1 Samuel 13:11 - ŊMALƐ KRƆŊKRƆŊ LƐ

¹¹ Kɛkɛ ni Samuel bi Saul akɛ, “Kwɛ, mɛni ofee nɛɛ?” Saul jie enaa akɛ, “Be ni mina akɛ maŋ lɛ miijwa kɛmiishi mi, ni gbi ni oto lɛ ebaho fɛɛ ni obashɛko shi, ni asaŋ Filistibii lɛ anaa ebakpe shi yɛ Mikmash lɛ,

Ṅmãle̱ Kroṅkroṅ Le̱

¹¹ Ni Samuel kē̱: Meni ofe ne̱? Ni Saul kē̱: Edšake̱ mina ake̱ maṅ le̱ egbe̱ eſã ye̱ mihe, ni bo hũ obaa ye̱ gbĩ ni ato le̱ no̱, ni Filistibii le̱ ebua ame̱he nā ke̱-kpe ye̱ Mikmaš,

1 Samuel 13:11 ပူးပေါင်းရင်းမြစ်များ

1 Mose 3:13

Nuŋtsɔ Nyɔŋmɔ kɛɛ yoo lɛ akɛ, “Mɛni ofee nɛɛ?” Ni yoo lɛ kɛɛ, “Onufu lɛ ni laka mi ni miye.”

1 Mose 4:10

Ni Yehowa kɛɛ lɛ akɛ, “Mɛni ofee nɛɛ? Onyɛmi lɛ la miibolɔ kɛmiijɛ shikpɔŋ sũ mli eetsɛ mi.

2 Samuel 3:24

Kɛkɛ ni Yoab tee Maŋtsɛ David ŋɔɔ, ni ekɛɛ lɛ akɛ, “Kwɛ, mɛni ofee nɛɛ? Abner ba biɛ ni oŋmɛɛ ehe ni etee?

2 Maŋtsɛmɛi 5:25

Kɛkɛ ni etee eyadamɔ enuŋtsɔ lɛ hiɛ. Elisha bi lɛ akɛ, “Gehazi, nɛgbɛ ojɛ?” Ni ehã hetoo akɛ, “Otsulɔ eyako he ko he ko.”

Yesaia 10:28

Henyɛlɔ lɛ ejɛ Rimon ebashɛ Ai. Etsɔ̃ Migron kɛho, ni ekɛ Mikmash efee ejatsutoohe.

Yoshua 7:19

Kɛkɛ ni Yoshua kɛɛ Akan akɛ, “Mibi, wo Yehowa, Israel Nyɔŋmɔ lɛ, hiɛ nyam, ni asaŋ jiemɔ eyi. Jajemɔ otsɔ̃ɔ mi nɔ ni ofee; kaashiu mi sane nɔ.”

1 Samuel 13:12

nɔ ni misusu ji akɛ Filistibii lɛ baaba abatua mi yɛ Gilgal, be mli ni mibiko Yehowa dɛŋ yelikɛbuamɔ. No hewɔ lɛ, fimɔ naa lɛ, mimia mihiɛ, ni mishã afɔle lɛ.”

1 Samuel 13:16

Saul kɛ ebi Yonatan kɛ tabilɔi ni fata amɛhe lɛ wa yɛ Geba, yɛ Benyamin shikpɔŋ lɛ nɔ. No mli lɛ Filistibii lɛ ewo shi yɛ Mikmash.

1 Samuel 13:2

Saul hala hii tabilɔi akpei etɛ̃ yɛ Israelbii lɛ ateŋ. Ekɛ hii tabilɔi nɛɛ ateŋ mɛi akpei enyɔ hi Mikmash yɛ Betel yɛ gɔji ashikpɔŋ lɛ nɔ, ni amɛteŋ akpe hu kɛ Yonatan hi Gibea yɛ Benyamin shikpɔŋ lɛ nɔ. Israel hii ni shwɛ lɛ Saul wo amɛ gbɛ ni mɔ fɛɛ mɔ tee eshĩa.

1 Samuel 13:23

Filistibii lɛ wo asraafoi aku gbɛ kɛtee Mikmash jɔɔ lɛ mli koni amɛyabu jɛi tsɔ̃mɔhe lɛ he.

1 Samuel 13:5

Kɛkɛ ni Filistibii lɛ bua amɛhe naa koni amɛ kɛ Israelbii lɛ abawu. Amɛhiɛ ta shwiilii akpei nyɔŋmai etɛ̃ kɛ okpɔŋɔnɔtalɔi akpei ekpaa kɛ asraafoi ni yifalɛ oookɛɛ ŋshɔnaa shia; ni amɛfã ta kɛgba, ni amɛbabɔ nsra yɛ Mikmash yɛ Bet-Aven bokãgbɛ.

1 Samuel 14:5

Ekome ye kooyigbɛ yɛ Mikmash gbɛ, ni ekome lɛ hu ye wuoyigbɛ yɛ Gibagbɛ.