1 Samuel 14:15 - ŊMALƐ KRƆŊKRƆŊ LƐ

¹⁵ Kɛkɛ ni Filistibii ni yɔɔ nsra lɛ mli kɛ mɛi ni yɔɔ ŋa lɛ nɔ kɛ maji fɛɛ amli fɛɛ jijaa, ŋmiŋmi mɔmɔ asraafoi ni yɔ nsra lɛ mli lɛ kɛ mɛi ni tee amɛyaaye ofɔ̃ lɛ. Shikpɔŋ hu hoso, ni ehã jijaamɔ lɛ mli wo wu.

Ṅmãle̱ Kroṅkroṅ Le̱

¹⁵ Ni ṅmiṅmi ba nsra le̱ṅ ye̱ ṅã le̱ no̱ ke̱ ta mū le̱ fẽ ne̱; asrafoi le̱ ke̱ nihalo̱i le̱, ame̱ hũ ṅmiṅmi mõme̱ame̱; ni šikpoṅ hoso, ni etšṍ Nyoṅmo̱ he ṅmiṅmi.

1 Samuel 14:15 ပူးပေါင်းရင်းမြစ်များ

1 Mose 35:5

Kɛkɛ ni amɛŋɔ shwie nɔ. Nyɔŋmɔ he ŋmiŋmi mɔmɔ maji fɛɛ ni bɔle amɛ lɛ, no hewɔ lɛ, amɛtiuuu Yakob webii lɛ.

2 Samuel 5:24

Kɛ onu gbɛɛmɔ yɛ Balsam tsei lɛ ayiteŋ tamɔ naneshi gbɛɛmɔ lɛ, ohe afee oya ni otua amɛ, ejaakɛ no tsɔ̃ɔ akɛ miyi ohiɛ miyatswia Filistibii lɛ atabilɔi lɛ anii.”

Hiob 18:11

Ehewɔ nibii fɛɛ ni bɔle lɛ ehã ŋmiŋmi emɔ lɛ, ni amɛnyiɛ esɛɛ kpaakpa.

Lalai 14:5

Gbeyei kpele aaamɔmɔ amɛ, ejaakɛ Nyɔŋmɔ kɛ jalɔi lɛ yɛ.

2 Mose 19:18

Sinai Gɔŋ muu lɛ fɛɛ miije lasu, ejaakɛ Yehowa ekpeleke shi kɛba gɔŋ lɛ nɔ yɛ la mli. Lasu lɛ fãa kɛyaa ŋwɛi tamɔ flɔnɔɔ mli lasu, ni gɔŋ muu lɛ fɛɛ hoso waa naakpa.

Daniel 5:6

Maŋtsɛ lɛ hiɛ tsake amrɔ, ni etsui fã, ni eshe gbeyei bɔ sɔŋŋ ni etalɔiaŋ jɔ biɛɛ, ni enakutsei kpokpo.

Mateo 24:6

Shi nyɛaanu tai kɛ tai atatsĩĩ ahe; nyɛkwɛa ni nyɛtsui akafãa; ejaakɛ esa akɛ nii nɛɛ fɛɛ aba mli, shi kɛ̃lɛ naagbee lɛ shɛko.

Yoshua 2:9

ni eyakɛɛ amɛ akɛ, “Mile akɛ Yehowa kɛ shikpɔŋ nɛɛ ehã nyɛ, ni nyɛhe ŋmiŋmi emɔmɔ wɔmaŋbii fɛɛ, ni shikpɔŋ lɛ nɔ bii fɛɛ ejijaa yɛ nyɛhewɔ;

Kojolɔi 7:21

Mɔ fɛɛ mɔ damɔ egbɛhe kɛbɔle Midian nsra lɛ kpula. Midian ta lɛ bu, ni amɛjo foi kɛ blɔmɔ.

1 Samuel 13:17

Kɛkɛ ni Filistibii lɛ wo asafoi etɛ̃ agbɛ kɛjɛ amɛta lɛ mli koni amɛyatua Israelbii lɛ koni amɛha amɛnii. Ku kome tsɔ̃ Ofra gbɛ kɛtee Shual shikpɔŋ lɛ nɔ; ni ku kome hu tsɔ̃ Bet-Horon gbɛ,

1 Samuel 13:18

ni ku kome ko hu tsɔ̃ husu lɛ ni kwɛɔ Zeboim Jɔɔ lɛ mli lɛ nɔ kɛtee shiaŋa lɛ nɔ.

1 Samuel 13:23

Filistibii lɛ wo asraafoi aku gbɛ kɛtee Mikmash jɔɔ lɛ mli koni amɛyabu jɛi tsɔ̃mɔhe lɛ he.

1 Samuel 14:14

Klɛŋklɛŋ klante ni Yonatan tse nɛɛ mli lɛ, lɛ kɛ tawuuniihiɛlɔ lɛ gbe Filistibii lɛ bɔ sɔŋŋ ni ana gbohii nyɔŋmai enyɔ yɛ shikpɔŋ hɛkta kome dalɛ mlijaa ejwɛ mli ekome fɛɛ ekome nɔ.

1 Samuel 14:16

Saul sɛɛ tabilɔi ni ahã amɛbuɔ yɛ Gibea yɛ Benyamin shikpɔŋ lɛ nɔ lɛ yaakwɛ lɛ naa Filistibii lɛ ni amɛgbɛ amɛshwã kɛmiiya kɛmiiba.

1 Samuel 7:10

Be ni Samuel shãa afɔle lɛ, Filistibii lɛ tsi bɛŋkɛ koni amɛbatua Israelbii lɛ. Shi Yehowa hã ŋwɛi shimɔ gbeyeigbeyei wo Filistibii lɛ nakai gbi lɛ, ni ehã amɛhiɛ bɔ, ni amɛnyɛɛɛ Israelbii lɛ ahiɛ amɛdamɔ.