1 Samuel 14:46 - ŊMALƐ KRƆŊKRƆŊ LƐ

⁴⁶ Enɛ sɛɛ lɛ Saul fɔ̃ɔ Filistibii lɛ asɛɛnyiɛmɔ; ni Filistibii lɛ ku amɛsɛɛ amɛtee amɛ diɛŋtsɛ amɛshikpɔji lɛ anɔ.

Ṅmãle̱ Kroṅkroṅ Le̱

⁴⁶ Ni Saul fõ Filistibii le̱ ase̱nyiemo̱ ṅi ekũ ese̱ ke̱-ba. Ni Filistibii le̱ yiṅ ke̱-te ame̱dientše̱ ame̱dšē̱hei.

1 Samuel 14:46 ပူးပေါင်းရင်းမြစ်များ

1 Samuel 14:45

Shi maŋbii lɛ kɛɛ Saul akɛ, “Yonatan baagbo lo? Lɛ mɔ ni eye kunim kpeteŋkple nɛkɛ nɛɛ ehã Israel lɛ? Akaba mli nakai! Wɔna Yehowa akɛ Yonatan yiteŋ tsɔi kome nɛkɛ efaŋ egbeŋ shi, ejaakɛ Nyɔŋmɔ ni kɛ lɛ tsu nɔ ni etsu ŋmɛnɛ nɛɛ lɛ.” Biɛ tsɔ̃ ni maŋbii lɛ here Yonatan yiwala kɛje gbele mli.

1 Samuel 14:47

Be ni Saul batsɔ̃ Israel maŋtsɛ lɛ, ekɛ Israel henyɛlɔi fɛɛ ni ebɔle Israel kɛkpe lɛ wu. Ekɛ Moabbii lɛ kɛ Amonbii lɛ kɛ Edombii lɛ kɛ Zoba maŋtsɛmɛi lɛ kɛ Filistibii lɛ fɛɛ wuwuu tai. Ni he fɛɛ he ni Saul tsɔ̃ɔ lɛ eyeɔ kunim.

1 Samuel 17:1

Filistibii lɛ bua amɛtabilɔi lɛ anaa hã ta, ni amɛnaa bakpe shi yɛ Soko, ni ji Yudabii amaŋ ko, ni amɛbagba ta yɛ Efes-Damim yɛ Soko kɛ Azeka teŋ.