1 Samuel 14:12 - ŊMALƐ KRƆŊKRƆŊ LƐ

¹² Ni Filistibii asraafoi lɛ bo tsɛ Yonatan kɛ oblanyo ni hiɛɔ edama lɛ akɛ, “Nyɛ lɛ nyɛbaa! Wɔbaatsɔ̃ɔ nyɛ nɔ ko.” Kɛkɛ ni Yonatan kɛɛ oblanyo ni hiɛɔ edama lɛ akɛ, “Nyiɛmɔ misɛɛ, shi Yehowa ejɔɔ amɛnɔ ewo Israel dɛŋ.”

Ṅmãle̱ Kroṅkroṅ Le̱

¹² Ni asrafoi le̱ here Ionatan ke̱ eta-wūniihlelo̱ le̱ no̱ ake̱: Nyekwo̱a ke̱-baä wo̱ṅõ ni wo̱tšõnye noko! Ke̱ke̱ ni Ionatan kē̱ etawūniihĩelo̱ le̱ ake̱: Kwo̱ ke̱-nyie mise̱ ke̱-ba; ši Iehowa eṅõame̱ ewo Israel deṅ!

1 Samuel 14:12 ပူးပေါင်းရင်းမြစ်များ

1 Mose 24:42

“Be ni mibashɛ nubu lɛ he ŋmɛnɛ lɛ, misɔle mikɛɛ, ‘Yehowa, minuŋtsɔ Abraham Nyɔŋmɔ, kɛji ooohã migbɛ ni minyiɛ nɛɛ afee omanye lɛ,

1 Mose 24:48

Kɛkɛ ni mima miyi shi, ni mija Yehowa, ni mijie Yehowa, minuŋtsɔ Abraham Nyɔŋmɔ lɛ, yi, mɔ ni tsɔ̃ɔ mi gbɛ jurɔ koni mikɛbaŋɔ minuŋtsɔ wekunyo biyoo mahã ebinuu lɛ.

2 Samuel 5:24

Kɛ onu gbɛɛmɔ yɛ Balsam tsei lɛ ayiteŋ tamɔ naneshi gbɛɛmɔ lɛ, ohe afee oya ni otua amɛ, ejaakɛ no tsɔ̃ɔ akɛ miyi ohiɛ miyatswia Filistibii lɛ atabilɔi lɛ anii.”

2 Maŋtsɛmɛi 14:8

No mli Amazia tsu bɔfoi kɛtee Israel Maŋtsɛ Yehoash, Yehu bi Yehoahaz bi lɛ bi, ŋɔɔ ayatsɛ lɛ ŋa nɔ akɛ, “Ba ni wɔkpe nuu kɛ nuu.”

Kojolɔi 4:14

Kɛkɛ ni Debora kɛɛ Barak akɛ, “Tee shi, ejaakɛ ŋmɛnɛ gbi nɛɛ ji gbi ni Yehowa baahã oye Sisera nɔ kunim. Ani jeee Yehowa efã kɛnyiɛ ohiɛ nɛɛ?” No hewɔ lɛ, Barak kpeleke shi kɛjɛ Tabor gɔŋ lɛ nɔ. Hii akpei nyɔŋma lɛ nyiɛ esɛɛ.

Kojolɔi 7:14

Enaanyo lɛ to he hã lɛ akɛ, “Enɛ lɛ jeee nɔ ko nɔ ko ni, Yoash, Israelnyo lɛ, bi Gideon lɛ klante lɛ ni. Nyɔŋmɔ eto akɛ Gideon aye Midian ta lɛ fɛɛ nɔ kunim.”

Kojolɔi 7:15

Be ni Gideon nu lamɔ ni agba lɛ kɛ eshishitsɔ̃ɔmɔ lɛ, eho ekula shi ni esɔle. Kɛkɛ ni eku esɛɛ kɛtee Israelbii lɛ nsra lɛ mli, ni ekɛɛ amɛ akɛ, “Nyɛtea shi, ejaakɛ Yehowa eto akɛ nyɛbaaye Midian ta lɛ fɛɛ nɔ kunim.”

Kojolɔi 9:54

Oya nɔŋŋ ni Abimelek tsɛ oblanyo ni hiɛ lɛ Abimelek lɛ etawuunii lɛ, ni efã oblanyo lɛ akɛ, “Gbalamɔ oklante ni ogbe mi, koni akakɛɛ yɛ mihe akɛ, ‘Yoo po gbe lɛ.’ ” No hewɔ lɛ, oblanyo lɛ tsu Abimelek nɔ, ni egbo.

1 Samuel 14:10

Shi kɛji amɛkɛɛ wɔ akɛ ‘Nyɛ lɛ nyɛbaa’ lɛ, no lɛ wɔbaaya wɔyanina amɛ, ejaakɛ no ji okadi akɛ Yehowa ejɔɔ amɛnɔ ewo wɔdɛŋ koni wɔye amɛnɔ.”

1 Samuel 14:13

Yonatan nyiɛ yɛ eniji kɛ enaji anɔ kɛkwɔ tɛsaa lɛ, ni etawuuniihiɛlɔ lɛ hu fee nakai nɔŋŋ kɛnyiɛ esɛɛ. Yonatan yatua Filistibii lɛ ni eku mɛi fɛɛ ni baje hiɛ lɛ eshwie shi, bɛlɛ etawuuniihiɛlɔ lɛ hu miigbe mɛi kɛnyiɛ esɛɛ.