1 Samuel 13:4 - ŊMALƐ KRƆŊKRƆŊ LƐ

⁴ Naa, Saul eyaye Filistibii asraafoi aku ko nɔ kunim, ni no hewɔ lɛ, Filistibii lɛ ekã kɛbaaye wie!” Israelbii here tsɛmɔ lɛ nɔ, ni amɛtiu Saul yɛ Gilgal.

Ṅmãle̱ Kroṅkroṅ Le̱

⁴ Ni Israel mū le̱ fẽ nu ake̱: Saul eyatſia Filistibii le̱ asrafoi le̱ anii, ni Israel he edše fũ hũ ewo Filistibii le̱. Ni abua maṅ le̱ nā ke̱-kpe ni ame̱tiu Saul ke̱-te Gilgal.

1 Samuel 13:4 ပူးပေါင်းရင်းမြစ်များ

1 Mose 34:30

Kɛkɛ ni Yakob kɛɛ Simeon kɛ Levi akɛ, “Nyɛwo mi amaneŋ, ni nyɛhã shikpɔŋ lɛ nɔ bii ni ji Kanaanbii kɛ Perizbii lɛ baanyaŋe mi. Ni mi hu nɛ, ni miyikulɛ ji fioo nɛɛ. Kɛji amɛaabua amɛhe naa amɛbatua mi lɛ, amɛaagbe mi, ni amɛaakpãtã miwe lɛ hiɛ.”

1 Mose 46:34

nyɛkɛa lɛ akɛ, ‘Otsuji lɛɔ kooloi kɛjɛ wɔblahiaŋ kɛbashi ŋmɛnɛ; wɔ kɛ wɔtsɛmɛi lɛ fɛɛ koni ehã nyɛhi Goshen shikpɔŋ lɛ nɔ; ejaakɛ Ijiptbii nyaŋeɔ mɔ fɛɛ mɔ ni ji koolookwɛlɔ.’ ”

2 Samuel 10:6

Amonbii lɛ na akɛ amɛyata David he. No hewɔ lɛ, amɛtsu kɛtee ni ayabɔ Siriabii tabilɔi ni nyiɛɔ nane akpei nyɔŋmai enyɔ apaa kɛjɛ Bet-Rehob kɛ Zoba. Amɛyabɔ Maaka maŋtsɛ lɛ kɛ etabilɔi akpe kɛ Tob tabilɔi hu akpei nyɔŋma kɛ enyɔ apaa.

2 Mose 5:21

Amɛkɛɛ Mose kɛ Aaron akɛ, “Yehowa akojo nyɛ ejaakɛ nyɛhã wɔsane eje Farao kɛ etsuji agugɔŋ fũ, ni nyɛwo amɛdɛ̃ŋ klante ni amɛkɛgbe wɔ.”

Zakaria 11:8

Mikpãtã tookwɛlɔi etɛ̃ ahiɛ yɛ nyɔŋ kome mli, ejaakɛ minaaa amɛhe tsui, ni amɛ hu amɛnyaŋe mi.

Yoshua 5:9

Kɛkɛ ni Yehowa kɛɛ Yoshua akɛ, “Ŋmɛnɛ gbi nɛɛ, mifɔ nyɛhe muji ni awo yɛ Ijipt lɛ mishwie.” No hewɔ ni atsɛɔ shitoohe nɛɛ akɛ Gilgal kɛbashi ŋmɛnɛ lɛ.

1 Samuel 10:8

No sɛɛ lɛ, otsɔ̃ mihiɛ kɛya Gilgal. Miiba jɛi ni mibashã shãa afɔlei kɛ shidaa afɔlei. Hii shi yɛ jɛi ni omɛ gbii kpawo kɛyashi mibaba mibanina bo, ni matsɔ̃ɔ bo nɔ ni ofee.”

1 Samuel 27:12

Akish he David eye, ni ekɛɛ yɛ ehe akɛ, “Bɔ ni ehã esane eje emaŋ Israelbii amɛtsine hewɔ lɛ eeesɔmɔ mi daa.”