1 Samuel 13:6 - ŊMALƐ KRƆŊKRƆŊ LƐ

⁶ Be ni Israel hii lɛ na akɛ nine miitao akɛ etsɔ̃ɔ amɛnɔ (ejaakɛ ta lɛ miinyɛ amɛ) lɛ, mɛi yateetee amɛhe yɛ tɛkploi kɛ bui kɛ tɛsai kɛ gbonyobui kɛ nubui amli,

Ṅmãle̱ Kroṅkroṅ Le̱

⁶ Ni beni Israel hĩĩ le̱ na ake̱ efīame̱, edšake̱ āhao maṅ le̱, ke̱ke̱ ni maṅ le̱ yatētē ame̱he ye̱ bui amli ke̱ kow̌eii amli ke̱ te̱sāi amli ke̱ mõdši amli ke̱ fo̱dši amli.

1 Samuel 13:6 ပူးပေါင်းရင်းမြစ်များ

2 Samuel 24:14

David hã Gad hetoo akɛ, “Sane lɛ wa hã mi naakpa. Shi fɛɛ sɛɛ lɛ misumɔŋ akɛ mayaje gbɔmɔ adesa dɛŋ. Wɔyɛ Yehowa dɛŋ, ejaakɛ lɛ lɛ, emɔbɔnalɛ fa.”

Yesaia 42:22

Shi emaŋbii lɛ aju amɛ, ni aha amɛ, ni amɔmɔ amɛ awo bui amli, ni aŋɔ amɛ atee gboklɛfoi atsuiaŋ; amɔmɔ amɛ ni jielɔ ko bɛ he ko ni mɔ ko hu bɛ ni kɛɔ akɛ, “Akɛ amɛnii ni aha lɛ ahã amɛ”.

Yeremia 41:9

Nubu lɛ ni Ishmael shɛrɛ hii lɛ ni egbe lɛ agbohii lɛ eshwie mli lɛ, no ji nubu agbo ko ni Maŋtsɛ Asa je koni ekɛfã ehe be mli ni Maŋtsɛ Baasha, Israel maŋtsɛ, baa ebatua lɛ lɛ. Ishmael, Netania bi lɛ, loo gbohii lɛ ewo mli obɔ̃ tɔ.

Ezekiel 33:27

“Kɛɛmɔ amɛ akɛ bɔ ni Nuŋtsɔ Yehowa kɛɔ nɛ, gbii abɔ ni mi, mi ji Nyɔŋmɔ Hiɛkãalɔ lɛ nɛɛ lɛ, bɔ fɛɛ bɔ ni fee lɛ akɛ klante baakpãtã mɛi ni yɔɔ amaŋfɔ̃i lɛ amli lɛ ahiɛ, ni mɔ ni yɔɔ ŋa kplanaa nɔ lɛ, maŋɔ lɛ maha ŋaŋ kooloi ni amɛye. Mɛi ni yɔɔ mɔji kɛ tɛkpoji amli lɛ, gbele hela aaagbe amɛ.

Filipibii 1:23

shi miihao yɛ nibii enyɔ nɛɛ ateŋ; miishwe ni maje mli ni mikɛ Kristo ayahi shi, ejaakɛ no hi aahu;

Hebribii 11:38

mɛi ni je nɛɛŋ esaaa amɛ lɛ, amɛtsomlo yɛ shiaŋai kɛ gɔji anɔ, kɛ tɛkploi kɛ shikpɔŋ fɔ̃ji amli.

Yoshua 8:20

Be ni Ai hii lɛ yaakwɛ amɛsɛɛ lɛ amɛna akɛ lasu miifã yɛ amɛmaŋ lɛŋ kɛmiiya ŋwɛi. Nakai be mli nɔŋŋ kɛkɛ ni Israelbii ni kwa wo foi kɛtee ŋã lɛ nɔ lɛ tsɔ̃ amɛhe amɛwo Aibii lɛ; ehiii Aibii lɛ foijee kɛmiitsɔ̃ biɛ loo biɛ.

Kojolɔi 10:9

Agbɛnɛ hu Amonbii lɛ bafo Yordan koni amɛkɛ Yuda kɛ Benyamin we lɛ kɛ Efraim abawu. Enɛ hã Israelbii lɛ fee yeyeeye naakpa.

Kojolɔi 20:41

Kɛkɛ ni Israel hii lɛ dɔ amɛhe. Ŋmiŋmi mɔ Benyamin hii lɛ, ejaakɛ amɛna akɛ sane fɔŋ eye amɛ.

Kojolɔi 6:2

Midianbii lɛ anineshi wa naakpa yɛ Israelbii lɛ anɔ. Midianbii lɛ ahewɔ lɛ, Israelbii lɛ tao bui yɛ gɔji lɛ anɔ, kɛ tɛkploi kɛ mɔji amɛhã amɛhe.

1 Samuel 13:15

Sane nɛɛ sɛɛ lɛ Saul shi Gilgal ni etee Geba yɛ Benyamin shikpɔŋ lɛ nɔ. Ekane hii tabilɔi ni fata ehe lɛ, ena mɛi aaafee ohai ekpaa.

1 Samuel 14:11

No hewɔ lɛ, Yonatan kɛ edama hiɛlɔ lɛ fɛɛ jie amɛhe kpo ni amɛhã Filistibii asraafoi lɛ na amɛ. Kɛkɛ ni Filistibii lɛ kɛɛ akɛ, “Nyɛkwɛa, Hebribii lɛ miifamɔ kpo kɛjɛ bui amli hei ni amɛyateetee amɛhe yɛ lɛ.”

1 Samuel 14:22

Nakai nɔŋŋ hu Israelbii ni jojoo foi amɛyateetee yɛ Efraim gɔji lɛ anɔ lɛ hu fee. Be ni amɛnu akɛ Filistibii lɛ miijo foi yɛ ta lɛ naa lɛ, amɛ hu amɛbafata he ni anyiɛ Filistibii lɛ asɛɛ waa.

1 Samuel 23:19

Kɛkɛ ni Zif hii komɛi yakɛɛ Saul yɛ Gibea akɛ, “Naa, David ebatee yɛ wɔŋɔɔ yɛ Horesh tɛkploi lɛ amli yɛ Hakila Gɔŋ lɛ nɔ yɛ Yuda shiaŋa lɛ wuoyigbɛ.

1 Samuel 24:3

Amɛyashɛ tɛkplo ko he yɛ toi atsui komɛi ahe yɛ gbɛ lɛ nɔ, ni Saul tee niiaŋ yɛ tɛkplo nɛɛ mli. Asomoaŋ David kɛ esɛɛbii lɛ eyatee yɛ tɛkplo kometoo nɛɛ nɔŋŋ sɛɛgbɛ tɔ̃ɔ.

1 Samuel 31:7

Be ni Israelbii ni yɔɔ Yezreel Jɔɔ lɛ sɛɛ kɛ mɛi hu ni yɔɔ Yordan bokãgbɛ lɛ na akɛ, Israelbii lɛ ejo foi yɛ Filistibii lɛ ahiɛ, ni asaŋ Saul kɛ ebihii etɛ̃ lɛ egboi lɛ, amɛjojoo foi amɛshishii amɛmaji amɛshwie shi, ni Filistibii lɛ baŋɔ maji lɛ ni amɛhi mli.

1 Samuel 7:7

Be ni Filistibii lɛ nu akɛ Israelbii lɛ ebabua amɛhe naa yɛ Mizpa lɛ, Filistibii amaŋtsɛmɛi lɛ fã ta koni amɛbatua Israelbii lɛ. Be ni Israelbii lɛ nu ta ni Filistibii lɛ efã lɛ he lɛ, amɛshe gbeyei,