1 Samuel 14:23 - ŊMALƐ KRƆŊKRƆŊ LƐ

²³ No hewɔ lɛ, Yehowa here Israel nakai gbi lɛ. Atswa ta lɛ aahu kɛho Bet-aven maŋ lɛ he.

Ṅmãle̱ Kroṅkroṅ Le̱

²³ Ni Iehowa here Israel yiwala nakai gbĩ le̱. Ni tawū le̱ foṅ ke̱-teke Bet-Aven.

1 Samuel 14:23 ပူးပေါင်းရင်းမြစ်များ

2 Maŋtsɛmɛi 14:27

Shi akɛni Yehowa ekɛko akɛ eeegbe Israel gbɛi yɛ ŋwɛi shishi nɛɛ hewɔ lɛ, etsɔ̃ Yeroboam, Yoash bi lɛ, nine nɔ ehere amɛyiwala.

1 Kronika 11:14

Shi Eleazar nɛɛ ho edamɔ shi akɛ nuu, ni ekpee ta lɛ naa yɛ shikpɔŋ kuku lɛ teŋ tuuŋtu efã shikpɔŋ lɛ he, ni ekɛ esɛɛnyiɛlɔi lɛ gbe Filistibii lɛ. Yehowa hã eye kunim kpeteŋkple.

2 Kronika 32:22

Bɔ ni Yehowa fee ehere Hezekia kɛ Yerusalɛmbii lɛ ayiwala yɛ Asiria Maŋtsɛ Sankerib kɛ mɛi krokomɛi fɛɛ adɛŋ nɛ. Asaŋ ehã amɛ kɛ amɛhewɔ maji fɛɛ hi shi yɛ hejɔlɛ mli.

2 Mose 14:30

Nakai gbi lɛ, bɔ ni Yehowa fee ehere Israelbii lɛ ayiwala kɛjɛ Ijiptbii adɛŋ nɛ, ni Israelbii lɛ na Ijiptbii lɛ jwere ŋshɔ lɛ naa ni amɛgboi.

Hosea 1:7

Shi mimusuŋ aaatsɔ̃ mi yɛ Yuda he, ni mi Yehowa, amɛNyɔŋmɔ lɛ, mibahere amɛyiwala; shi moŋ mitsɔ̃ŋ gãi loo klante loo ta loo okpɔŋɔi loo tayaa okpɔŋɔnɔtalɔi anɔ mihereŋ amɛyiwala.”

5 Mose 20:4

ejaakɛ Yehowa, nyɛNyɔŋmɔ lɛ, kɛ nyɛ yaa ta lɛ koni ekɛ nyɛhenyɛlɔi lɛ ayawu ahã nyɛ koni nyɛye kunim.’

Yoshua 7:2

Kɛkɛ ni Yoshua tsu hii kɛjɛ Yeriko koni amɛya Ai maŋ lɛ ni yɔɔ Betaven masɛi yɛ Betel bokãgbɛ lɛ. Ni ekɛɛ amɛ akɛ, “Nyɛyaa ni nyɛyasaraa shikpɔŋ lɛ nyɛkwɛa.” Hii nɛɛ tee ni amɛyasara Ai,

Kojolɔi 2:18

Be fɛɛ be ni Yehowa aaatee hiɛnyiɛlɔi ashi ehã Israelbii lɛ, Yehowa yeɔ ebuaa hiɛnyiɛlɔi lɛ ni amɛhereɔ Israelbii lɛ yɛ amɛhenyɛlɔi lɛ adɛŋ gbii abɔ fɛɛ ni hiɛnyiɛlɔ lɛ yɔɔ lɛ; ejaakɛ ŋtsɔi ni Israelbii lɛ dɔmɔɔ yɛ mɛi ni waa amɛ yi kɛ mɛi ni haoɔ amɛ lɛ hewɔ lɛ dɔɔ Yehowa.

1 Samuel 10:19

Shi ŋmɛnɛ gbi nɛɛ, nyɛ lɛ nyɛkwa mi, nyɛNyɔŋmɔ lɛ ni hereɔ nyɛyiwala kɛjeɔ nyɛmanehului kɛ nyɛfimɔi fɛɛ amli lɛ, ni nyɛkɛɛ dabida, shi bɔ fɛɛ bɔ ni fee lɛ mito maŋtsɛ mihã nyɛ.’ No hewɔ lɛ, agbɛnɛ nyɛtoa kɛbaa mi Yehowa mihiɛ yɛ nyɛkutsei kɛ nyɛshĩai anaa.”

1 Samuel 13:5

Kɛkɛ ni Filistibii lɛ bua amɛhe naa koni amɛ kɛ Israelbii lɛ abawu. Amɛhiɛ ta shwiilii akpei nyɔŋmai etɛ̃ kɛ okpɔŋɔnɔtalɔi akpei ekpaa kɛ asraafoi ni yifalɛ oookɛɛ ŋshɔnaa shia; ni amɛfã ta kɛgba, ni amɛbabɔ nsra yɛ Mikmash yɛ Bet-Aven bokãgbɛ.

1 Samuel 9:16

“Wɔ benɛ mli lɛ mibatsu nuu ko ni jɛ Benyamin akutso lɛ mli oŋɔɔ koni ofɔ lɛ mu, ni owo lɛ mimaŋ Israel maŋtsɛ. Lɛ ebaahere mimaŋbii lɛ yɛ Filistibii lɛ adɛŋ. Mina amɛnɔnaa lɛ, ni minu tsɛmɔ ni amɛtsɛɔ koni ahere amɛ lɛ.”