1 Samuel 14:36 - ŊMALƐ KRƆŊKRƆŊ LƐ

³⁶ Enɛ sɛɛ ni Saul kɛɛ ewebii lɛ akɛ, “Nyɛhãa wɔyaa koni wɔyatuaa Filistibii lɛ nyɔɔŋ koni wɔgbe amɛ kɛyashi jetsɛremɔ wɛlɛŋŋ; ni wɔkashi amɛteŋ hiɛkãalɔ kome nɛkɛ.” Maŋbii lɛ here nɔ akɛ, “Bɔ ni oookɛɛ.” Shi osɔfo lɛ hu kɛɛ akɛ, “Nyɛhãa wɔbia Nyɔŋmɔ nii dã.”

Ṅmãle̱ Kroṅkroṅ Le̱

³⁶ Ni Saul kē̱: Nyehãa wo̱kplekea ši ke̱-nyiea Filistibii le̱ ase̱ nyōṅ, ni wo̱-haame̱ ke̱-yaši dšetše̱remo̱ we̱le̱ṅṅ, ni wo̱kašĩ ame̱teṅ mokomoko! Ni ame̱kē̱: Nofẽno ni hĩ ye̱ ohĩe le̱, femo̱! Ke̱ke̱ ni oso̱ſo le̱ kē̱: Nyehãa wo̱tšia wo̱be̱ṅke̱a bie̱ ke̱-yaä Nyoṅmo̱ ṅō!

1 Samuel 14:36 ပူးပေါင်းရင်းမြစ်များ

Lalai 73:28

Shi mi lɛ, Nyɔŋmɔ masɛi hilɛ hi hã mi. Mikɛ Nuŋtsɔ Nyɔŋmɔ lɛ efee mibobaahe, bɔ ni afee ni magba onitsumɔi lɛ fɛɛ.

Yesaia 58:2

Tsɛbelɛ gbi fɛɛ gbi lɛ amɛtaoɔ misɛɛgbɛ, ni amɛshweɔ akɛ amɛle migbɛi lɛ tamɔ maŋ ni yeɔ jalɛ sane, ni amɛkwako amɛNyɔŋmɔ lɛ mlai lɛ. Amɛtaoɔ akɛ mabu amɛ bem akɛ jalɔi, ni amɛsumɔɔ akɛ amɛtsi amɛbɛŋkɛ Nyɔŋmɔ.”

Yeremia 6:5

Belɛ nyɛhãa wɔtea shi, ni wɔfã nyɔɔŋ kɛyatuaa lɛ, ni wɔkpãtã emɔji fɛɛfɛji lɛ ahiɛ!”

Maleaki 2:7

Ejaakɛ osɔfoi agbɛnaa nitsumɔ ji akɛ amɛtsɔ̃ɔ mɛi Nyɔŋmɔ he nilee krɔŋŋ lɛ. Amɛ amɛŋɔɔ esa akɛ mɛi aya koni amɛyakase mla lɛ he nii, ejaakɛ amɛ ji Yehowa, Taiatsɛ lɛ, bɔfoi lɛ.

4 Mose 27:21

Ebo Osɔfo Eleazar toi be fɛɛ be. Eya eŋɔ̃ɔ, ni ebaafɔ̃ Urim lɛ koni ekɛbi mi nii ehã lɛ yɛ mihiɛ. Lɛ kɛ Israelbii lɛ kɛ asafo lɛ fɛɛ ayaakɛbaa mli lɛ, amɛbo Osɔfo Eleazar wiemɔ toi.”

Yakobo 4:8

Nyɛtsia nyɛbɛŋkɛa Nyɔŋmɔ, ni eeetsi ebɛŋkɛ nyɛ. Nyɛtsuua nyɛniji ahe, nyɛ eshafeelɔi, ni nyɛhãa nyɛtsuii ahe atsea, nyɛ jwɛŋmɔi enyɔnyɔɔnyɔtsɛmɛi.

Yoshua 10:19

No sɛɛ lɛ, nyɛ lɛ nyɛkadamɔa shi; nyɛtiua henyɛlɔi lɛ, ni nyɛjɛa amɛsɛɛgbɛ nyɛtswiaa amɛ nii. Nyɛkaŋmɛa amɛ gbɛ ni amɛyabote amɛmaji lɛ amli, ejaakɛ Yehowa, nyɛNyɔŋmɔ lɛ, ehã nyɛye amɛnɔ kunim momo.”

Yoshua 11:14

Israelbii lɛ ha maji lɛ amli bii lɛ anibii fɛɛ kɛ amɛkooloi hu amɛhã amɛhe. Asaŋ amɛkɛ klante gbe maji lɛ amli gbɔmɛi kɛyashi amɛkpãtã mɔ fɛɛ mɔ hiɛ; amɛshwɛɛɛ gbɔmɔ hiɛkãalɔ kome nɛkɛ.

1 Samuel 1:23

Elkana to he ekɛɛ, “Ojogbaŋŋ; feemɔ nɔ ni hi yɛ ohiɛ. Hii shi kɛyashi oootse abifao lɛ fufɔ. Yehowa ahã eshiwoo lɛ aba mli kɛkɛ.” No hewɔ lɛ, Hana hi shi, ni ekwɛ abifao lɛ kɛyashi etse lɛ fufɔ lɛ.

1 Samuel 11:11

Enɔ jetsɛremɔ lɛ Saul ja etabilɔi lɛ amli kui etɛ̃, ni amɛyatua Amonbii lɛ maŋkɛ hima mli, yɛ amɛnsra lɛ mli, ni amɛtswia amɛ nii kɛyashi shwane fintiŋŋ. Amonbii ni je gbele mli lɛ gbɛ shwã bɔ ni onaŋ amɛteŋ mɛi enyɔ nɛkɛ yɛ he kome.

1 Samuel 14:3

ni Ahia ji mɔ ni wo efod lɛ. Osɔfo Eli, mɔ ni ye Yehowa osɔfo yɛ Shilo lɛ, bi Finehas bi Ikabod nyɛmi Ahitub bi ji Ahia nɛɛ. Shi maŋ lɛ leee kwrakwra akɛ Yonatan eje amɛteŋ etee he ko.