1 Samuel 13:3 - ŊMALƐ KRƆŊKRƆŊ LƐ

³ Yonatan yatua Filistibii asraafoi aku ko ni yɔɔ Gibea lɛ, ni eye amɛnɔ kunim. Filistibii lɛ nu sane nɛɛ he, no hewɔ lɛ, Saul tsu koni ayakpã tɛtɛrɛmantɛrɛ ni ashiɛ kɛtsɛ ta yɛ shikpɔŋ lɛ nɔ fɛɛ, koni akɛɛ akɛ, “Nyɛboa toi, Hebribii!

Ṅmãle̱ Kroṅkroṅ Le̱

³ Ni *Ionatan yatſia Filistibii le̱ asrafoi ni yo̱ Geba le̱ anii; ni Filistibii le̱ nu he. Ke̱ke̱ ni Saul kpã te̱tre̱mantre̱ ke̱-kpẽle šikpoṅ le̱ no̱ fẽ ekē̱: Aha Hebribii le̱ anu! *14,49.

1 Samuel 13:3 ပူးပေါင်းရင်းမြစ်များ

2 Samuel 2:28

Kɛkɛ ni Yoab hã akpã tɛtɛrɛmantɛrɛ lɛ, ni ewebii lɛ fɔ̃ɔ Israelbii lɛ asɛɛnyiɛmɔ, ni asaŋ amɛkpa amɛ kɛ ta lɛ wuu.

2 Samuel 20:1

Nuu yakagbɔmɔ ko baje Gilgal. Atsɛɔ lɛ Sheba, ni etsɛ gbɛi ji Bikri, Benyaminnyo lɛ. Sheba kpã tɛtɛrɛmantɛrɛ ni ebo ekɛɛ akɛ, “Israel eei! Wɔbɛ gbɛnaa ko yɛ David gbɛfaŋ. Wɔ kɛ Ishai bi lɛ ejaaa nɔ ko. No hewɔ lɛ, mɔ fɛɛ mɔ aya ewe.”

2 Samuel 23:14

No mli lɛ David yɛ tɛkplo lɛ mli, ni Filistibii asraafoi lɛ ebaŋɔ Betlehem.

Yesaia 10:29

Amɛtsɔ̃ gɔji ateŋ tsɔ̃mɔhe lɛ, ni amɛwɔ yɛ Geba. Rama miikpokpo, ni Maŋtsɛ Saul maŋ Gebea ejo foi.

Zakaria 14:10

Shikpɔŋ muu lɛ ni kã shi kɛjɛ Geba yɛ kooyigbɛ lɛ aahu kɛtee Rimon yɛ Yerusalɛm wuoyigbɛ lɛ fɛɛ baatsɔ̃ ŋa kplanaa; shi Yerusalɛm baahi shi grɔŋŋ yɛ eblema shimaahe lɛ. Ebaajɛ Benyamin Agbo lɛ naa kɛyashi he ni agbo yɔɔ tsutsu lɛ, ni ji Koŋ Agbo lɛ; ebaatsa nɔ kɛyamɔ Hananel Mɔɔ grɔŋŋ lɛ, aahu kɛyanina maŋtsɛ wainŋaahe lɛ.

Yoshua 18:24

Ekomɛi hu ji Kefar-Amonai kɛ Ofni kɛ Geba ni hiɛ maji nyɔŋma kɛ enyɔ kɛ amɛhe akrowai lɛ,

Yoshua 21:17

Aŋɔ̃ maji ni agbɛii baa nɛɛ kɛ amɛhe shikpɔji yɛ Benyaminbii lɛ ashikpɔŋ lɛ mli, ni akɛhã Levibii lɛ: Gibeon kɛ Geba,

Kojolɔi 3:27

Be ni eshɛ jɛi lɛ, ekpã tɛtɛrɛmantɛrɛ yɛ Efraim gɔji lɛ anɔ. Kɛkɛ ni Israelbii lɛ kɛ lɛ kpeleke shi kɛjɛ gɔji lɛ anɔ, ni enyiɛ amɛhiɛ.

Kojolɔi 6:34

Shi Yehowa Mumɔ lɛ bayi Gideon nɔ. Gideon kpã tɛtɛrɛmantɛrɛ ekɛtsɛ Abiezerbii lɛ koni amɛbanyiɛ esɛɛ.

1 Samuel 10:5

No sɛɛ lɛ, obaaya oyashɛ Nyɔŋmɔ Gɔŋ lɛ nɔ yɛ Gibea he ni Filistibii asraafoi yɔɔ lɛ. Kɛji obɛŋkɛ maŋ lɛ, okɛ gbalɔi asafo ku baakpe ni amɛjɛ afɔleshãa latɛ lɛ he yɛ gɔŋ lɛ nɔ amɛmiikpeleke shi, ni akɛ obenta kɛ milɛ kɛ blɛ kɛ saŋku nyiɛ amɛhiɛ, ni asaŋ amɛmiigba.

1 Samuel 13:16

Saul kɛ ebi Yonatan kɛ tabilɔi ni fata amɛhe lɛ wa yɛ Geba, yɛ Benyamin shikpɔŋ lɛ nɔ. No mli lɛ Filistibii lɛ ewo shi yɛ Mikmash.