1 Mose 8:21 - ŊMALƐ KRƆŊKRƆŊ LƐ

²¹ Be ni Yehowa here afɔle lɛ ŋma jurɔ lɛ, ekɛɛ ehe akɛ, “Milomɔŋ shikpɔŋ lɛ yɛ gbɔmɔ hewɔ dɔŋŋ, ejaakɛ nii ni gbɔmɔ jwɛŋɔ yɛ eyiŋ lɛ efɔŋ ni kɛjɛ egbekɛbiiashi; ni asaŋ mikpãtãŋ nɔ fɛɛ nɔ ni hiɛ kã hiɛ dɔŋŋ, tamɔ bɔ ni mifee nɛɛ.

Ṅmãle̱ Kroṅkroṅ Le̱

²¹ Ni beni Iehowa here ṅma dšũrõ le̱, Iehowa kē̱ ye̱ etšui mli ake̱; Milomo̱ṅ šikpoṅ le̱ ye̱ gbomo hewo̱ doṅṅ; edšake̱ gbomo *tšuiṅ dſẽṅmo̱ le̱ efõṅ dši ke̱-dše̱ egbekẽbiiaši; ni asaṅ †mitſiaṅ nofëno ni hĩe kã le̱ nii butū tamo̱ bo̱ni mife ne̱ doṅṅ. 6,5. Lal. 14,3. Hiõb 14,4. Mat. 15,19. Rom. 8,23. †Ies. 64,9.

1 Mose 8:21 ပူးပေါင်းရင်းမြစ်များ

1 Mose 3:17

Ni Adam lɛ, ekɛɛ lɛ akɛ, “Akɛni obo oŋa lɛ toi ni oye tso lɛ ni miwo bo he kitã akɛ okaye eyibii lɛ eko lɛ hewɔ lɛ, alomɔ shikpɔŋ sũ yɛ ohewɔ. Hejaramɔ okɛaana enɔ nii oye owala gbii abɔ fɛɛ.

1 Mose 4:12

Kɛji ohu shikpɔŋ lɛ ebaŋ nii ehaŋ bo yɛ ehewalɛ naa dɔŋŋ. Kobɔlɔ kɛ shikpalɔ oootsɔ̃ yɛ shikpɔŋ lɛ nɔ!”

1 Mose 5:29

Ewo lɛ Noa, ni ekɛɛ akɛ, “Mɔ nɛ baashɛje wɔmii yɛ wɔninenaa nitsumɔ kɛ tɔlɛ ni etɔɔ wɔ yɛ loomɔ ni Nuŋtsɔ lɛ lomɔ shikpɔŋ lɛ hewɔ.”

1 Mose 6:13

No hewɔ lɛ, Nyɔŋmɔ kɛɛ Noa akɛ, “Mito miyiŋ akɛ makpãtã heloo fɛɛ hiɛ, ejaakɛ amɛhã shikpɔŋ lɛ nɔ eyi obɔ̃ tɔ kɛ awuiyeli. Naa, mibakpãtã amɛ kɛ shikpɔŋ lɛ fɛɛ hiɛ.

1 Mose 6:17

Ejaakɛ naa, mahã nu afua aha shikpɔŋ lɛ nɔ koni akɛkpãtã nɔ fɛɛ nɔ ni wala mumɔ yɔɔ mli lɛ hiɛ yɛ ŋwɛishishi nɛɛ, ni nɔ fɛɛ nɔ ni yɔɔ shikpɔŋ lɛ nɔ lɛ hiɛ aaakpãtã.

1 Mose 6:5

Be ni Yehowa na akɛ gbɔmɛi anɔfɔŋfeemɔ lɛ efa tsɔ yɛ shikpɔŋ lɛ nɔ, ni nibii ni amɛsusuɔ yɛ amɛyiŋ daa nɛɛ lɛ efɔŋ sɔŋŋ ni lɛ,

1 Mose 6:7

No hewɔ lɛ, Yehowa kɛɛ akɛ, “Makpãtã gbɔmɔ ni mibɔ lɛ lɛ hiɛ kɛje shikpɔŋ lɛ nɔ kɛjɛ gbɔmɔ nɔ aahu kɛyashi kooloi kɛ nii ni wamɔɔ kɛ loofɔji anɔ ejaakɛ shi edɔ mi akɛ mibɔ amɛ.”

Hiob 14:4

Te aaafee tɛŋŋ ni ana nɔ ni he tse kɛ nɔ ni he tseee teŋ srɔto lɛ?

Lalai 51:5

Naa, afɔ mi yɛ esha mli, ni esha mli minyɛ ŋɔ mi hɔ yɛ.

Lalai 58:3

Mɛi fɔ̃ji gbaa jwɛi kɛjɛɔ musuŋ beebe; kɛji ashwie amɛ shi nɔŋŋ pɛ amɛbɔi malemɔ.

Lalai 58:4

Ebɔɔ yɛ amɛmli tamɔ onufu, amɛtsimɔɔ amɛtoi tamɔ ble

2 Mose 29:18

ni oma too ojwɛni muu lɛ fɛɛ naa la yɛ afɔleshãa latɛ lɛ nɔ. Eji afɔle ni akɛ la shãa ahãa mi, Yehowa; ni misumɔɔ eŋma lɛ.

2 Mose 29:25

Enɛ sɛɛ lɛ ohe nibii lɛ yɛ amɛdɛ̃ ni oma fɛɛ naa la yɛ afɔleshãa latɛ lɛ nɔ, ni oshã ofata shãa afɔle lɛ he akɛ afɔle ni akɛ la shãa ahãa mi, Yehowa; ni misumɔɔ eŋma lɛ.

Abe̱i 20:9

Namɔ aaanyɛ akɛɛ akɛ, “Mi lɛ, mitsuu mitsui he, ni esha ko be mihe?”

Jajelɔ 7:20

Anɔkwa, adesa ko bɛ shikpɔŋ nɛɛ nɔ ni ekpakpa sɔŋŋ kɛkɛ efeɔ, ni efeee esha.

Yesaia 47:12

“Yaa nɔ kɛ okablɛfiimɔ kɛ okunyaayeli babaoo ni ogbo he deŋme kɛjɛ oblahiiaŋ lɛ, akɛ aleee nɔ eeenyɛ eye ebua bo lo; akɛ aleee nɔ ohe aaafee gbeyei.

Yesaia 47:15

Mɛi ni ogbo amɛhe deŋme lɛ, bɔ ni amɛaatsɔ̃ amɛha bo nɛ; oŋulamiiaŋkwɛlɔi ni wo bo ŋaa lɛ, amɛ fɛɛ amɛaashi bo; mɔ ko mɔ ko bɛ ni aaahere oyiwala.”

Yesaia 48:8

Onuko dã, ni oleee otooo sa; otoi egbeko dã kɛjɛ blema beebe; ejaakɛ mile akɛ kutumpɔfoi anii ofeɔ, ni kɛjɛ ofɔmɔ mli beebe lɛ ale bo akɛ atuatselɔ.

Yesaia 53:6

Wɔ fɛɛ tswɛm wɔtamɔ toi ni edu gbɛ. Wɔteŋ mɔ fɛɛ mɔ ekɔ lɛ diɛŋtsɛ egbɛ, ni Yehowa kɛ wɔ fɛɛ wɔnɔsha lɛ fɔ̃ enɔ.

Yesaia 65:6

“Naa, aŋma afɔ̃ mihiɛ akɛ, ‘Mifeŋ dioo; mibatɔ he owele; mikuŋ mihiɛ mifɔŋ nɔ ni amɛfee lɛ nɔ; mibawo amɛ he nyɔmɔ kɛ̃

Yeremia 17:9

Tsui yɔɔ nɛɛ elakaa mɔ fe nɔ fɛɛ nɔ; efite kwraa. Namɔ aaanu lɛ shishi?

Yeremia 18:12

Shi amɛkɛɔ akɛ, ‘Oowie efolo; nɔ ni wɔfeɔ lɛ, wɔbaafee ŋmɛnɛ wɔbaafee wɔ. Wɔteŋ mɔ fɛɛ mɔ baaye lɛ diɛŋtsɛ etsui naa sane bɔ ni esumɔɔ.’ ”

Yeremia 8:6

Mikɛ tsuishitoo bo amɛ toi; shi amɛwieee anɔkwale. Mɔ ko mɔ ko kwraa bɛ ni nifɔɔjianii ni efee lɛ edɔ lɛ, ni no ehã etsake etsui. Shi moŋ ekɛɔ akɛ, ‘Mɛni mifee?’ Mɔ fɛɛ mɔ ekɔ lɛ diɛŋtsɛ egbɛ tamɔ bɔ ni okpɔŋɔ shaa foi kitikiti kɛboteɔ ta mli lɛ.

Ezekiel 20:41

Kɛji mijie nyɛ kɛjɛ majimaji lɛ amli, ni mibua nyɛnaa kɛjɛ shikpɔji ni agbɛ nyɛ ashwã nɔ lɛ anɔ kɛba lɛ, mana nyɛhe tsui tamɔ nɔ ko ni jeɔ ŋma, ni majie mikrɔŋkrɔŋ ni mi ji lɛ kpo matsɔ̃ɔ yɛ nyɛteŋ ni majimaji aaana.

3 Mose 1:13

Shi mɔ lɛ kɛ nu afɔ kooloo lɛ mlinii lɛ kɛ enaji lɛ ahe. No sɛɛ lɛ, osɔfo lɛ ni tsuɔ nii nakai gbi lɛ kɛ nomɛi hu baashi nɔ, ni eshã kooloo muu lɛ fɛɛ yɛ afɔleshãa latɛ lɛ nɔ. Shãa afɔle ni: afɔle ni ashãa fɛɛ ni ejeɔ ŋma ewoɔ Yehowa ni.

3 Mose 1:17

Emɔ loofɔlɔ lɛ fiji lɛ amli koni egba loofɔlɔ lɛ mli, shi ekakpɔlɔ efiji lɛ. Osɔfo lɛ ashã loofɔlɔ lɛ yɛ lai lɛ nɔ yɛ afɔleshãa latɛ lɛ nɔ. Shãa afɔle ni: afɔle ni ashãa fɛɛ ni ejeɔ ŋma ewoɔ Yehowa ni.”

3 Mose 1:9

Nuu lɛ kɛ nu afɔ kooloo lɛ mlinii lɛ kɛ enaji lɛ ahe; ni osɔfo lɛ ashã kooloo muu lɛ fɛɛ yɛ afɔleshãa latɛ lɛ nɔ; shãa afɔle ni, afɔle ni akɛ la shãa kooloo lɛ fɛɛ ni. Afɔle nɛɛ jeɔ ŋma woɔ Yehowa.

3 Mose 26:31

Mahã nyɛmaji lɛ atsɔ̃mɔ amaŋfɔ̃i, ni mafite nyɛjamɔhei lɛ hu; ni mihereŋ nyɛtsofakɛŋma lɛ ŋma dɔŋŋ.

3 Mose 4:31

Ejie too lɛ mli fɔ lɛ fɛɛ tamɔ ajieɔ shidaa afɔlei akooloi amli fɔ lɛ, ni eshã fɔ lɛ yɛ afɔleshãa latɛ lɛ nɔ koni eje ŋma ewo Yehowa, koni osɔfo lɛ akpãtã ehã lɛ, ni akɛ etɔ̃mɔ lɛ baafa lɛ.

3 Mose 8:28

Kɛkɛ ni Mose saa he niyenii lɛ yɛ Aaron kɛ ebihii lɛ adɛŋ, ni eshã yɛ afɔleshãa latɛ lɛ nɔ eshi shãa afɔlei ni ashãa fɛɛ emuu lɛ anɔ. Eji osɔfowoo afɔle ni akɛ la shãa ahãa Yehowa, ni ejeɔ ŋma ewoɔ lɛ.

4 Mose 15:3

kɛji nyɛkɛ tsina loo too baashã afɔle nyɛkɛhã mi, Yehowa, lɛ, shãa afɔle ni jio, gbee afɔle ni jio, afɔle ni akɛmiiye shiwoo ko nɔ ni jio, tsuijurɔ naa afɔle ni jio, nyɛgbii juji ni ato lɛ eko nɔ afɔle ni jio, afɔle lɛ ŋma asa mi, Yehowa, mihiɛ.

Mateo 15:19

Ejaakɛ tsui mli ni susumɔi fɔ̃ji, gbɔmɔgbee, gbãlãfitemɔ, ajwamãŋbɔɔ, juu, amale odaseyeli kɛ oshekuyeli jɛɔ.

Yohane 3:6

Nɔ ni ajɛ heloo mli afɔ lɛ, heloo ni; ni nɔ ni ajɛ Mumɔ mli afɔ lɛ, mumɔ ni.

Romabii 1:21

ejaakɛ amɛle Nyɔŋmɔ moŋ, shi amɛwooo ehiɛ nyam akɛ Nyɔŋmɔ, ni amɛdaaa lɛ shi hu, shi amɛfee shwɛm yɛ amɛjwɛŋmɔi amli, ni amɛtsui ni kɔɔɔ sane sɛɛ lɛ ewo duŋ.

Romabii 3:23

ejaakɛ mɛi fɛɛ efee esha, ni Nyɔŋmɔ anunyam lɛ ebɔ amɛ,

2 Korintobii 2:15

Ejaakɛ Kristo ŋmajee ni ekɛhãa Nyɔŋmɔ ji wɔ yɛ mɛi ni ahereɔ amɛyiwala lɛ kɛ mɛi ni laajeɔ lɛ fɛɛ ateŋ,

Efesobii 5:2

Ni nyɛnyiɛa yɛ suɔmɔ mli, tamɔ bɔ ni Kristo hu sumɔ wɔ ni ekɛ lɛ diɛŋtsɛ ehe hã yɛ wɔhewɔ akɛ nikeenii kɛ afɔle ni akɛhã Nyɔŋmɔ ni jeɔ ŋma krɔŋŋ lɛ.

Filipibii 4:18

Shi mina nii fɛɛ ni eteke nɔ; ni akɛni minine eshɛ nii ni nyɛkɛmaje Epafrodito kɛbahã mi lɛ nɔ nɛɛ, mina nɔ fɛɛ nɔ ni mitaoɔ; eji ŋmajee kpakpa kɛ afɔle kɛ ŋɔɔmɔ ni sa Nyɔŋmɔ hiɛ.

1 Yohane 5:19

Wɔle akɛ wɔjɛ Nyɔŋmɔ mli, ni jeŋ muu lɛ fɛɛ yɛ efɔŋ nɔyeli shishi.

1 Samuel 26:19

Taflatsɛ, minuŋtsɔ maŋtsɛ abo nɔ ni etsulɔ yɔɔ kɛɛmɔ toi fioo. Kɛji Yehowa diɛŋtsɛ ni etee bo shi ewo mi lɛ, mibashã he afɔle kɛkpa he fai. Shi kɛji gbɔmɛi adesai abii ni ehã ote shi owo mi lɛ, no lɛ Yehowa aaawo amɛ he nyɔmɔ, ejaakɛ amɛshwie mi ŋmɛnɛ akɛ mikahi Yehowa shikpɔŋ lɛ nɔ, shi moŋ miya ni miyasɔmɔ jemawɔji.