1 Samuel 13:14 - ŊMALƐ KRƆŊKRƆŊ LƐ

¹⁴ Shi agbɛnɛ lɛ omaŋtsɛyeli lɛ sɛɛ baafo. Yehowa ŋɔ lɛ diɛŋtsɛ etsui naa gbɔmɔ ni ewo lɛ emaŋ lɛ nɔ lumɔ; mɛni hewɔ lɛ oyayeee kitã ni Yehowa wo bo lɛ nɔ.”

Ṅmãle̱ Kroṅkroṅ Le̱

¹⁴ Ši agbe̱ne̱ le̱ omaṅtše̱yeli le̱ damo̱ṅ ši. Iehowa etao le̱dientše̱ *etšui nā nū ko ehã ehe, ni Iehowa ewole̱ emaṅ le̱ no̱ lumo̱; edšake̱ oyee kitã ni Iehowa woö le̱ no̱. *Bo̱f. 18,22.

1 Samuel 13:14 ပူးပေါင်းရင်းမြစ်များ

2 Samuel 5:2

Nyɛsɛɛ nɛɛ be ni Saul yeɔ wɔmaŋtsɛ lɛ, bo ji tatsɛ ni nyiɛ Israelbii lɛ ahiɛ kɛtee kɛba, asaŋ Yehowa wo bo shi akɛ ‘Bo oootsɔ̃ mimaŋ Israelbii lɛ ahiɛnyiɛlɔ kɛ amɛlumɔ.’ ”

2 Samuel 6:21

Shi David hã Mikal hetoo, ni ekɛɛ lɛ akɛ, “Naa, Yehowa, mɔ ni shi otsɛ kɛ ewe lɛ fɛɛ sɛɛ ni ebaŋɔ mi, ni ewo mi Israel, ni ji lɛ diɛŋtsɛ emaŋ lɛ, nɔ lumɔ lɛ, lɛ ehiɛ nyam mijo mikɛwo lɛ; ni majo ŋmɛnɛ, ni majo wɔ mikɛwo ehiɛ nyam.

2 Maŋtsɛmɛi 20:5

“Kũu osɛɛ ni oyakɛɛ Hezekia, mimaŋ lɛ nɔ lumɔ lɛ, akɛ, ‘Bɔ ni Yehowa, otsɛ David Nyɔŋmɔ lɛ, kɛɛ nɛ, minu ofaikpamɔ lɛ, ni mina ohiɛ yaafonu lɛ; naa, mibatsa bo; ni biɛ gbii etɛ̃ lɛ, ooonyiɛ onane nɔ kɛaaya Yehowa we lɛ.

1 Kronika 10:13

Anɔkwa ni Saul eyayeee lɛ hewɔ ni egbo lɛ. Saul eyayeee Yehowa anɔkwa ejaakɛ eyayeee Yehowa kitãi lɛ anɔ ejaakɛ etee eyafee nii yɛ sisatsɛlɔ ŋɔɔ ekɛbi nii,

Lalai 78:70

Ehala etsulɔ David, eŋɔ lɛ kɛje ŋa lɛ nɔ.

Abe̱i 27:24

Ejaakɛ ninamɔ ehiii shi kɛyaaa naanɔ; ni maŋtsɛyeli akekre hu ehiii shi kɛyaaa yinɔi fɛɛ.

Yesaia 39:5

Kɛkɛ ni Yesaia kɛɛ Hezekia akɛ, “Bo nɔ ni Yehowa, Taiatsɛ lɛ, kɛɔ toi,

Bɔfoi 13:22

Ni be ni ekpa lɛ lɛ, etee David shi ni ewo lɛ amɛnɔ maŋtsɛ, ni eye ehe odase ekɛɛ, ‘Mina David, Ishai bi lɛ, nuu ni miyɔɔ ehe tsui ni eeefee misuɔmɔnaanii lɛ fɛɛ lɛ.’

Bɔfoi 7:46

David nɛɛ hiɛ ba nyam yɛ Nyɔŋmɔ hiɛ, ni ekpa fai ni ahã emã shihilɛhe ko eha Yakob Nyɔŋmɔ lɛ.

Hebribii 2:10

Ejaakɛ esa Nyɔŋmɔ mɔ hewɔ ni nii fiaa yɔɔ kɛ mɔ nɔ ni tsɔ̃ ni nii fiaa yɔɔ lɛ akɛ, bɔ ni afee ni eŋɔ bii babaoo kɛba anunyam mli lɛ, ehã amɛyiwalaheremɔ Tatsɛnukpa lɛ atsɔ̃ amanehului amli ahi kɛwula shi.

1 Samuel 15:23

Ejaakɛ atuatsemɔ lɛ esha ni tamɔ klamɔ nɔŋŋ, ni kuɛŋtimɔ lɛ esha ni tamɔ amãgãjamɔ nɔŋŋ. Akɛni okwa Yehowa naa wiemɔ lɛ, lɛ hu ekwa bo maŋtsɛ lɛ yeli.”

1 Samuel 15:26

Samuel kɛɛ Saul akɛ, “Mikɛ bo ekuŋ sɛɛ kɛyajaŋ ejaakɛ oyayeee fãmɔ ni Yehowa fã bo lɛ nɔ, ni no hewɔ lɛ, Yehowa hu ekwa bo maŋtsɛ lɛ yeli yɛ Israel.”

1 Samuel 15:28

Kɛkɛ ni Samuel kɛɛ Saul akɛ, “Yehowa shɔ̃ Israel nɔ maŋtsɛyeli lɛ yɛ odɛ̃ŋ kɛjɛ ŋmɛnɛ, ni ekɛhã onaanyo ni hi fe bo.

1 Samuel 16:1

Yehowa kɛɛ Samuel akɛ, “Mɛɛ beyinɔ nɔŋŋ ni oooye Saul he ŋkɔmɔ kɛyashi, be mli ni ona ole akɛ mikwa lɛ Israel maŋtsɛyeli? Wo okoŋ lɛ mli mu obɔ̃; mibatsu bo Yeshai, Betlehemnyo lɛ, ŋɔɔ ejaakɛ miŋɔ maŋtsɛ yɛ ebihii lɛ ateŋ mihã mihe.”

1 Samuel 16:12

Yeshai tsu ni ayaŋɔ ebi gbekɛ lɛ kɛba: etsuɔ fioo, ni ehiŋmɛii yɛ fɛo; anɔkwa ehe yɛ fɛo. Yehowa kɛɛ Samuel akɛ, “Tee shi ni ofɔ oblanyo lɛ mu, ejaakɛ lɛ nɛ.”

1 Samuel 2:30

No hewɔ lɛ, mi, Yehowa, Israel Nyɔŋmɔ lɛ, mikɛɛ akɛ eyɛ mli akɛ mikɛɛ akɛ owe lɛ kɛ otsɛmɛi awe lɛ ni baasɔ̃mɔ mi akɛ osɔfoi kɛya naanɔ, shi agbɛnɛ miigbala nakai shiwoo lɛ sɛɛ, ejaakɛ mɛi ni buɔ mi lɛ, mawo amɛhiɛ nyam: shi mɛi ni ebuuu mi lɛ, abuŋ amɛ ahaŋ nɔ ko nɔ ko.

1 Samuel 24:20

Agbɛnɛ lɛ efee faŋŋ ehã mi akɛ bo kɛ̃ obaaba obaye Israel maŋtsɛ, ni Maŋtsɛyeli lɛ baahe shi.

1 Samuel 25:30

Kɛji be lɛ shɛ, ni Yehowa fee nibii juji lɛ fɛɛ ni ewo amɛhe shi eto lɛ ehã minuŋtsɔ, ni ewo bo Israel maŋtsɛ lɛ,

1 Samuel 9:16

“Wɔ benɛ mli lɛ mibatsu nuu ko ni jɛ Benyamin akutso lɛ mli oŋɔɔ koni ofɔ lɛ mu, ni owo lɛ mimaŋ Israel maŋtsɛ. Lɛ ebaahere mimaŋbii lɛ yɛ Filistibii lɛ adɛŋ. Mina amɛnɔnaa lɛ, ni minu tsɛmɔ ni amɛtsɛɔ koni ahere amɛ lɛ.”