1 Samuel 11:11 - ŊMALƐ KRƆŊKRƆŊ LƐ

¹¹ Enɔ jetsɛremɔ lɛ Saul ja etabilɔi lɛ amli kui etɛ̃, ni amɛyatua Amonbii lɛ maŋkɛ hima mli, yɛ amɛnsra lɛ mli, ni amɛtswia amɛ nii kɛyashi shwane fintiŋŋ. Amonbii ni je gbele mli lɛ gbɛ shwã bɔ ni onaŋ amɛteŋ mɛi enyɔ nɛkɛ yɛ he kome.

Ṅmãle̱ Kroṅkroṅ Le̱

¹¹ Ni eba mli ake̱ dšetše̱reno̱ le̱ Saul dša maṅ le̱ mli kui etẽ, ni ame̱ba nsra le̱ teṅ ye̱ lebi būbe le̱ mli, ni ame̱tſia Amonbii le̱ anii ke̱-yaši ſane fintī̃; ni eba mli ake̱ mei ní ſe̱ le̱ gbe̱ ſã āhũ po ní ame̱teṅ mei enye̱ ſe̱e̱ ye̱ hekome.

1 Samuel 11:11 ပူးပေါင်းရင်းမြစ်များ

1 Mose 22:14

No hewɔ lɛ, Abraham wo jɛi gbɛi akɛ “Yehowa aaakwɛ.” No hewɔ akɛɔ kɛ ŋmɛnɛ akɛ, “Yehowa Gɔŋ lɛ nɔ aaakwɛ yɛ lɛ.”

2 Samuel 18:2

No sɛɛ lɛ, eja eta tso muu lɛ fɛɛ mli etɛ̃. Ekɛ mlijaa etɛ̃ nɛɛ mli ekome wo Yoab shishi, ni ekɛ ekome hu wo Abishai, Zeruia bi Yoab nyɛmi lɛ shishi, ni ekɛ ekome ni eshwɛ lɛ wo Itai, Gatnyo lɛ shishi. Kɛkɛ ni Maŋtsɛ David kɛɛ etabilɔi lɛ akɛ, “Mi diɛŋtsɛ hu mikɛ nyɛ miiya.”

Lalai 46:1

Naa Nyɔŋmɔ ji wɔbobaahe kɛ wɔhewalɛ, wɔyelikɛbualɔ krɔŋŋ yɛ fimɔ mli.

2 Mose 14:24

Ni maŋkɛ mra mli lɛ Yehowa jɛ atatu kutuu kɛ la kutuu lɛ mli ekwɛ Ijiptbii ata lɛ, ni ehao amɛ.

Mateo 7:2

Shi nɔ kojomɔ ni nyɛkɛkojoɔ lɛ, akɛaakojo nyɛ; ni nɔ susumɔnɔ ni nyɛkɛsusuɔ lɛ, akɛasusu ahã nyɛ.

Yakobo 2:13

Ejaakɛ kojomɔ mli lɛ, mɔ ni enaaa mɔbɔ lɛ anaŋ lɛ mɔbɔ; mɔbɔnalɛ yeɔ kojomɔ nɔ kunim ni eshwãa.

Kojolɔi 1:7

Adonibezek kɛɛ: “Maŋtsɛmɛi nyɔŋmai kpawo ni afolɔ amɛnine gɔntii lɛ kɛ amɛnane gɔntii lɛ kɔlɔ niyenii fufuji yɛ mikpɔlɔ̃ lɛ shishi. Bɔ ni mifee lɛ, nakai pɛ Nyɔŋmɔ efee mi eto najiaŋ nɛɛ.” Amɛkɛ Adonibezek ba Yerusalɛm, ni ebagbo yɛ jɛi.

Kojolɔi 4:16

Barak kɛ emɛi lɛ tiu shwiilii lɛ kɛ tabilɔi lɛ kɛtee Jeŋbii amaŋ Haroshet lɛ, ni Sisera tabilɔi lɛ fɛɛ nyɔnyɔɔ yɛ klante naa; eshwɛɛɛ mɔ kome nɛkɛ folo.

Kojolɔi 7:16

Eja hii ohai etɛ̃ lɛ mli kui etɛ, ni ekɛ tɛtɛrɛmantɛrɛ kɛ kpulu ni kɔti hɔ mli hã mɔ fɛɛ mɔ hiɛ edɛŋ.

Kojolɔi 7:20

Agbɛnɛ kui etɛ̃ lɛ fɛɛ kpãkpãa tɛtɛrɛmantɛrɛi lɛ, ni amɛjwara kpuji lɛ. Amɛhiɛ kɔtii lɛ yɛ amɛbɛku kɛ tɛtɛrɛmantɛrɛi lɛ yɛ amɛninejurɔ. Amɛkpã tɛtɛrɛmantɛrɛi lɛ, ni amɛbɔ oshe akɛ, “Yehowa kɛ Gideon klante!”

Kojolɔi 9:43

Ayagba Abimelek. Hewɔ lɛ eŋɔ emɛi lɛ, ni ejara amɛmli kui etɛ̃. Eyawo ka yɛ ŋã lɛ nɔ. Kɛkɛ lɛ eyaakwɛ lɛ, naa maŋbii lɛ ni amɛmiije kpo kɛmiijɛ maŋ lɛ mli. Abimelek te shi wo amɛ, ni etswia amɛ nii.

1 Samuel 11:2

Shi Nahash, Amonbii amaŋtsɛ lɛ, hã amɛ hetoo ekɛɛ, “Dani mikɛ nyɛ aaakpãŋ ni wɔfee ekome lɛ, ja nyɛhã mifamɔ nyɛninejurɔ hiŋmɛii fɛɛ yɛ nyɛyitsei ahe koni kpa ni nyɛbaaje lɛ ahã Israel muu lɛ fɛɛ hiɛ ashwie shi.”

1 Samuel 14:47

Be ni Saul batsɔ̃ Israel maŋtsɛ lɛ, ekɛ Israel henyɛlɔi fɛɛ ni ebɔle Israel kɛkpe lɛ wu. Ekɛ Moabbii lɛ kɛ Amonbii lɛ kɛ Edombii lɛ kɛ Zoba maŋtsɛmɛi lɛ kɛ Filistibii lɛ fɛɛ wuwuu tai. Ni he fɛɛ he ni Saul tsɔ̃ɔ lɛ eyeɔ kunim.