1 Samuel 13:9 - ŊMALƐ KRƆŊKRƆŊ LƐ

⁹ Enɛ hã Saul fã akɛ, “Akɛ shãa afɔle lɛ kɛ shidaa afɔlei lɛ abahã mi yɛ biɛ.” Kɛkɛ ni Saul shã afɔle lɛ.

Ṅmãle̱ Kroṅkroṅ Le̱

⁹ Ke̱ke̱ ni Saul kē̱: Nyeke̱ šã-afo̱le le̱ ke̱ šidā-afo̱lei le̱ abahãami ye̱ bie̱. Ni esă šã-afo̱le le̱.

1 Samuel 13:9 ပူးပေါင်းရင်းမြစ်များ

2 Samuel 24:25

Kɛkɛ ni Maŋtsɛ David ma afɔleshãa latɛ yɛ nɔ ehã Yehowa, ni eshã shãa afɔlei kɛ shidaa afɔlei. No hewɔ lɛ, Yehowa bo fai ni akpa lɛ ahã Israelbii lɛ toi, kɛkɛ ni gbele hela lɛ sɛɛ fo yɛ Israel.

1 Maŋtsɛmɛi 3:4

Afɔleshãa latɛ wulu fe fɛɛ lɛ Gibeon eyɔɔ; no hewɔ lɛ, Solomon yiŋ etee koni eyashã afɔle yɛ jɛi. Solomon eshã afɔle fe shii akpe yɛ nɛkɛ afɔleshãa latɛ nɛɛ nɔ.

Lalai 37:7

Feemɔ dioo yɛ Yehowa hiɛ, ni oto otsui shi omɛ lɛ. Kaawo otsui he la yɛ mɔ ni egbɛ eja ehã lɛ lɛ hewɔ. Kaawo otsui he la yɛ mɔ ni toɔ ŋaai fɔ̃ji ni etsuɔ amɛhenii hu lɛ hewɔ.

Abe̱i 15:8

Mɛi fɔ̃ji afɔle lɛ, Yehowa miihi; shi jalɔi asɔlemɔ lɛ, enaa he miishɛɛ.

Abe̱i 20:22

Kaakɛɛ akɛ, “Matɔ efɔŋ he owele.” Mɛɛ Yehowa, ni eeeye ebua bo.

Abe̱i 21:27

Efɔŋfeelɔ afɔle lɛ, nihiinii ni; blɔblɔ ni ekɛba kɛ yiŋsha.

Abe̱i 21:3

Jalɛ saneyeli kɛ kojomɔ kpakpa lɛ, esa Yehowa hiɛ fe afɔleshãa.

Yesaia 66:3

“Mɔ ni gbeɔ tsina lɛ, etamɔ mɔ ni gbeɔ gbɔmɔ nɔŋŋ; mɔ ni kɛ toobi shãa afɔle lɛ, etamɔ mɔ ni kɛ gbee shãa afɔle nɔŋŋ; mɔ ni shãa niyenii afɔle lɛ, etamɔ mɔ ni kɛ kplotoo lá bahãa nɔŋŋ; mɔ ni shãa krɔbɔo afɔle lɛ, etamɔ mɔ ni jaa wɔŋ nɔŋŋ. Mɛi nɛɛ fɛɛ ekɔlɔ amɛ diɛŋtsɛ amɛgbɛi, ni amɛnaa nihiinii ni amɛfeɔ lɛ he miishɛɛ.

5 Mose 12:5

Shi moŋ he ni Yehowa, nyɛNyɔŋmɔ lɛ, baaŋɔ yɛ nyɛkutsei lɛ fɛɛ mli akɛ jɛi afee eshihilɛhe kɛ he ni aja lɛ yɛ lɛ, jɛi nyɛyaa.

5 Mose 12:6

Nyɛkɛ kooloi ni agbeɔ akɛ afɔle kɛ afɔlei ni ashãa lɛ kɛ ekrokomɛi lɛ, nyɛnibii amlijai nyɔŋma mli ekomekome lɛ kɛ nyɛniyenii afɔlei lɛ kɛ nyɛshiwoo afɔlei lɛ kɛ nyɛtsuijurɔ naa nikeenii lɛ kɛ nyɛtoi kɛ nyɛtsinai akromɔbii lɛ, ayaa jɛi.

1 Samuel 14:18

Ni Saul kɛɛ Ahia, osɔfo lɛ, akɛ, “Yaawo Nyɔŋmɔ Kpãŋmɔ Adeka lɛ kɛba biɛ.” Nɛkɛ beiaŋ lɛ he fɛɛ he ni Israelbii lɛ yaa lɛ amɛ kɛ Kpãŋmɔ Adeka lɛ yaa.