1 Samuel 11:7 - ŊMALƐ KRƆŊKRƆŊ LƐ

⁷ Emɔmɔ tsinai enyɔ egbe, ni efolɔ amɛmli bibiibii, ni ekɛtsu Yabesh bɔfoi lɛ akɛ amɛkɛyakpa Israel majimaji lɛ fɛɛ anɔ. Ni wiemɔ ni fata he ji akɛ, “Mɔ fɛɛ mɔ ni efãaa ta kɛbaaa ebawaaa Saul kɛ Samuel lɛ, nɛkɛ ji bɔ ni abaafee mɔ lɛ tsinai lɛ.” Israelbii lɛ she nɔ ni Yehowa aaafee amɛ lɛ he gbeyei, ni no hewɔ lɛ, eshwɛɛɛ nuu kome ni emĩaaa kɛyaaa ta lɛ eko.

Ṅmãle̱ Kroṅkroṅ Le̱

⁷ Ni emõmo̱ tšinai enyo̱ eflo ame̱mli kukudši, ni eṅõ-hã bo̱foi le̱ ni ame̱ke̱-yakpa Israel mãdši le̱ fẽ no̱ ni ame̱kē̱: Mofẽmo ni baa ebanyiee Saul ke̱ Samuel se̱ le̱, bo̱ni abafe etšinai ne̱! Ke̱ke̱ ni Iehowa he ṅmiṅmi mõ maṅ le̱, ni ame̱dše kpo ke̱-ba tamo̱ nū kome. Kodš. 19,29.

1 Samuel 11:7 ပူးပေါင်းရင်းမြစ်များ

1 Mose 35:5

Kɛkɛ ni amɛŋɔ shwie nɔ. Nyɔŋmɔ he ŋmiŋmi mɔmɔ maji fɛɛ ni bɔle amɛ lɛ, no hewɔ lɛ, amɛtiuuu Yakob webii lɛ.

2 Kronika 14:14

Amɛkpãtã maji fɛɛ ni bɔle Gerar lɛ ahiɛ ejaakɛ Yehowa he ŋmiŋmi emɔmɔ maji nɛɛ fɛɛ amli bii lɛ. Ni Yudabii lɛ ha maji lɛ fɛɛ amli nii ejaakɛ haanii babaoo yɛ amɛmli.

2 Kronika 17:10

Yehowa he ŋmiŋmi mɔmɔ shikpɔji fɛɛ ni bɔle Yuda lɛ anɔ bii lɛ, no hewɔ lɛ, eko kwraa ekaaa akɛ ekɛ Yehoshafat aaawu ta.

2 Kronika 19:7

No hewɔ lɛ, nyɛhãa Yehowa hegbeyeishemɔ ahia nyɛmli; nyɛkwɛa nyɛnifeemɔnii jogbaŋŋ ejaakɛ Yehowa, wɔNyɔŋmɔ lɛ, miihi kutumpɔoyeli kɛ hiɛiaŋkwɛmɔ kɛ nyɔɔŋnihemɔ.”

Yesaia 8:13

Shi moŋ nyɛbua Yehowa, Taiatsɛ lɛ, akɛ Mɔ Krɔŋkrɔŋ, ni lɛ moŋ gbeyei nyɛshea, ni lɛ ehe ŋmiŋmi amɔa nyɛ,

Kojolɔi 19:29

Be ni eshɛ ewe lɛ, ekɔ kakla, ni emɔ ehemɔ lɛ mli, ni efolɔ emli yɛ etalɔi lɛ anɔ kukuji nyɔŋma kɛ enyɔ. Ehã akɛtee akutsei nyɔŋma kɛ enyɔ lɛ fɛɛ amli akɛyatsɔ̃ɔ amɛ.

Kojolɔi 20:1

Kɛkɛ ni Israelbii lɛ fɛɛ, kɛjɛ Dan yɛ kooyigbɛ aahu kɛyashi Beersheba yɛ wuoyigbɛ kɛ Gilead shikpɔŋ lɛ yɛ bokãgbɛ fã kɛba. Amɛbabua amɛhe naa amɛfee asafo kpele kome yɛ Yehowa hiɛ yɛ Mizpa.