1 Samuel 12:10 - ŊMALƐ KRƆŊKRƆŊ LƐ

¹⁰ Enɛ hã nyɛtsɛmɛi lɛ bolɔ amɛtsɛ Yehowa, ni amɛkɛɛ, ‘Wɔfee esha, ejaakɛ wɔkwa bo, Yehowa, ni wɔyasɔmɔ Baali kɛ Astarte moŋ. Shi agbɛnɛ heremɔ wɔ yɛ wɔhenyɛlɔi lɛ adɛŋ, ni wɔbaasɔmɔ bo.’

Ṅmãle̱ Kroṅkroṅ Le̱

¹⁰ Ni ame̱sā ame̱blo̱ ame̱tšé̱ Iehowa ni ame̱kē̱: Wo̱fe eša, edšake̱ wo̱kwa Iehowa, ni wo̱yasúmo̱ Baalim ke̱ Aštarot; ši agbe̱ne̱ le̱ dšiemo̱wo̱ ke̱-dše̱ wo̱henye̱lo̱i le̱ adeṅ, ni wo̱o̱súmo̱o!

1 Samuel 12:10 ပူးပေါင်းရင်းမြစ်များ

Lalai 106:44

Shi kɛ̃lɛ, be ni enu amɛbolɔmɔ lɛ, enu amɛhaomɔ lɛ he ehã amɛ.

Yesaia 26:16

Ao Yehowa, amɛhejaramɔ mli lɛ, amɛtao osɛɛgbɛ; amɛsɔle amɛkpa bo fai be ni ogbalaa amɛtoi lɛ.

Yesaia 33:22

Ejaakɛ Yehowa ji wɔkojolɔ, Yehowa ji wɔnɔyelɔ. Yehowa ji wɔmaŋtsɛ; lɛ nɔŋŋ ebaahere wɔyiwala.

Yoshua 13:31

kɛ Gilead shikpɔŋ lɛ fã kɛ agbɛnɛ Ashtarot kɛ Edrei, ni ji Bashan maŋtsɛ Og maŋtsɛyelihe lɛ mli maji wuji lɛ. Akɛ shikpɔŋ nɛɛ hã Manase bi Makir shwiei lɛ yɛ amɛwekui lɛ anaa akɛ Manasebii akutso lɛ fã lɛ gbɛfaŋ nɔ.

Kojolɔi 10:10

Kɛkɛ ni amɛbolɔ amɛtsɛ Yehowa amɛkɛɛ: “Wɔfee esha wɔshi bo; ejaakɛ wɔkwa bo, wɔNyɔŋmɔ lɛ, ni wɔyasɔmɔ Baal nyɔŋmɔi lɛ.”

Kojolɔi 2:11

Kɛkɛ ni Israelbii lɛ fee efɔŋ yɛ Yehowa hiɛ, ni amɛyasɔmɔ Baal nyɔŋmɔi lɛ.

Kojolɔi 2:13

Ni amɛfɔ̃ɔ Yehowa jamɔ, ni amɛyasɔmɔ Baal nyɔŋmɔi lɛ kɛ Astarte nyɔŋmɔi lɛ.

Kojolɔi 3:15

Kɛkɛ ni Israelbii lɛ bolɔ tsɛ Yehowa, ni etee yiwalaherelɔ shi ehã amɛ. Lɛ ji Ehud, Gera Benyaminnyo lɛ bi lɛ, abɛkulɔ ni. Israelbii lɛ tsu lɛ ekɛ nikeenii tee yahã Moab maŋtsɛ Eglon.

Kojolɔi 3:7

Israelbii lɛ fee efɔŋ amɛshi Yehowa. Amɛhiɛ kpa Yehowa, amɛNyɔŋmɔ lɛ nɔ, ni amɛyasɔmɔ Baal nyɔŋmɔi lɛ kɛ Ashera nyɔŋmɔi lɛ.

Kojolɔi 3:9

Kɛkɛ ni Israelbii lɛ bolɔ tsɛ Yehowa, ni etee herelɔ ko shi ehã amɛ, ni ehere amɛ. Lɛ ji Otniel, Kaleb nyɛmi gbekɛ Kenaz bi lɛ.

Kojolɔi 4:3

Israelbii lɛ bolɔ amɛtsɛ Yehowa koni eye ebua amɛ, ejaakɛ Yabin yɛ dade tayaa shwiilii ohai nɛɛhu, ni ewa Israelbii lɛ ayi waa naakpa afii nyɔŋmai enyɔ sɔŋŋ.

Kojolɔi 6:7

Be ni amɛbolɔɔ amɛtsɛɔ Yehowa yɛ Midianbii lɛ ahewɔ lɛ,

1 Samuel 7:2

Kpãŋmɔ Adeka lɛ tsɛ yɛ Kiriat-Yearim, ejaakɛ eye afii nyɔŋmai enyɔ sɔŋŋ yɛ jɛi, kɛjɛ gbi nɔ ni akɛ lɛ yashɛ jɛi lɛ, ni Israel fɛɛ ye Yehowa he kumai.

1 Samuel 7:6

Israelbii lɛ bua amɛhe naa yɛ Mizpa. Amɛyɛ nu amɛshwie shi yɛ Yehowa hiɛ, ni amɛhi ŋmãa nakai gbi lɛ, ni amɛkɛɛ akɛ, “Wɔtɔ̃ Yehowa nɔ.” Ni Samuel hi Mizpa, ni ekojo Israelbii lɛ ateŋ saji yɛ jɛi.