24

“Shi kɛji jalɔ fɔ̃ɔ nɔ ni ja feemɔ ni efee esha, ni efee musubɔɔ nii ni mɔfɔŋ feɔ lɛ, aso eyi aaana wala lo? Jalɛnii ni efee lɛ fɛɛ lɛ, akaiŋ ekoeko. Etɔmɔi ni etɔ̃ lɛ kɛ eshai ni efee lɛ, eeegbo yɛ nomɛi ahewɔ.

Amos 7:3

Yehowa tsake eyiŋtoo lɛ, ni ekɛɛ akɛ, “Nɔ ni ona nɛɛ baŋ mli.”

Yona 3:10

Nyɔŋmɔ na nɔ ni Ninevebii lɛ fee lɛ akɛ amɛtsake amɛjeŋba fɔŋ lɛ. No hewɔ lɛ, Nyɔŋmɔ hu ŋmɛɛ efɔŋ ni eto eyiŋ akɛ ebaafee amɛ lɛ he, ni egbalaaa amɛtoi.

Yona 4:2

No hewɔ lɛ, esɔle, ni ekɛɛ akɛ, “Ao, Yehowa, ani jeee nɔ ni mikɛɛ be mli ni miyɔɔ mimaŋ lɛ eba mli nɛɛ? Enɛ hewɔ nɔŋŋ ni mijɛ mra mijo foi kɛmiiya Tarshish lɛ. Ejaakɛ mile akɛ bo lɛ, Nyɔŋmɔ durolɔ kɛ musuŋtsɔlɔ ji bo; omli fuuu mra, ni omɔbɔnalɛ fa, ni otsakeɔ oyiŋtoo yɛ toigbalamɔ he.

Zefania 1:6

Mibakpãtã mɛi fɛɛ ni ekpale, ni amɛjaaa Yehowa lɛ dɔŋŋ lɛ ahiɛ, ni ji mɛi ni taooo mi, Yehowa lɛ, misɛɛgbɛ aloo amɛbiii mi nii dɔŋŋ lɛ.”

Mateo 24:13

Shi mɔ ni hiɛɔ mli kɛyawulaa shi lɛ, lɛ eyiwala aaahere.

Mateo 5:44

Shi mi lɛ, miikɛɛ nyɛ akɛ, nyɛsumɔa nyɛhenyɛlɔi, ni nyɛsɔlea nyɛhãa mɛi ni waa nyɛ yi lɛ,

Luka 6:12

Agbɛnɛ nakai bei lɛ amli lɛ, eyiŋ etee sɔlemɔ yɛ gɔŋ ko nɔ, ni eshi kpe nyɔɔŋnyɔɔŋ fɛɛ eesɔle eetsɛ Nyɔŋmɔ.

Hebribii 10:38

Shi mɔ ni ja yɛ hemɔkɛyeli mli lɛ, yi aaana wala; ni kɛ ekpa yɛ misɛɛ lɛ misusuma naŋ ehe tsuijurɔ.”

Yoshua 22:16

ni amɛyawie Yehowa webii lɛ anaa, ni amɛkɛɛ akɛ, “Mɛɛ tɔ̃mɔ ni nyɛtɔ̃ Nyɔŋmɔ nɔ nɛɛ? Nyɛ diɛŋtsɛ nyɛfɔleshãa latɛ ni nyɛma agbɛnɛ nɛɛ tsɔ̃ɔ akɛ nyɛkwa Yehowa, ni nyɛtse ehiɛ atua.

1 Samuel 12:23

Mi hu enɛ akagbale mi fɔ̃ŋfɔ akɛ makpa sɔlemɔ kɛ nyɛ hãmɔ ni mikɛfee esha mishi Yehowa. Shi moŋ mibatsɔ̃ɔ nyɛ nɔ ni hi kɛ nɔ ni ja ni sa akɛ nyɛfee.

1 Samuel 13:13

Samuel to he ehã Saul akɛ, “Oye gbekɛbii asane pam. Oyeko kitã ni Yehowa, oNyɔŋmɔ, lɛ wo bo lɛ nɔ. Kulɛ kpaako Yehowa baawaje omaŋtsɛyeli yɛ Israel nɔ ema shi shiŋŋ kɛya naanɔ.

1 Samuel 15:10

Yehowa kɛ Samuel wie ni ekɛɛ lɛ akɛ,

1 Samuel 15:3

No hewɔ lɛ, yaa ni oyatua Amalekbii lɛ, ni okpãtã nɔ fɛɛ nɔ ni amɛyɔɔ lɛ hiɛ. Okɛ amɛhe akake amɛ, shi ogbe amɛ, nuu ni jio, abifao ni kã fufɔ naa ni jio, tsina ni jio, yooma ni jio, teji ni jio, ogbe fɛɛ.”

1 Samuel 15:35

Enɛ sɛɛ lɛ Samuel kɛ ehiŋmɛitsei enyɔ nɛkɛ enaaa Saul dɔŋŋ aahu kɛyashi Saul gbo; shi Samuel ye Saul he ŋkɔmɔ. Ni Yehowa shwa ehe akɛ ewo Saul Israel maŋtsɛ.

1 Samuel 15:9

Saul kɛ etabilɔi lɛ baa Agag yi. Asaŋ amɛbaa toi kɛ tsinai kɛ tsinabii kɛ gwantɛŋi abii lɛ ateŋ kooloi kpakpai fe fɛɛ lɛ hu yi; ni amɛkpãtãaa amɛhiɛ; shi nɔ fɛɛ nɔ ni he bɛ sɛɛnamɔ kpakpa ko, aloo ni abɛ he nɔ ko feemɔ lɛ amɛkpãtã hiɛ.

1 Samuel 16:1

Yehowa kɛɛ Samuel akɛ, “Mɛɛ beyinɔ nɔŋŋ ni oooye Saul he ŋkɔmɔ kɛyashi, be mli ni ona ole akɛ mikwa lɛ Israel maŋtsɛyeli? Wo okoŋ lɛ mli mu obɔ̃; mibatsu bo Yeshai, Betlehemnyo lɛ, ŋɔɔ ejaakɛ miŋɔ maŋtsɛ yɛ ebihii lɛ ateŋ mihã mihe.”

1 Samuel 8:6

Sane lɛ eyaŋɔɔɔ Samuel naa akɛ amɛaakɛɛ akɛ, “Hã wɔ maŋtsɛ ni ekwɛ wɔnɔ lɛ.” No hewɔ lɛ, Samuel sɔle etsɛ Yehowa,