1 Samuel 14:40 - ŊMALƐ KRƆŊKRƆŊ LƐ

⁴⁰ Kɛkɛ ni Saul kɛɛ Israelbii lɛ akɛ, “Nyɛ fɛɛ nyɛbaaye afã kome, ni mi kɛ mibi Yonatan hu baaye afã kome.” Maŋbii lɛ kɛɛ Saul akɛ, “Bɔ ni oookɛɛ.”

Ṅmãle̱ Kroṅkroṅ Le̱

⁴⁰ Ke̱ke̱ ni ekē̱ Israel fẽ ake̱: Nye le̱ nyeyea afã kome, ni mi ke̱ mibi Ionatan hũ aye afã kome. Ni maṅ le̱ kē̱ Saul ake̱: Noni hĩ ye̱ ohĩe le̱, femo̱!

1 Samuel 14:40 ပူးပေါင်းရင်းမြစ်များ

2 Samuel 15:15

Maŋtsɛ tsuji lɛ here nɔ amɛkɛɛ, “Bɔ ni Maŋtsɛ baakɛɛ.”

1 Samuel 1:23

Elkana to he ekɛɛ, “Ojogbaŋŋ; feemɔ nɔ ni hi yɛ ohiɛ. Hii shi kɛyashi oootse abifao lɛ fufɔ. Yehowa ahã eshiwoo lɛ aba mli kɛkɛ.” No hewɔ lɛ, Hana hi shi, ni ekwɛ abifao lɛ kɛyashi etse lɛ fufɔ lɛ.

1 Samuel 14:36

Enɛ sɛɛ ni Saul kɛɛ ewebii lɛ akɛ, “Nyɛhãa wɔyaa koni wɔyatuaa Filistibii lɛ nyɔɔŋ koni wɔgbe amɛ kɛyashi jetsɛremɔ wɛlɛŋŋ; ni wɔkashi amɛteŋ hiɛkãalɔ kome nɛkɛ.” Maŋbii lɛ here nɔ akɛ, “Bɔ ni oookɛɛ.” Shi osɔfo lɛ hu kɛɛ akɛ, “Nyɛhãa wɔbia Nyɔŋmɔ nii dã.”

1 Samuel 14:39

Mina Yehowa, Israel yiwalaherelɔ lɛ, kɛji mibi Yonatan tete ni fee esha nɛɛ lɛ ja egbo.” Shi tabilɔi lɛ ateŋ mɔ ko mɔ ko hãaa hetoo.

1 Samuel 14:41

Kɛkɛ ni Saul kɛɛ akɛ, “Ao! Yehowa, Israel Nyɔŋmɔ, mɛɛba ni ŋmɛnɛ gbi nɛɛ lɛ ohãaa otsulɔ hetoo? Kɛji esha lɛ mi, loo mibi Yonatan ni fee lɛ, hã Urim atsɔ̃ɔ; shi kɛji owebii Israelbii lɛ ateŋ ajɛ ni afee esha lɛ, no lɛ hã Tumim atsɔ̃ɔ.” Oshiki lɛ gbee Saul kɛ Yonatan nɔ, ni maŋbii lɛ ahe je mli.

1 Samuel 14:7

Oblanyo lɛ ni hiɛ tawuunii lɛ to he ekɛɛ, “Bɔ ni oookɛɛ; mi kɛ bo, yɛ gbɛ fɛɛ gbɛ nɔ.”