1 Samuel 14:6 - ŊMALƐ KRƆŊKRƆŊ LƐ

⁶ Yonatan kɛɛ oblanyo ni hiɛ edama lɛ akɛ, “Wɔfo mli wɔtee wɔyahɛŋ foolɔi nɛɛ asraafoi lɛ; shi eko lɛ Yehowa aaaye abua wɔ ejaakɛ nɔ ko nɔ ko etsiii Yehowa naa akɛ ekɛ mɛi pii loo mɛi fioo aaahere yiwala.”

Ṅmãle̱ Kroṅkroṅ Le̱

⁶ Ni Ionatan kē̱ oblanyo ni hĩe etawūnii le̱ ake̱: Ba ní wo̱te ne̱ke̱ fōlo̱i ne̱ asrafoi le̱ aṅõ! Ekole̱ Iehowa aatšu nii ahãwo̱; edšake̱ nokonoko etšĩĩ *Iehowa nā ake̱ eke̱ mei pī lo mei fiõ aahere yiwala! *Kodš. 7,7. 2 Kron. 14,10.

1 Samuel 14:6 ပူးပေါင်းရင်းမြစ်များ

2 Samuel 1:20

Nyɛkayagbaa enɛ yɛ Gat; akatsi enɛ tã yɛ Ashkelon blohuiaŋ koni Filistibii lɛ abiyei lɛ akanya, ni foolɔi lɛ abiyei lɛ miitumɔ.

2 Samuel 16:12

Eko lɛ Yehowa aaana mi mɔbɔ yɛ mimanehulu nɛɛ hewɔ, ni ekɛ nɔ kpakpa moŋ aaato mi loomɔ ni elomɔɔ mi ŋmɛnɛ nɛɛ najiaŋ.”

2 Maŋtsɛmɛi 19:4

Eko lɛ Yehowa oNyɔŋmɔ lɛ enu Rabshake wiemɔi fɛɛ ni enuŋtsɔ Asiria Maŋtsɛ lɛ kɛtsu lɛ koni ekɛbabɔ Nyɔŋmɔ hiɛkãalɔ lɛ ahora lɛ, ni Yehowa baakã ehiɛ yɛ wiemɔi ni Yehowa oNyɔŋmɔ lɛ enu lɛ hewɔ. No hewɔ lɛ, sɔlemɔ okpa fai ohã wɔmaŋbii ni eshwɛ ni yɔɔ lɛ.”

2 Kronika 14:10

No hewɔ lɛ, Asa hu fã kɛ etabilɔi koni ekɛ Zera eyakpe. Biɛ kɛ biɛ lɛ gba ta yɛ Zefata Jɔɔ lɛ mli yɛ Maresha.

2 Kronika 14:11

Kɛkɛ ni Asa sɔle etsɛ Yehowa, eNyɔŋmɔ lɛ, ni ekɛɛ akɛ, “Oo! Yehowa, bo lɛ mɔ ko bɛ ni eyeɔ ebuaa hewalɔ kɛ mɔ ni bɛ hewalɛ fɛɛ tamɔ ofeɔ lɛ. Ŋmɛlɛtswaa nɛɛ mli lɛ ye obua wɔ, Yehowa, wɔNyɔŋmɔ, ejaakɛ bo onɔ wɔhiɛ kã, ni asaŋ bo ogbɛi mli wɔba yɛ wɔkɛ ta kpeteŋkple nɛɛ baawu. Ao! Yehowa, bo ji wɔNyɔŋmɔ, ni kaahã adesa ko nine miitsɔ̃ wɔnɔ.”

Lalai 135:6

Nɔ fɛɛ nɔ ni sa Yehowa hiɛ, yɛ ŋwɛi kɛ shikpɔŋ lɛ nɔ, yɛ ŋshɔ kɛ bui voovoi lɛ amli lɛ, no efeɔ.

Yeremia 9:23

Nilelɔ akashwã kɛmiifɔ̃ enilee nɔ. Hewalɔ hu akashwã kɛmiifɔ̃ ehewalɛ nɔ, ni niiatsɛ akashwã kɛmiifɔ̃ eninamɔ nɔ;

Yeremia 9:25

Yehowa kɛɛ akɛ, “Naa, be miiba ni mibagbala Israelbii ni efo ketia lɛ atoi ejaakɛ amɛtamɔ mɛi ni efoko ketia lɛ nɔŋŋ.

Yeremia 9:26

Mibagbala Ijipt kɛ Yuda kɛ Edombii kɛ Amonbii kɛ Moabbii kɛ shiaŋa lɛ nɔ bii ni shɛɔ amɛyitsei ahe lɛ hu atoi, ejaakɛ maji nɛɛ fɛɛ lɛ foolɔi ni, ni Israelbii lɛ hu tsuiŋ foolɔi ji amɛ.”

Zefania 2:3

Nyɛ shikpɔŋ lɛ nɔ heshibalɔi fɛɛ ni feɔ Yehowa suɔmɔnaa nii, nyɛtaoa Yehowa sɛɛgbɛ; nyɛtaoa jalɛ sɛɛgbɛ; ni nyɛtaoa heshibaa sɛɛgbɛ, ni eko lɛ aaaŋɔ nyɛ atee yɛ Yehowa mlifu gbi lɛ nɔ.

Zakaria 4:6

Bɔfo lɛ kɛɛ mi akɛ, “Shɛɛ ni Yehowa kɛhãa Zerubabel nɛ, ‘Jeee onyɛmɔ baahã oye kunim, loo ohewalɛ kɛkɛ, shi moŋ mimumɔ lɛ ni baahã oye kunim,’ Mi Yehowa, mikɛɛ.”

4 Mose 10:32

Kɛji okɛ wɔ nyiɛ lɛ, ejurɔ fɛɛ ni Yehowa aaafee wɔ lɛ, no nɔŋŋ wɔ hu wɔkɛaafee bo.”

4 Mose 31:4

Israel akutso fɛɛ akutso ahã tabilɔi akpe koni amɛya ta lɛ.”

Mateo 19:26

Shi Yesu kwɛ amɛ, ni ekɛɛ amɛ akɛ, “Gbɔmɛi agbɛfaŋ lɛ anyɛŋ enɛ afee; shi Nyɔŋmɔ gbɛfaŋ lɛ aaanyɛ nii fɛɛ afee.”

Romabii 8:31

Belɛ te wɔɔkɛɛ tɛŋŋ yɛ nii nɛɛ ahewɔŋ? Kɛ Nyɔŋmɔ yɛ wɔsɛɛ lɛ, namɔ aaate shi awo wɔ?

5 Mose 32:30

Te feɔ tɛŋŋ ni gbɔmɔ kome kɛkɛ woɔ mɛi akpe foiŋ, ni gbɔmɛi enyɔ kɛkɛ hu woɔ mɛi akpei nyɔŋma foiŋ? Nɔ ni kɛba ji amɛTɛsaa lɛ ekwa amɛ, ni Yehowa eŋmɛɛ amɛhe ehã.

Filipibii 3:3

Ejaakɛ wɔ moŋ wɔji ketiafolɔi lɛ, wɔ mɛi ni wɔjaa Nyɔŋmɔ yɛ mumɔ naa, ni wɔshwãa wɔfɔ̃ɔ Kristo Yesu nɔ, ni wɔkɛ wɔhiɛ efɔ̃ɔɔ gbɔmɔtso nifeemɔ nɔ lɛ,

Yoshua 14:12

No hewɔ lɛ, agbɛnɛ okɛ nɛkɛ gɔŋ nɛɛ nɔ shikpɔŋ lɛ ahã mi, nɔ ni Yehowa wo shi yɛ he nakai gbi lɛ. Nakai bo diɛŋtsɛ onu kɛ otoi akɛ Anakbii lɛ ji mɛi ni yɔɔ jɛi yɛ maji wuji ni atswa gbogbo awo amɛhe akɛwaje amɛ lɛ mli. Eko lɛ Yehowa aaaye abua mi koni mashwie amɛ yɛ jɛi tamɔ bɔ ni Yehowa ekɛɛ lɛ.”

Kojolɔi 15:18

Kɛkɛ ni kumai ye Samson waa naakpa. Ebo etsɛ Yehowa ekɛɛ, “Otsɔ̃ otsulɔ nine nɔ otsu yiwalaheremɔ nitsumɔ kpele nɛɛ; ni mɛɛba ni magbo kɛ kumai moŋ ni magbee foolɔi nɛɛ adɛŋ?”

1 Samuel 14:5

Ekome ye kooyigbɛ yɛ Mikmash gbɛ, ni ekome lɛ hu ye wuoyigbɛ yɛ Gibagbɛ.

1 Samuel 14:7

Oblanyo lɛ ni hiɛ tawuunii lɛ to he ekɛɛ, “Bɔ ni oookɛɛ; mi kɛ bo, yɛ gbɛ fɛɛ gbɛ nɔ.”

1 Samuel 17:26

David bihii komɛi ni damɔ emasɛi lɛ akɛ, “Mɛni akɛɛ abaafee ahã mɔ ni aaagbe Filistinyo nɛɛ koni ekpa ahora ni ebɔɔ Israel nɛɛ? Kwɛ Filistinyo foolɔ nɛɛ, lɛ ebɔɔ Nyɔŋmɔ hiɛkãalɔ lɛ tai lɛ ahora?”

1 Samuel 17:36

Maŋtsɛ, jata kɛ oshishibrishi po migbe amɛ. Akɛni nɛkɛ Filistinyo foolɔ nɛɛ miibɔ Nyɔŋmɔ hiɛkãalɔ lɛ tai lɛ ahora hewɔ lɛ, eeena nɔ ni kooloi lɛ na yɛ midɛŋ lɛ eko.

1 Samuel 17:46

Ŋmɛnɛ gbi nɛɛ lɛ Yehowa baahã maye onɔ kunim, ni mafo oyi, ni mikɛ Filistibii ata lɛ mli gbohii lɛ baahã ŋwɛi loofɔji kɛ shikpɔŋ lɛ nɔ kooloi kakawuai koni amɛye, koni jeŋ muu lɛ fɛɛ ana ale akɛ Nyɔŋmɔ ko yɛ Israel.

1 Samuel 17:47

Asaŋ asafo ni ekpe nɛɛ fɛɛ kɛaana ale akɛ jeee klante loo akplɔ Yehowa kɛhereɔ mɔ yiwala, ejaakɛ ta lɛ Yehowa diɛŋtsɛ ji mɔ ni wuɔ, ni ebaaŋɔ nyɛ ewo wɔdɛŋ.”

1 Samuel 31:4

Kɛkɛ ni Saul kɛɛ oblanyo ni hiɛɔ etawuunii lɛ akɛ, “Gbalamɔ oklante lɛ, ni okɛdu mi bɔ ni afee ni foolɔi nɛɛ akaba amɛbagbe mi, ni amɛfee mi niseniianii.” Shi oblanyo lɛ emiii nakai feemɔ ejaakɛ gbeyei emɔ lɛ naakpa. Enɛ hewɔ lɛ, Saul gbala lɛ diɛŋtsɛ eklante lɛ, ni eho egbee nɔ.