1 Samuel 1:15 - ŊMALƐ KRƆŊKRƆŊ LƐ

¹⁵ Shi Hana here nɔ ni ekɛɛ, “Dabida, minuŋtsɔ, mi ji yoo ko ni miwerɛ eho mihe naakpa. Minuko wain loo dãa ko ni wa; shi moŋ miifɔse mitsui mli awerɛho sane mashwie Yehowa hiɛ.

Ṅmãle̱ Kroṅkroṅ Le̱

¹⁵ Ši Hana here no̱ ni ekē̱: Dabi, minuṅtšo̱! midši yō ko ní miw̌ere̱ eho mihe; minuko wein lo dā̃ ko ni wa, ši moṅ *mifo̱se misusuma miſĩe ši ye̱ Iehowa hĩe. *Lal. 62,9.

1 Samuel 1:15 ပူးပေါင်းရင်းမြစ်များ

Hiob 30:16

Agbɛnɛ eshɛ migbele be, ni mikã nɔnaa mli gbii abɔ nɛɛ.

Lalai 143:6

Miholeɔ miniji anɔ mihãa bo yɛ sɔlemɔ mli; ohe kumai yeɔ misusuma tamɔ shikpɔŋ gbiŋ.

Lalai 42:4

Miwerɛ hoɔ mihe, kɛji mikai enɛɛmɛi: bɔ ni mi kɛ asafo yuu nyiɛɔ, bɔ ni amɛtoɔ yuu, ni minyiɛɔ amɛhiɛ kɛyaa Nyɔŋmɔ We lɛ; bɔ ni asafo lɛ bɔɔ oshe kɛ miishɛɛ, ni amɛkɛ shidaa lalai yeɔ gbijurɔ lɛ.

Lalai 62:8

Nyɛ maŋbii, nyɛkɛ nyɛhiɛ afɔ̃a Nyɔŋmɔ nɔ be fɛɛ be; nyɛfɔsea nyɛtsuiiaŋ saji fɛɛ nyɛshwiea ehiɛ; ejaakɛ Nyɔŋmɔ ji wɔbobaahe.

Lalai 62:9

Mɛi bibii fɛɛ tamɔ kɔɔyɔɔ, mɛi wuji hu jeee fɛifɛi kɛji aŋmɛ amɛ yɛ nsɛni mli lɛ, amɛtsiii. Amɛ fɛɛ amɛtsiimɔ shɛɛɛ nɔ ko nɔ ko, amɛtamɔ kɔɔyɔɔ.

Abe̱i 14:10

Tsui pɛ ni le enidɔɔnii; ni nɔ ni ji emiishɛɛ lɛ ekɛ mɔ ko mɔ ko ejaaa.

Abe̱i 15:1

Naajɔlɛ hetoo kuɔ mlila naa; shi mlila wiemɔ teɔ mlifu shi.

Abe̱i 25:15

Aaanyɛ akɛ tsuishitoo blɛoo atsake nɔyelɔ jwɛŋmɔ; ni naajɔlɛ wiemɔ kuɔ wu.

Yāfó 2:19

Tee shi koni obo yaafo nyɔɔŋ be fɛɛ be ni bulɔi jeɔ buu shishi. Fɔsemɔ otsuiŋ fɛɛ oshwie Nuŋtsɔ lɛ hiɛ, tamɔ afɔseɔ nu ashwieɔ shikpɔŋ. Holemɔ oniji anɔ otsɔ̃ɔ lɛ yɛ obii bibii ni hɔmɔ ehã amɛtɔ biti yɛ blohu fɛɛ blohu koŋ lɛ awala hewɔ.

1 Samuel 1:16

Kaabu mi, oweyoo akɛ yoo yakagbɔmɔ ko shi mikɔmɔ kɛ mlila ni awoɔ sɔŋŋ naa miwieɔ yɛ kɛbashi amrɔ nɛɛ nɛɛ.”

1 Samuel 7:6

Israelbii lɛ bua amɛhe naa yɛ Mizpa. Amɛyɛ nu amɛshwie shi yɛ Yehowa hiɛ, ni amɛhi ŋmãa nakai gbi lɛ, ni amɛkɛɛ akɛ, “Wɔtɔ̃ Yehowa nɔ.” Ni Samuel hi Mizpa, ni ekojo Israelbii lɛ ateŋ saji yɛ jɛi.