1 Samuel 12:2 - ŊMALƐ KRƆŊKRƆŊ LƐ

² No hewɔ lɛ, agbɛnɛ maŋtsɛ lɛ nyiɛ nyɛhiɛ nɛɛ. Mi lɛ amrɔ nɛɛ migbɔ ni miyi eyɛ, ni mibihii lɛ nyɛ kɛ amɛ yɔɔ. Mikwɛ nyɛnɔ kɛjɛ miblahiaŋ aahu kɛbashi ŋmɛnɛ.

Ṅmãle̱ Kroṅkroṅ Le̱

² Ni agbe̱ne̱ na, maṅtše̱ le̱ nyie nyehĩe ne̱. Ši mi le̱ migbo̱ ni miyi eyé̱, ni mibihīĩ le̱, na, ame̱ke̱nye yo̱; ni mi lo̱ minyie nyehĩe ke̱-dše̱ miblahĩaṅ āhũ ke̱-baši ṅme̱ne̱.

1 Samuel 12:2 ပူးပေါင်းရင်းမြစ်များ

Lalai 71:18

Belɛ migbɔlɛ kɛ miwaŋjee nɛɛ mli lɛ, Oo Nyɔŋmɔ, kaakwa mi, kɛyaashi majaje ohewalɛ lɛ matsɔ̃ɔ yinɔbii ni baa lɛ.

4 Mose 27:17

mɔ ni baanyɛ amɛnɔ ekwɛ, asaŋ ni enyiɛ amɛhiɛ kɛya ta kɛba bɔ ni afee ni Yehowa asafo lɛ akatsɔ̃ tamɔ toi ni bɛ kwɛlɔ.”

2 Timoteo 4:6

Ejaakɛ mi lɛ, aafɔse mila aashwie shi momo akɛ afɔle, ni mimliyimɔ be lɛ eshɛ.

Yoshua 23:1

Be kplaŋŋ sɛɛ be ni Yoshua egbɔ kotokoto, ni Israelbii lɛ ahenyɛlɔi fɛɛ ni bɔle amɛ ekpa amɛnaagbamɔ lɛ,

Yoshua 23:2

Yoshua fɔ̃ nine etsɛ Israel tso muu fɛɛ kɛbakpe. Maŋ onukpai kɛ weku nukpai kɛ kojolɔi kɛ maŋ nitsulɔi fɛɛ ba, ni Yoshua kɛɛ amɛ akɛ, “Agbɛnɛ migbɔ.

2 Petro 1:14

Ejaakɛ mile akɛ migbele lɛ baaba nɔŋŋ tamɔ bɔ ni wɔNuŋtsɔ Yesu Kristo hu ejie kpo etsɔ̃ɔ mi lɛ.

1 Samuel 2:22

Eli egbɔ naakpa; ni ababɔɔ lɛ nibii fɛɛ ni ebihii lɛ feɔ Israelbii lɛ, kɛ bɔ ni amɛkɛ yei ni batsuɔ nii yɛ Kpee Buu lɛ shinaa lɛ shi lɛ wɔɔ.

1 Samuel 2:29

Mɛɛba mɔ ni nyɛhiɛ kɔ̃ɔ mi hu migbɛfaŋnii ni yɔɔ gbee afɔlei kɛ niyenii afɔlei lɛ amli lɛ anɔ, be mli ni miwo nyɛ he kitã; ni obuɔ obihii lɛ moŋ fe mi, ni nyɛkɛ mimaŋbii lɛ afɔle fɛɛ afɔle mli nii ni hi fe fɛɛ lɛ lɛɔ nyɛ moŋ nyɛhe lɛ?

1 Samuel 3:10

Yehowa ba ni ebadamɔ shi, ni etsɛ lɛ tamɔ tsuutsu lɛ akɛ, “Samuel! Samuel!” Samuel here nɔ akɛ, “Wiemɔ, shi otsulɔ miibo toi.”

1 Samuel 3:13

Mikɛɛ lɛ mito akɛ mibagbala ewe lɛ toi kɛya naanɔ yɛ nɔ sha ni ele lɛ hewɔ, ejaakɛ ebihii lɛ bɔ musu amɛshi mi, Nyɔŋmɔ, shi etutuuu ehiɛ ewooo amɛ.

1 Samuel 3:16

Shi Eli tsɛ Samuel ni ekɛɛ lɛ akɛ, “Mibi Samuel,” Ehere nɔ akɛ, “Naa mi.”

1 Samuel 8:1

Be ni Samuel gbɔ lɛ ewo ebihii lɛ kojolɔi ni amɛkojoɔ maŋbii lɛ ateŋ saji yɛ Israel.

1 Samuel 8:20

koni wɔ hu wɔtamɔ majimaji fɛɛ akɛ wɔyɛ maŋtsɛ, ni lɛ ekwɛɔ wɔnɔ, koni asaŋ kɛ ta ba lɛ enyiɛ wɔhiɛ kɛ wu tai lɛ ehã wɔ.”

1 Samuel 8:3

Shi Samuel bihii lɛ eyakɔɔɔ amɛtsɛ jeŋba kwraa. Amɛyadi ninamɔ sɛɛ ni amɛhehee nyɔɔŋnii, ni amɛtsɔ̃mɔ saji ahiɛ amɛbumɔ shi.

1 Samuel 8:5

ni amɛbakɛɛ lɛ akɛ, “Amrɔ nɛɛ ogbɔ, ni obihii lɛ eyakɔɔɔ ojeŋba. No hewɔ lɛ, wo maŋtsɛ ohã wɔ koni lɛ ekwɛ wɔnɔ tamɔ eyɔɔ yɛ majimaji krokomɛi fɛɛ anɔ lɛ.”