1 Samuel 12:3 - ŊMALƐ KRƆŊKRƆŊ LƐ

³ Mi nɛ; nyɛyea odase nyɛshia mi yɛ Yehowa hiɛ, kɛ emɔ̃ ni efɔ lɛ mu lɛ hu hiɛ. Namɔ tsina mishɔ̃, ni namɔ teji mishɔ̃? Aloo namɔ ojo mitswa, aloo namɔ yi miwa? Ni namɔ dɛŋ mihe nyɔɔŋnii yɛ koni maku mihiɛ mafɔ esane nɔ? Nyɛwiea koo, koni mato nyɛ najiaŋ.”

Ṅmãle̱ Kroṅkroṅ Le̱

³ Na, mi ne̱; nyeyea odase nyešiami ye̱ Iehowa hĩe ke̱ emo ní efo̱le̱ mū le̱ hĩe! Namo tšina mišõ? ni namo tedši mišõ? alo namo yi miwa? namo amim miye? alo namo deṅ mihe nyōṅnii ye̱, beni afe ní makũ mihĩe maſie esane no̱? ni matonye nãdšiaṅ! 4 Mose 16,15.

1 Samuel 12:3 ပူးပေါင်းရင်းမြစ်များ

2 Samuel 22:22

Miye Yehowa mlai lɛ fɛɛ anɔ, ni mishiko miNyɔŋmɔ lɛ.

Nehemia 5:11

Nyɛkɛ amɛŋmɔji kɛ amɛwain tromi kɛ amɛmu tromi kɛ amɛshĩai lɛ akũa sɛɛ ahãa amɛ ŋmɛnɛ gbi nɛɛ nɔŋŋ. Nyɛkɛ shika kɛ abele kɛ wain kɛ mu mlijai oha mli ekome ni ji hekpa ni nyɛheɔ yɛ amɛdɛŋ lɛ hu akũa sɛɛ ahãa amɛ.”

Lalai 15:5

Mɔ ni kɛ eshika efaaa eheee hekpa ni fe nine; ni eheee nyɔɔŋnii koni ewie eshi mɔ ni yeɔ bem. Mɔ ni feɔ enɛɛmɛi fɛɛ lɛ, edidãŋ kɔkɔɔkɔ.

2 Mose 20:17

“Ohiɛ akakɔ̃ onaanyo nɔ ko nɔ, eshĩa jio, eŋa jio, ewenuu jio, eweyoo jio, etsina jio, eteji jio, enɔ kroko jio, ohiɛ akakɔ̃ nɔ.”

2 Mose 22:4

Shi kɛji shwane agbe lɛ lɛ, no lɛ mɔ ni tswa lɛ nɔ lɛ yeɔ ela yi sɔ̃.

2 Mose 23:8

Kaahe nyɔɔŋnii ejaakɛ nyɔɔŋnii shwilaa nɔkwɛlɔ, ni efiteɔ mɔ ni sane ja sane.

Abe̱i 15:27

Hiɛjoolɔ hãa haomɔ baa ewe nɔ; shi mɔ ni sumɔɔɔ nyɔɔŋnii hemɔ lɛ, eyi aaana wala.

3 Mose 6:4

Kɛ mɔ ko fee esha ni eye sɔ̃ lɛ, eto nɔ ni eju lɛ, loo nii ni ekɛ amimyeli shɔ̃ lɛ, loo nɔ ni akɛto lɛ awaba ni etso akɛ akɛ nɔ ko hãko lɛ, loo nii ni laaje ni eshiu nɔ lɛ,

3 Mose 6:5

loo nɔ ko ni ekã he amale kitã lɛ, najiaŋ.

4 Mose 16:15

Sane lɛ wo Mose mli la naakpa; ni ekɛɛ Yehowa akɛ, “Kaahe amɛfɔlei lɛ. Mishɔ̃ko amɛteŋ mɔ ko teji yɛ edɛŋ lɛ, miyeko amɛteŋ mɔ ko sane fɔŋ ko!”

Mateo 22:21

Amɛkɛɛ, “Kaisare nɔŋ.” Ni ekɛɛ amɛ akɛ, “Belɛ nyɛkɛ Kaisare nii ahãa Kaisare, ni Nyɔŋmɔ nii lɛ nyɛkɛhãa Nyɔŋmɔ!”

Luka 19:8

Shi Zakeo ho damɔ shi ni ekɛɛ Nuŋtsɔ lɛ akɛ, “Nuŋtsɔ, naa, miiŋɔ minii fã make ohiafoi, ni kɛji mikɛ yaka naafolɔmɔ eshɔ̃ mɔ ko nɔ ko yɛ edɛŋ lɛ, miiku mabɔ he toi ejwɛ mahã lɛ.”

Bɔfoi 20:33

Mihiɛ ekɔ̃ɔɔ nyɛteŋ mɔ ko jwiɛtɛi loo shika loo atade nɔ.

2 Korintobii 12:14

Naa, enɛ ji shii etɛ̃ ni misaa mihe akɛ maba nyɛŋɔɔ, shi mikɛ mihe ebafɔŋ nyɛnɔ, ejaakɛ jeee nyɛnii lɛ mitaoɔ, shi moŋ nyɛ diɛŋtsɛ. Ejaakɛ esaaa akɛ bii tiaa nii toɔ amɛfɔlɔi, shi moŋ fɔlɔi ni tiaa nii toɔ amɛbii.

5 Mose 16:19

Amɛkaye toikɔdɔmɔ sane; amɛkakwɛ mɛi ahiɛiaŋ lɛ, amɛkahe nyɔɔŋnii hu, ejaakɛ nyɔɔŋniihemɔ shwilaa nilelɔi tete po ahiŋmɛi, ni ehãa atsɔ̃ɔ jalɔ sane hiɛ abuɔ shi.

1 Tesalonikabii 2:10

Nyɛ diɛŋtsɛ kɛ Nyɔŋmɔ ji odasefoi akɛ wɔjeŋ ni wɔba yɛ nyɛ mɛi ni nyɛheɔ nyɛyeɔ lɛ ateŋ lɛ eyɛ krɔŋkrɔŋ, eja, ni shwamɔ ko bɛ he.

1 Tesalonikabii 2:5

Ejaakɛ wɔwieko naadɔkɔmɔ wiemɔ ko pɛŋ, tamɔ bɔ ni nyɛle lɛ, ni wɔtoko hiɛjoomɔ he abla ko hu, Nyɔŋmɔ ji odasefonyo,

1 Petro 5:2

Nyɛlɛa Nyɔŋmɔ tooku ni yɔɔ nyɛteŋ lɛ, nyɛkwɛa nɔ, jeee nɔnyɛɛ naa, shi moŋ yɛ suɔmɔ naa; tamɔ bɔ ni Nyɔŋmɔ taoɔ, asaŋ jeee sɛɛnamɔ ni yɔɔ hiɛgbele hewɔ, shi moŋ tsuijurɔ naa;

1 Samuel 10:1

Kɛkɛ ni Samuel jie mu kɛ tɔ ko, ni efɔse mu lɛ eshwie Saul yiteŋ. Kɛkɛ ni eshwɔ Saul naa ni ekɛɛ lɛ akɛ, “Naa, Yehowa efɔ bo mu koni oye ewebii lɛ anɔ akɛ amɛlumɔ, koni ohere amɛ yɛ amɛhenyɛlɔi ni ebɔle amɛ lɛ adɛŋ. Ni okadi ni atoɔ bo yɛ he akɛ Yehowa efɔ bo mu koni oye emɛi lɛ anɔ lumɔ nɛ.

1 Samuel 12:4

Maŋbii lɛ here nɔ amɛkɛɛ, “Otswako wɔ ojo lɛ, owako wɔ yi lɛ, oshɔ̃ko mɔ ko dɛŋ nɔ ko hu.”

1 Samuel 12:5

Samuel to he ni ekɛɛ, “Yehowa ji midasefonyo mɔ, ni emɔ̃ ni efɔ lɛ mu lɛ hu miiye he odase ŋmɛnɛ akɛ mɔ ko nɔ ko nɔ ko bɛ midɛŋ.” Amɛto he akɛ, “Lɛ ji odasefonyo lɛɛlɛŋ.”

1 Samuel 2:35

Matee osɔfo anɔkwafo ko shi mahã mi diɛŋtsɛ mihe, mɔ ni baafee miyiŋtoo kɛ mitsuinaanii, ni mahã ewo shwiei ni shishi etaŋ, mɛi ni baasɔ̃mɔ yɛ mɔ ni mifɔ lɛ mu lɛ hiɛ daa.

1 Samuel 24:11

Mitsɛ Ataa, Okwɛɛɛ? Otade lɛ naabu ko ni mifo lɛ mihiɛ nɛɛ. Akɛ mifo otade lɛ naabu, ni mitswaaa bo nɔ migbeee bo lɛ, no aaatsɔ̃ɔ bo koni ona ole akɛ mibɛ ohe yiŋtoo fɔŋ ko. Mifeko bo esha ko, shi kɛ̃lɛ bo lɛ gbɔbimɔ sɔŋŋ kɛkɛ ogbɔbiɔ mi koni ogbe mi.

1 Samuel 24:6

Enɛ hã David kɛɛ ewebii lɛ akɛ, “Yehowa akahã enɛ miigbale mi fɔ̃ŋfɔ akɛ mawo minine nɔ yɛ minuŋtsɔ, mɔ ni Yehowa efɔ lɛ mu lɛ, nɔ. Esaaa akɛ minine saa ehe ejaakɛ gbɔmɔ ni Yehowa diɛŋtsɛ ewo lɛ maŋtsɛ ni.”

1 Samuel 24:7

David kɛ nɛkɛ wiemɔ nɛɛ jɔɔ ewebii lɛ ahe, ni ekpɛlɛ̃ɛɛ amɛ akɛ amɛtua Saul. Saul te shi eshi tɛkplo lɛ mli, ni eyi egbɛ lɛ nɔ.

1 Samuel 26:11

Yehowa akpa ashwie akɛ mi mawo minine nɔ yɛ mɔ ni lɛ Yehowa efɔ lɛ mu lɛ nɔ. Bo lɛ fãa akplɔ lɛ ni tsɛkɛ shi yɛ eyitsogbɛ lɛ, ni owo nu kɛ kpulu lɛ kɛkɛ ni wɔtee.”

1 Samuel 26:9

Shi David kɛɛ Abishai akɛ, “Kaakpãtã ehiɛ, ejaakɛ mɔ ko mɔ ko bɛ ni baawo enine nɔ yɛ mɔ ni Yehowa efɔ lɛ mu nɔ ni mɔ lɛ aaaŋɔ ehe aye.”