1 Samuel 14:45 - ŊMALƐ KRƆŊKRƆŊ LƐ

⁴⁵ Shi maŋbii lɛ kɛɛ Saul akɛ, “Yonatan baagbo lo? Lɛ mɔ ni eye kunim kpeteŋkple nɛkɛ nɛɛ ehã Israel lɛ? Akaba mli nakai! Wɔna Yehowa akɛ Yonatan yiteŋ tsɔi kome nɛkɛ efaŋ egbeŋ shi, ejaakɛ Nyɔŋmɔ ni kɛ lɛ tsu nɔ ni etsu ŋmɛnɛ nɛɛ lɛ.” Biɛ tsɔ̃ ni maŋbii lɛ here Yonatan yiwala kɛje gbele mli.

Ṅmãle̱ Kroṅkroṅ Le̱

⁴⁵ Ši maṅ le̱ kē̱ Saul ake̱: Aso Ionatan ni etšu ne̱ke̱ yiwalaheremo̱ nitšumo̱ kpeteṅkple ne̱ ye̱ Israel le̱ agbo? Akaba mli nakai! Gbĩĩabo̱ ní Iehowa hĩe kã ne̱, eyiteṅ tšo̱i kome akanyõ šikpoṅ; edšake̱ Nyoṅmo̱ eke̱-tšu nii ṅme̱ne̱ ne̱! Ni maṅ le̱ here Ionatan yiwala ní agbeele̱.

1 Samuel 14:45 ပူးပေါင်းရင်းမြစ်များ

2 Samuel 14:11

Tekoayoo lɛ to he ekɛɛ Maŋtsɛ David akɛ, “Maŋtsɛ, ofainɛ, ni okpa Yehowa, oNyɔŋmɔ lɛ, fai koni mɔ ni taoɔ etɔ mibi lɛ lá lɛ he owele lɛ yiŋ atsake koni ekashwie mibi ni eshwɛ lɛ lá shi.” Maŋtsɛ David to he ekɛɛ, “Mina Yehowa akɛ kɛji obi lɛ yiteŋ tsɔi kome nɛkɛ nyɔ shi fĩĩ.”

1 Maŋtsɛmɛi 1:52

Ni Solomon kɛɛ, “Kɛji efee ehe gbɔmɔ kpakpa lɛ eyiteŋtsɔi kome nɛkɛ enyɔŋ shikpɔŋ; shi kɛjeee nakai lɛ, no lɛ ebaagbo.”

2 Kronika 19:11

Yɛ saji fɛɛ ni kɔɔ Yehowa he gbɛfaŋ lɛ, bɔ ni Amaria, osɔfonukpa lɛ, baabua he lɛ no ji naagbee. Ni saji ni kɔɔ maŋtsɛ lɛ he gbɛfaŋ lɛ, bɔni Ishmael bi Zebadia ni ji Yuda amralo lɛ baabua he lɛ, no ji naagbee. Levibii lɛ baakwɛ akɛ aaye kojomɔhei lɛ amli buamɔi fɛɛ anɔ. Nyɛfea ekãa kɛtsua nyɛnii; ni Yehowa aye mɔ ni sane yɔɔ mli lɛ sane ehã lɛ!”

Nehemia 9:27

No hewɔ lɛ, oŋmɛɛ amɛhe ohã amɛhenyɛlɔi, ni amɛhenyɛlɔi lɛ hao amɛ. Amɛhaomɔ nɛɛ mli lɛ amɛfo amɛtsɛ bo, ni ohere amɛ nɔ kɛjɛ ŋwɛi. Omɔbɔnalɛ babaoo lɛ naa lɛ, ojie hiɛnyiɛlɔi ohã amɛ koni amɛhere amɛ yɛ amɛhenyɛlɔi lɛ adɛŋ.

Yesaia 13:3

Mi diɛŋtsɛ mifã mimɛi krɔŋkrɔŋi lɛ, ni ji mitabilɔi kakabãi lɛ, koni amɛkɛ mɛi ni nyaa kɛ hewoo lɛ aye yɛ mimlifu lɛ naa.

Mateo 10:30

Shi nyɛyiteŋtsɔ̃i po lɛ akane fɛɛ.

Luka 21:18

Shi nyɛyiteŋ tsɔi kome nɛkɛ elaajeŋ.

Bɔfoi 14:27

Shi be ni amɛba jɛi ni amɛbabua asafo lɛ naa lɛ, amɛgba amɛ nii ni Nyɔŋmɔ kɛ amɛ eyatsu lɛ fɛɛ, kɛ bɔ ni egbele gbɛ ehã jeŋmaji lɛ ni amɛhe amɛye lɛ.

Bɔfoi 15:12

Kɛkɛ ni asafo muu lɛ fɛɛ fee diŋŋ ni amɛbo Barnaba kɛ Paulo ni gbaa amɛ okadii kɛ naakpɛɛnii abɔ ni Nyɔŋmɔ tsɔ̃ amɛnɔ efee yɛ jeŋmaji lɛ amli lɛ atoi.

Bɔfoi 21:19

Eŋa amɛ, ni egba amɛ nibii ni Nyɔŋmɔ tsɔ̃ esɔ̃ɔmɔ lɛ nɔ etsu yɛ jeŋmaji lɛ ateŋ lɛ ekomekome.

Bɔfoi 27:34

No hewɔ lɛ, miikpa nyɛ fai ni nyɛye nii ejaakɛ no aaahã nyɛyi ana wala, ejaakɛ nyɛteŋ mɔ ko yitsɔi kome ejeŋ eyiteŋ enyɔŋ shi.”

Romabii 15:18

ejaakɛ mikaŋ akɛ mawie nɔ ko akɛ ja nɔ ni Kristo tsɔ̃ minɔ etsu ehã jeŋmaji lɛ atoiboo yɛ wiemɔ kɛ nifeemɔnii amli,

1 Korintobii 3:9

Ejaakɛ Nyɔŋmɔ hefatalɔi nitsulɔi ji wɔ; Nyɔŋmɔ ŋmɔ kɛ Nyɔŋmɔ tsu ji nyɛ.

2 Korintobii 6:1

Shi akɛni Nyɔŋmɔ hefatalɔi ji wɔ yɛ enitsumɔ lɛ mli lɛ, wɔmiikpa nyɛ fai ni nyɛkahã Nyɔŋmɔ dromɔ ni nyɛnine eshɛ nɔ lɛ fee yaka.

Kpojiemɔ 17:14

Amɛkɛ Toobi lɛ baawu, shi Toobi lɛ baaye amɛnɔ kunim, ejaakɛ lɛ ji Nuŋtsɔmɛi aNuŋtsɔ kɛ maŋtsɛmɛi aMaŋtsɛ lɛ, ni mɛi ni kɛ lɛ yɔɔ lɛ ji mɛi ni atsɛ kɛ mɛi ni ahala kɛ mɛi ni heɔ yeɔ lɛ.”

Kpojiemɔ 19:14

Ni tai ni yɔɔ ŋwɛi lɛ tara okpɔŋɔi yɛji anɔ kɛnyiɛ esɛɛ, ni amɛwo klala yɛŋ futaa ni he tse.

1 Samuel 11:13

Shi Saul to he ekɛɛ, “Ashwieŋ la shi ŋmɛnɛ, ejaakɛ ŋmɛnɛ lɛ Yehowa ehere Israel yiwala.”

1 Samuel 14:23

No hewɔ lɛ, Yehowa here Israel nakai gbi lɛ. Atswa ta lɛ aahu kɛho Bet-aven maŋ lɛ he.

1 Samuel 14:46

Enɛ sɛɛ lɛ Saul fɔ̃ɔ Filistibii lɛ asɛɛnyiɛmɔ; ni Filistibii lɛ ku amɛsɛɛ amɛtee amɛ diɛŋtsɛ amɛshikpɔji lɛ anɔ.

1 Samuel 19:5

Edɔɔɔ ewala he, ni no hewɔ lɛ, etee ni ekɛ Goliat, Filistinyo lɛ, yakpe, ni egbe lɛ, ni Yehowa hã Israel fɛɛ ye kunim kpeteŋkple. Bo diɛŋtsɛ hu ona kunim ni eye lɛ, ni onya he. Mɛni hewɔ mɔ ni otaoɔ akɛ ofee mɔ ni efeko efɔŋ ko lɛ esha, ni ogbe David yakatswaa lɛ?”