1 Samuel 12:21 - ŊMALƐ KRƆŊKRƆŊ LƐ

²¹ Nyɛkagbaa afã kɛyanyiɛ yaka nibii ni ahe bɛ sɛɛnamɔ ni asaŋ nyɛɛɛ mɔ yiwala ahere lɛ asɛɛ; ejaakɛ yaka nibii ni.

Ṅmãle̱ Kroṅkroṅ Le̱

²¹ Ni nyekagbalea he kroko, ni nyeyanyie yakayakanii ni he be̱ se̱námo̱ ni *nyẽẽ mo adšie le̱ ase̱, edšake̱ yakayakanii ni. *5 Mose 22,37. 38.

1 Samuel 12:21 ပူးပေါင်းရင်းမြစ်များ

2 Maŋtsɛmɛi 17:15

Amɛkwa ekpɔi lɛ kɛ ekpãŋmɔ ni ekɛ amɛtsɛmɛi lɛ kpãŋ lɛ, kɛ kɔkɔ ni ebɔ amɛ lɛ. Amɛyaja yakayaka amãgãi, ni amɛtsɔ̃mɔ yaka gbɔmɛi; ni amɛyanyiɛ jeŋmaji ni ebɔle amɛ kɛkpe ni Yehowa ewo amɛ kitã yɛ amɛhe akɛ amɛkafee amɛnii tamɔ amɛ lɛ asɛɛ.

Yesaia 41:29

Naa, nyɔŋmɔi nɛɛ fɛɛ lɛ, lakamɔnii ni; amɛnitsumɔi lɛ hu jeee fɛifɛi, ni amɛmãgãi lɛ hu kɔɔyɔɔ folo ni.”

Yesaia 45:20

Yehowa kɛɛ akɛ, “Nyɛbuaa nyɛhe naa koni nyɛbaa, nyɛ fɛɛ nyɛbaa kutuu, nyɛ, maji lɛ amli bii ni nyɛje hiɛkpãtãmɔ mli! Mɛi ni tereɔ amɛtso amãgãi lɛ kɛnyiɛɔ, ni amɛsɔleɔ amɛhãa nyɔŋmɔ ni nyɛɛɛ mɔ yiwala ehere lɛ, amɛleee nii.

Yesaia 46:7

Amɛwoɔ lɛ amɛtswaa amɛkɔŋ, ni amɛtereɔ lɛ kɛyaa; amɛkɛ lɛ yamaa shi yɛ he ko, ni jɛi emaa; enyɛɛɛ ehe etsi kɛjɛ emaahe lɛ. Kɛji abolɔ atsɛ lɛ lɛ, ehereee mɔ nɔ; ni ehereee mɔ yiwala kɛjɛɛɛ ehaomɔ mli.

Yeremia 10:15

Yakayaka nibii ni; mɔ akɛlakaa, be ni abaagbala amɛtoi lɛ, amɛhiɛ baakpãtã.

Yeremia 10:8

Buului kɛ kwashiai sɔŋŋ ji amɛ; yakanii amɛkaseɔ lɛ, ejaakɛ tso amãgã dɛŋnii amɛkaseɔ lɛ.

Yeremia 14:22

Ani majimaji lɛ alagbãalagbã wɔji lɛ ateŋ eko nyɛɔ ehãa nu nɛɔ? Loo ŋwɛi tete nyɛɔ lɛ diɛŋtsɛ ehãa nu nɛɔ? Ao! Yehowa, wɔNyɔŋmɔ, bo pɛ gbɛ wɔkwɛɔ, ejaakɛ bo pɛ otsuɔ enɛɛmɛi fɛɛ kwa.

Yeremia 16:19

“Yehowa, bo ji mihewalɛ kɛ mimɔɔ ni wa kɛ mibobaahe yɛ fimɔ be mli. Bo oŋɔɔ maji aaajɛ je lɛ naagbeehei aba, ni amɛaakɛɛ akɛ, Wɔtsɛmɛi lɛ ebanaaa gboshinii ko akɛ ja lakamɔ kɛ yaka nibii ni ahe bɛ sɛɛnamɔ ko.

Yeremia 2:13

Ejaakɛ miwebii lɛ efee nifɔɔjianii srɔtoi enyɔ: amɛkwa mi, mi, ni mi ji wala nu fɛɛ jɛɛhe lɛ; ni amɛyakpɛkpɛɛ nubui amɛhã amɛhe, nubui ni ejwra ni nyɛɛɛ nu ato.”

Yeremia 2:5

Yehowa kɛɛ akɛ, “Mɛɛ tɔ̃mɔ nyɛtsɛmɛi lɛ na yɛ mihe; hewɔ ni amɛtse amɛhe yɛ mihe kɛtee flɛŋŋ, ni amɛyadi yakayakanii asɛɛ ni ehã amɛtsɔ̃mɔ yakayakanii nɛɛ?

Yona 2:8

Mɛi ni jaa yaka amãgãi lɛ, amɛyeee bo anɔkwa.

Yona 2:9

Shi mi lɛ, mala makafo bo, ni mashã afɔle mahã bo; shi ni miwo lɛ, maye nɔ. Yiwalaheremɔ lɛ, Yehowa dɛŋ ejɛɔ.”

Habakuk 2:18

Mɛni ji amãgã he sɛɛnamɔ? Ŋaalɔ ninenaa nitsumɔ kɛkɛ ni; ni egbaaa mɔ ko nɔ ko fe amale. Mɛni hewɔ esa akɛ mɔ ni fee amãgã lɛ kɛ ehiɛ afɔ̃ lɛ diɛŋtsɛ eninenaa nitsumɔnii, ni ji amãgã mumui nɔ?

Bɔfoi 14:15

“Ataamɛi, mɛni nyɛfeɔ nɛɛ? Wɔ hu gbɔmɛi adesai ji wɔ tamɔ nyɛ nɔŋŋ, ni wɔmiijaje Sanekpakpa wɔmiitsɔ̃ɔ nyɛ, koni nyɛku nyɛsɛɛ kɛjɛ nɛkɛ yakayakanii nɛɛ ahe kɛba Nyɔŋmɔ hiɛkãalɔ lɛ ŋɔɔ, mɔ ni fee ŋwɛi kɛ shikpɔŋ kɛ ŋshɔ kɛ nii fɛɛ ni yɔɔ amɛmli lɛ.

1 Korintobii 8:4

Agbɛnɛ nɔ ni kɔɔ wɔji afɔle nii ayeli he lɛ, wɔle akɛ wɔŋ ko wɔŋ ko jeee fɛifɛi yɛ je nɛɛ mli, ni asaŋ nyɔŋmɔ ko nyɔŋmɔ ko bɛ, akɛ ja Mɔ kome kɛkɛ.

5 Mose 11:16

Nyɛkwɛa nyɛhe ni ahia, bɔ ni afee ni nɔ ko akalaka nyɛ ni nyɛkpale yɛ Yehowa sɛɛ nyɛyasɔmɔ nyɔŋmɔi krokomɛi ni nyɛja amɛ.

5 Mose 30:17

Shi kɛji nyɛtsui yagba afã, ni nyɛgbo toi, ni alaka nyɛ, ni nyɛyaja nyɔŋmɔi krokomɛi, ni nyɛsɔmɔ amɛ lɛ,

5 Mose 32:21

Amɛhã miye nɔ ni jeee nyɔŋmɔ he awuŋã yakatswaa; amɛwo mimli la kɛ amɛmãgãi lɛ. No hewɔ lɛ, mi hu mahã amɛye maŋ ko ni bɛ nɔ ko mli he awuŋã. Mahã amɛmli awo la yɛ kwashiai amaŋ ko hewɔ.