1 Samuel 10:22 - ŊMALƐ KRƆŊKRƆŊ LƐ

²² No hewɔ lɛ, aku sɛɛ ni abi Yehowa nii ekoŋŋ akɛɛ, “Ani gbɔmɔ lɛ hu ba biɛ lo?” Yehowa to he akɛ, “Naa, eyateee ehe yɛ jatsui lɛ ateŋ.”

Ṅmãle̱ Kroṅkroṅ Le̱

²² Ni ame̱sā ame̱yabi Iehowa ekoṅ ake̱: Ani nū le̱ eba bĩe̱ lo? Ni Iehowa kē̱: Na, eyatẽ ehe ye̱ nibii le̱ ateṅ.

1 Samuel 10:22 ပူးပေါင်းရင်းမြစ်များ

1 Mose 25:22

Bii lɛ shimɔshimɔɔ amɛhe yɛ musu lɛ mli. Ni Rebeka kɛɛ, “Mɛɛba sa akɛ nɛkɛ nɔ ko afee mi?” No hewɔ lɛ, etee eyabi Yehowa.

2 Samuel 2:1

Enɛ sɛɛ lɛ David yabi Yehowa nii akɛ, “Ani miya ni miyaŋɔ Yuda maji lɛ eko lo?” Yehowa hã lɛ hetoo akɛ, “Yaa!” David bi akɛ, “Mɛɛ maŋ nɔ miya?” Yehowa to he akɛ, “Yaa Hebron.”

2 Samuel 21:1

David yinɔ lɛ hɔmɔ ni naa wa ko ba afii nɔtonɔto shii etɛ̃ sɔŋŋ. Enɛ hã David tee ni eyabi Yehowa nii. Yehowa kɛɛ David akɛ, “Enɛ fɛɛ jɛ Saul kɛ ewe lɛ yɛ Gibeonbii lɛ ni amɛgbe lɛ hewɔ.”

4 Mose 27:21

Ebo Osɔfo Eleazar toi be fɛɛ be. Eya eŋɔ̃ɔ, ni ebaafɔ̃ Urim lɛ koni ekɛbi mi nii ehã lɛ yɛ mihiɛ. Lɛ kɛ Israelbii lɛ kɛ asafo lɛ fɛɛ ayaakɛbaa mli lɛ, amɛbo Osɔfo Eleazar wiemɔ toi.”

Luka 14:11

Ejaakɛ mɔ fɛɛ mɔ ni woɔ ehe nɔ lɛ, aaaba lɛ shi, ni mɔ ni baa ehe shi lɛ, aaawo enɔ.”

Kojolɔi 1:1

Be ni Yoshua egbo sɛɛ lɛ, Israelbii lɛ bi Yehowa akɛ, “Mɛɛ akutso tsutsu afã yɛ wɔteŋ ni ekɛ Kanaanbii lɛ ayawu?”

Kojolɔi 20:18

Israelbii lɛ yiŋ kɛtee Betel, ni amɛyabi Nyɔŋmɔ dɛŋ ŋaawoo akɛ, “Wɔteŋ namɔ tsutsu afã kɛya ni ekɛ Benyaminbii lɛ ayawu?” Yehowa kɛɛ, “Yuda tsutsu afã.”

Kojolɔi 20:23

Kɛkɛ ni amɛyiŋ kɛtee ni amɛyafo yɛ Yehowa hiɛ kɛyashi gbɛkɛ, ni amɛbi Yehowa nii akɛ, “Ani wɔtsi wɔbɛŋkɛ ekoŋŋ ni wɔkɛ wɔnyɛmimɛi, Benyaminbii lɛ, ayawu?” Yehowa kɛɛ akɛ, “Nyɛfãa ni nyɛkɛ amɛ ayawua.”

Kojolɔi 20:28

ni mɔ ni sɔmɔɔ yɛ jɛi yɛ Yehowa hiɛ ji Finehas, Aaron bi Eleazar bi lɛ. Israelbii lɛ bi Yehowa akɛ, “Ani wɔfã ekoŋŋ ni wɔkɛ wɔnyɛmimɛi Benyaminbii lɛ ayawu aloo wɔfɔ̃ɔ?” Yehowa kɛɛ, “Nyɛfãa kɛyaa, ejaakɛ wɔ lɛ, mahã nyɛye amɛnɔ kunim.”

1 Samuel 10:21

Ehã Benyamin akutso lɛ tsi ba yɛ amɛwekui anaa, ni oshiki ni afɔ̃ lɛ yagbee Matribii awe lɛ nɔ. Naagbee lɛ ehã Matribii awe lɛ mli hii lɛ tsi ba ekomekome, ni oshiku ni afɔ̃ lɛ yagbee Kish bi Saul nɔ. Shi be ni atao lɛ lɛ, anaaa lɛ.

1 Samuel 14:37

Enɛ hewɔ lɛ, Saul bi Nyɔŋmɔ nii ekɛɛ, “Miyatua Filistibii lɛ lo? Obaahã Israel aye amɛnɔ kunim lo?” Shi Nyɔŋmɔ hãaa Saul hetoo nakai gbi lɛ.

1 Samuel 15:17

Kɛkɛ ni Samuel kɛɛ lɛ akɛ, “Bo lɛ onaa ohe akɛ mɔ folo ko kɛkɛ; shi ani jeee bo ji Israel akutsei lɛ fɛɛ atsɛ? Yehowa fɔ bo mu kɛwo bo Israel maŋtsɛ,

1 Samuel 22:10

ni Ahimelek bi Yehowa nii ehã lɛ, ni ehã lɛ gbɛnɔ niyenii, ni asaŋ ekɛ Goliat, Filistinyo lɛ, klante lɛ hu ehã lɛ.”

1 Samuel 23:9

Be ni David na le akɛ Saul miito ehe yiŋ fɔŋ lɛ, ekɛɛ Osɔfo Abiatar akɛ, “Kɔ efod lɛ kɛba.”

1 Samuel 30:7

Kɛkɛ ni David kɛɛ Osɔfo Abiatar, ni ji Ahimelek bi lɛ akɛ, “Yaakɔ nɔ ni akɛbiɔ nii lɛ obahã mi.” Abiatar kɛ nii lɛ bahã David.

1 Samuel 30:8

Kɛkɛ ni David bi Yehowa nii ekɛɛ, “Mitiu gbɔmɛi nɛɛ lo?” Yehowa hã hetoo akɛ, “Tiumɔ amɛ, bɔ fɛɛ bɔ ni fee lɛ obaaya oyanina amɛ yɛ gbɛteŋ, ni onine baashɛ nyɛgbɔmɛi lɛ anɔ shweshweeshwe.”

1 Samuel 9:21

Saul here nɔ ni ekɛɛ, “Benyaminnyo ji mi, no hewɔ lɛ, mijɛ Israel akutsei lɛ ateŋ bibioo fe fɛɛ lɛ mli; ni Benyamin akutso lɛ mli wekui lɛ ateŋ humi fe fɛɛ mli mijɛ? Te feɔ tɛŋŋ ni okɛɔ mi enɛ nɛɛ lɛ?”