1 Samuel 13:5 - ŊMALƐ KRƆŊKRƆŊ LƐ

⁵ Kɛkɛ ni Filistibii lɛ bua amɛhe naa koni amɛ kɛ Israelbii lɛ abawu. Amɛhiɛ ta shwiilii akpei nyɔŋmai etɛ̃ kɛ okpɔŋɔnɔtalɔi akpei ekpaa kɛ asraafoi ni yifalɛ oookɛɛ ŋshɔnaa shia; ni amɛfã ta kɛgba, ni amɛbabɔ nsra yɛ Mikmash yɛ Bet-Aven bokãgbɛ.

Ṅmãle̱ Kroṅkroṅ Le̱

⁵ Ke̱ke̱ ni Filistibii le̱ bua ame̱he nā ke̱-kpe ni ame̱ke̱ Israel abawu, ame̱hĩe ſīlii akpei-nyoṅmai-etẽ ke̱ okpo̱ṅo̱i-atše̱mei akpei-ekpa ke̱ ta ni fá tamo̱ ṅšo̱ nā šĩa; ni ame̱fă ke̱-ba, ni ame̱babo̱ nsra ye̱ Mikmaš ye̱ Bet-Aven bokãgbe̱.

1 Samuel 13:5 ပူးပေါင်းရင်းမြစ်များ

1 Mose 22:17

hewɔ lɛ, jɔɔmɔ majɔɔ bo, ni mahã oshwiei afa tamɔ ŋwɛi ŋulamii kɛ ŋshɔnaa shia. Oshwiei lɛ aaaye amɛhenyɛlɔi anɔ kunim.

2 Samuel 17:11

No hewɔ lɛ, ŋaa ni miwoɔ ji akɛ obua Israel maŋ muu lɛ fɛɛ naa, kɛjɛ Dan aahu kɛyashwie Beersheba, amɛyi baafa tamɔ ŋshɔnaa shia. Bo diɛŋtsɛ hu oya ta lɛ eko.

1 Maŋtsɛmɛi 20:27

Kɛkɛ ni abua Israelbii lɛ hu anaa. Amɛtao niyenii amɛkɛhiɛ amɛdɛŋ, ni amɛ hu amɛfã koni amɛkɛ Siriabii lɛ ayakpe. Israelbii lɛ yato shi kui enyɔ bɔ ni amɛmiikwɛ Siriabii lɛ hiɛ kɛ hiɛ. Israelbii lɛ afalɛ tamɔ too kui bibii enyɔ; shi Siriabii lɛ eyi ŋa lɛ nɔ tɔ.

2 Kronika 1:9

Yehowa Nyɔŋmɔ, agbɛnɛ hã shi ni owo mitsɛ David lɛ aba mli. Bo owo mi maŋ ni yifalɛ tamɔ shikpɔŋ mlu nɛɛ nɔ maŋtsɛ;

Yesaia 10:28

Henyɛlɔ lɛ ejɛ Rimon ebashɛ Ai. Etsɔ̃ Migron kɛho, ni ekɛ Mikmash efee ejatsutoohe.

Yesaia 48:19

Omusuŋbii aaafa tamɔ shia, ni oshwiei aaafa tamɔ mlu. Agbeŋ amɛgbɛi, ni akpãtãŋ amɛhiɛ yɛ mihiɛ.”

Yeremia 15:8

Mihã amɛyei okulafoi ayi efa fe ŋshɔnaa shia. Mihã sane fɔŋ eye oblahii anyɛmɛi, ejaakɛ mihã hiɛkpãtãlɔ lɛ ekpãtã amɛblahii ahiɛ shwane fintiŋŋ. Mihã ŋmiŋmi kɛ tsuifãa sane eba amɛnɔ trukaa.

Hosea 10:5

Samaria maŋ bii lɛ aaashe gbeyei, ni amɛbaaye ŋkɔmɔ yɛ Bet-Aven shika tsinabi lɛ hewɔ. Amɛ kɛ wulɔmɛi lɛ ni jaa tsinabi lɛ baawo yara amɛfo yɛ enyam ni afo sɛɛ lɛ hewɔ.

Hosea 4:15

“Kɛji nyɛ, Israelbii, yeee mi anɔkwa yɛ mi jamɔ mli lɛ, nakai su lɛ akabala Yuda hu. Nyɛkayaa Gilgal, ni nyɛkayaa Bet-Aven hu nyɛyajaa; ni nyɛkɛ Yehowa gbɛi lɛ akakãa kitã akɛ ‘Gbii abɔ ni Yehowa ji Nyɔŋmɔ hiɛkãalɔ nɛɛ!’

Hosea 5:8

“Akpã ta tɛtɛrɛmantɛrɛ yɛ Gibea! Akpã koofɛŋ lɛ yɛ Rama! Abɔ oshe yɛ Bet-Aven! Ohe akpokpo, Benyamin!

Romabii 9:27

Shi Yesaia bo yɛ Israel he akɛ, “Kɛ Israelbii lɛ ayibɔ tamɔ ŋshɔnaa shia lɛ, mɛi fioo ni baashwɛ lɛ yiwala aaahere.

Yoshua 11:4

Kɛkɛ ni maŋtsɛmɛi nɛɛ fɛɛ fã kɛba kɛ amɛkpɔŋɔi kɛ ta shwiilii babaoo diɛŋtsɛ. Amɛyi fa babaoo oookɛɛ ŋshɔnaa shia.

Yoshua 18:12

Benyaminbii nɛɛ akooyigbɛ husu lɛ jɛ Yordan Faa lɛ naa ni ekwɔ kɛtsɔ̃ gɔji lɛ anɔ kɛtee anaigbɛ kɛyamɔ Bet-Aven shiaŋa lɛ.

Yoshua 7:2

Kɛkɛ ni Yoshua tsu hii kɛjɛ Yeriko koni amɛya Ai maŋ lɛ ni yɔɔ Betaven masɛi yɛ Betel bokãgbɛ lɛ. Ni ekɛɛ amɛ akɛ, “Nyɛyaa ni nyɛyasaraa shikpɔŋ lɛ nyɛkwɛa.” Hii nɛɛ tee ni amɛyasara Ai,

Kojolɔi 7:12

Shi Midianbii lɛ kɛ Amalekbii kɛ bokãgbɛbii lɛ fɛɛ bua jɔɔ lɛ mli babaoo tamɔ baalabii. Amɛyoomai lɛ aleee amɛyibɔ; amɛyifalɛ tamɔ ŋshɔnaa shia.

1 Samuel 13:11

Kɛkɛ ni Samuel bi Saul akɛ, “Kwɛ, mɛni ofee nɛɛ?” Saul jie enaa akɛ, “Be ni mina akɛ maŋ lɛ miijwa kɛmiishi mi, ni gbi ni oto lɛ ebaho fɛɛ ni obashɛko shi, ni asaŋ Filistibii lɛ anaa ebakpe shi yɛ Mikmash lɛ,

1 Samuel 13:2

Saul hala hii tabilɔi akpei etɛ̃ yɛ Israelbii lɛ ateŋ. Ekɛ hii tabilɔi nɛɛ ateŋ mɛi akpei enyɔ hi Mikmash yɛ Betel yɛ gɔji ashikpɔŋ lɛ nɔ, ni amɛteŋ akpe hu kɛ Yonatan hi Gibea yɛ Benyamin shikpɔŋ lɛ nɔ. Israel hii ni shwɛ lɛ Saul wo amɛ gbɛ ni mɔ fɛɛ mɔ tee eshĩa.

1 Samuel 14:23

No hewɔ lɛ, Yehowa here Israel nakai gbi lɛ. Atswa ta lɛ aahu kɛho Bet-aven maŋ lɛ he.

1 Samuel 14:52

Saul yinɔ fɛɛ lɛ, Israelbii kɛ Filistibii ateŋ ejɔɔɔ kɛ taitai ni naa wa sɔŋŋ. Ni no hewɔ lɛ, kɛji Saul na nuu hiɛwalɔ loo kãkãlɔ pɛ, eŋɔ lɛ efata tabilɔi ni buɔ ehe lɛ ahe.

1 Samuel 17:1

Filistibii lɛ bua amɛtabilɔi lɛ anaa hã ta, ni amɛnaa bakpe shi yɛ Soko, ni ji Yudabii amaŋ ko, ni amɛbagba ta yɛ Efes-Damim yɛ Soko kɛ Azeka teŋ.

1 Samuel 7:13

Aye Filistibii lɛ anɔ bɔ sɔŋŋ ni kɛjɛ no sɛɛ lɛ amɛnaji enyɔ nɛkɛ yiii Israelbii lɛ akpokpai lɛ anɔ dɔŋŋ. Ni Samuel yinɔ fɛɛ lɛ Yehowa eŋmɛɛɛ Filistibii lɛ agbɛ koni amɛbatua Israel.