1 Samuel 11:13 - ŊMALƐ KRƆŊKRƆŊ LƐ

¹³ Shi Saul to he ekɛɛ, “Ashwieŋ la shi ŋmɛnɛ, ejaakɛ ŋmɛnɛ lɛ Yehowa ehere Israel yiwala.”

Ṅmãle̱ Kroṅkroṅ Le̱

¹³ Ši Saul kē̱: Akagbe gbomo ko ṅme̱ne̱; edšake̱ ṅme̱ne̱ *Iehowa etšu yiwalaheremo̱nĩĩ ye̱ Israel. *14,45.

1 Samuel 11:13 ပူးပေါင်းရင်းမြစ်များ

2 Samuel 19:22

Shi David to he ni ekɛɛ Zeruia bi Abishai kɛ enyɛmi Yoab akɛ, “Nyɛhe sane ko mɛ? Nyɛkawoa minajiaŋ. Ani ŋmɛnɛ ni mitsɔ̃ Israel fɛɛ maŋtsɛ lɛ, ani abaagbe Israelnyo lo?”

2 Samuel 19:23

Kɛkɛ ni David kɛɛ Shimei akɛ, “Agbeŋ bo!” Ni maŋtsɛ lɛ kã Shimei kitã.

2 Samuel 23:10

edamɔ shi akɛ nuu, ni ekpee ta lɛ naa, ni egbe Filistibii lɛ aahu kɛyashi ekɔ̃ji gboi yɛ ehe bɔ sɔŋŋ ni ehiii lɛ eklante lɛ nɔwomɔ dɔŋŋ. Yehowa ye kunim kpeteŋkple nakai gbi lɛ ehã Israelbii lɛ. Fee sɛɛ lɛ Israelbii lɛ ba he ni Eleazar wu ta lɛ yɛ lɛ, ni amɛbakpɔlɔ gbohii lɛ ahe nibii kɛtee.

2 Mose 14:13

Ni Mose here Israelbii lɛ nɔ ekɛɛ, “Nyɛkashea gbeyei! Nyɛdamɔa shi shiŋŋ ni nyɛkwɛa nyɛyiwala ni Yehowa baahere ŋmɛnɛ nɛɛ. Ejaakɛ Ijiptbii ni nyɛnaa ŋmɛnɛ nɛɛ lɛ, nyɛnaŋ amɛ dɔŋŋ kɛaatee naanɔ.

2 Mose 14:30

Nakai gbi lɛ, bɔ ni Yehowa fee ehere Israelbii lɛ ayiwala kɛjɛ Ijiptbii adɛŋ nɛ, ni Israelbii lɛ na Ijiptbii lɛ jwere ŋshɔ lɛ naa ni amɛgboi.

Yesaia 59:16

Ena, ni enaa kpɛ ehe akɛ mɔ ko kwraa bɛ ni edamɔ mli eha mɔ ni ayeɔ lɛ amim; ni no hewɔ lɛ, ekɛ lɛ diɛŋtsɛ ehewalɛ here eyiwala, ni ejalɛ lɛ ye bua lɛ.

1 Korintobii 15:10

Shi Nyɔŋmɔ dromɔ naa mi ji mɔ ni mi ji nɛɛ, ni edromɔ ni eduro mi lɛ efeee yaka; shi moŋ mitsu nii waa fe amɛ fɛɛ; shi jeee mi mitsu, shi moŋ Nyɔŋmɔ dromɔ ni kɛ mi yɔɔ lɛ.

1 Samuel 10:27

Shi hii yakagbɔmɛi komɛi kɛɛ akɛ “Te aaafee tɛŋŋ ni mɔnɛ nɛɛ aaahere wɔyiwala lɛ?” Amɛgbe Saul he guɔ, ni amɛbakeee lɛ nɔ ko. Shi Saul ekɛɛɛ nɔ ko.

1 Samuel 14:45

Shi maŋbii lɛ kɛɛ Saul akɛ, “Yonatan baagbo lo? Lɛ mɔ ni eye kunim kpeteŋkple nɛkɛ nɛɛ ehã Israel lɛ? Akaba mli nakai! Wɔna Yehowa akɛ Yonatan yiteŋ tsɔi kome nɛkɛ efaŋ egbeŋ shi, ejaakɛ Nyɔŋmɔ ni kɛ lɛ tsu nɔ ni etsu ŋmɛnɛ nɛɛ lɛ.” Biɛ tsɔ̃ ni maŋbii lɛ here Yonatan yiwala kɛje gbele mli.

1 Samuel 19:5

Edɔɔɔ ewala he, ni no hewɔ lɛ, etee ni ekɛ Goliat, Filistinyo lɛ, yakpe, ni egbe lɛ, ni Yehowa hã Israel fɛɛ ye kunim kpeteŋkple. Bo diɛŋtsɛ hu ona kunim ni eye lɛ, ni onya he. Mɛni hewɔ mɔ ni otaoɔ akɛ ofee mɔ ni efeko efɔŋ ko lɛ esha, ni ogbe David yakatswaa lɛ?”