1 Samuel 12:20 - ŊMALƐ KRƆŊKRƆŊ LƐ

²⁰ Shi Samuel kɛɛ maŋ lɛ akɛ, “Nyɛkashea gbeyei; nyɛna nyɛfee nɛkɛ nɔ fɔŋ nɛɛ moŋ, shi kɛ̃lɛ nyɛkakpalea kɛjea Yehowa sɛɛ, shi moŋ nyɛsɔmɔa lɛ kɛ nyɛtsui fɛɛ.

Ṅmãle̱ Kroṅkroṅ Le̱

²⁰ Ši Samuel kē̱ maṅ le̱ ake̱: Nyekašea gbeyei! nyená nyefe ne̱ke̱ efõṅ ne̱ fẽ moṅ, ši kẽle̱ nyekakpalea ke̱-dšea Iehowa se̱, ši nyesúmo̱a Iehowa ke̱ nye-tšui fẽ!

1 Samuel 12:20 ပူးပေါင်းရင်းမြစ်များ

1 Kronika 28:9

“Ni bo, mibi Solomon, ole otsɛ ni ji Nyɔŋmɔ lɛ; osɔ̃mɔ lɛ kɛ otsuiŋ fɛɛ, asaŋ ojie oyitsoŋ fɛɛ hu ni okɛsɔ̃mɔ lɛ! Ejaakɛ Yehowa taoɔ adesã tsuiŋ fɛɛ, ni ele eyitsoŋ fɛɛ. Kɛji otao esɛɛgbɛ lɛ eeehã ona lɛ; shi kɛji okwa lɛ lɛ, eeeshɛ bo efɔ̃ kɛya naanɔ.

Lalai 101:3

Mikɛ nɔ ko gbonyo ko emaŋ mihiɛ. Mihiɔ mɛi fɔ̃ji anifeemɔnii; egbaleŋ mi fɔŋfɔ̃.

Lalai 125:5

Shi mɛi ni kpaleɔ kɛyaa amɛgbɛi gbohii anɔ lɛ, Yehowa aaaloo amɛ kɛ mɛi ni tsuɔ nifɔɔjianii lɛ kɛaatee. Toiŋjɔlɛ aba Israel!

Lalai 40:4

Ajɔɔ gbɔmɔ ni ŋɔɔ ehiɛ efɔ̃ɔ Yehowa nɔ, ni ekɛ hewolɔi ebɔɔɔ, ni ekɛ mɛi ni duɔ gbɛ kɛyanyiɛɔ amale nyɔŋmɔi asɛɛ lɛ hu ebɔɔɔ lɛ.

2 Mose 23:25

Kɛji nyɛsɔ̃mɔ mi, Yehowa nyɛNyɔŋmɔ lɛ, madro nyɛ niyenii kɛ nu, ni makɔ hela yɛ nyɛteŋ mashɛ mafɔ̃ kwraa.

2 Mose 32:30

Enɔ jetsɛremɔ leebi lɛ Mose kɛɛ maŋbii lɛ akɛ, “Nyɛfee esha kpeteŋkple. No hewɔ lɛ, makwɔ gɔŋ lɛ kɛya Yehowa ŋɔɔ. Eko lɛ eeebo mifaikpamɔ toi, ni eeeŋɔ nyɛhe esha lɛ efa nyɛ.”

Yeremia 3:1

Mi, mibi akɛ, “Kɛji nuu ko shwie eŋa, ni yoo lɛ shi nuu lɛ, ni eyatsɔ̃ nuu kroko ŋa lɛ, ani nuu lɛ kuɔ esɛɛ eyaŋɔɔ nakai yoo lɛ ekoŋŋ? Nɔ ko ni tamɔ nɛkɛ lɛ ebuleɔ shikpɔŋ, nɔ ni mimɛi lɛ yɔɔ nɔ lɛ. Israel te okɛ shieŋtsɛmɛi babaoo eyabɔ ajwamãŋ, ni ooku osɛɛ oba miŋɔɔ ekoŋŋ?

Hagai 2:5

tamɔ bɔ ni miwo nyɛ shi be ni nyɛshi Ijipt lɛ. Mimumɔ lɛ kɛ nyɛ yɛ, no hewɔ lɛ, nyɛkashea gbeyei.” Yehowa kɛɛ.

5 Mose 10:12

“No hewɔ lɛ, agbɛnɛ Israel, mɛni Yehowa, nyɛNyɔŋmɔ lɛ, taoɔ yɛ nyɛdɛŋ dɔŋŋ fe akɛ nyɛshe Yehowa, nyɛNyɔŋmɔ lɛ, gbeyei, ni nyɛba nyɛjeŋ bɔ ni etsɔ̃ɔ nyɛ lɛ, ni nyɛsumɔ lɛ ni nyɛ kɛ nyɛtsui fɛɛ kɛ nyɛnyɛmɔ fɛɛ hu asɔmɔ lɛ.

5 Mose 11:16

Nyɛkwɛa nyɛhe ni ahia, bɔ ni afee ni nɔ ko akalaka nyɛ ni nyɛkpale yɛ Yehowa sɛɛ nyɛyasɔmɔ nyɔŋmɔi krokomɛi ni nyɛja amɛ.

5 Mose 31:29

Ejaakɛ mile faŋŋ akɛ migbele sɛɛ lɛ, nyɛbaafite kwraa, ni nyɛbaŋ nyɛjeŋ bɔ ni mitsɔ̃ɔ nyɛ lɛ. No hewɔ lɛ, wɔsɛɛ aahu lɛ, efɔŋ ji nɔ ni baaba nyɛnɔ, ejaakɛ nyɛbaafee efɔŋ yɛ Yehowa hiɛ; ni nyɛkɛ nyɛnifeemɔnii baawo emli la.”

Yoshua 23:6

No hewɔ lɛ, nyɛfĩa shi jogbaŋŋ, nyɛyea nii fɛɛ ni aŋma yɛ Mose Mla Wolo lɛ mli lɛ nɔ koni nyɛkɛba nyɛjeŋ hu. Nyɛkagbaa kɛmiiya abɛku hu,

1 Petro 3:16

shi nyɛkɛ hejɔlɛ kɛ bulɛ ahãa hetoo, ni nyɛhiɛ henilee kpakpa, koni be ni aawie nyɛhe efɔŋ lɛ, mɛi ni gbeɔ nyɛjeŋba kpakpa ni nyɛyɔɔ akɛ Kristofoi lɛ he guɔ lɛ ahiɛ agboi.

1 Samuel 12:19

Maŋ muu lɛ fɛɛ kpa Samuel fai amɛkɛɛ, “Ofainɛ, kpa Yehowa, oNyɔŋmɔ lɛ, fai ohã wɔ otsuji koni wɔkagboi, ejaakɛ eshai fɛɛ ni wɔfee sa lɛ wɔfee eko hu wɔfata he akɛ wɔbi akɛ ahã wɔ maŋtsɛ lɛ.”