1 Mose 8:20 - ŊMALƐ KRƆŊKRƆŊ LƐ

²⁰ Kɛkɛ ni Noa ma afɔleshãa latɛ ehã Yehowa. Eŋɔ shĩaŋ kooloi ni he tse lɛ fɛɛ mli eko kɛ loofɔji ni he tse lɛ fɛɛ mli eko, ni ekɛshã shãa afɔle yɛ afɔleshãa latɛ lɛ nɔ.

Ṅmãle̱ Kroṅkroṅ Le̱

²⁰ Ni Noa mā afo̱lešãlate̱ ehã Iehowa, ni eṅõ šĩa koloi ní *he tše le̱ fẽ mli eko ke̱ lofõdši ni he tše le̱ fẽ mli eko ni eṅõ šã šā̃-afo̱le ye̱ afo̱lešãlate̱ le̱ no̱. *7,2.

1 Mose 8:20 ပူးပေါင်းရင်းမြစ်များ

1 Mose 13:18

Kɛkɛ ni Abram fã ebuu lɛ, ni eba ebahi Mamre tsei krɔŋkrɔŋi lɛ ni yɔɔ Hebron lɛ amasɛi, ni ema afɔleshãa latɛ yɛ jɛi ehã Yehowa.

1 Mose 13:4

Biɛ Abram ja Yehowa yɛ.

1 Mose 22:2

Nyɔŋmɔ kɛɛ lɛ akɛ, “Ŋɔɔ obi Isak ni ji obi koome ni odɔɔ ehe lɛ, ni oyiŋ oya Moria Shikpɔŋ lɛ nɔ, ni okɛ lɛ ayashã afɔle yɛ jɛi, yɛ gɔji lɛ ateŋ ekome ni matsɔ̃ɔ bo lɛ nɔ.”

1 Mose 22:9

Be ni amɛshɛ he ni Nyɔŋmɔ etsɔ̃ɔ lɛ, Abraham ma afɔleshãa latɛ yɛ jɛi. Eto lai lɛ eshwie afɔleshãa latɛ lɛ nɔ. Kɛkɛ ni efi ebi Isak lɛ, ni ekɛ lɛ ŋmɛ lai lɛ nɔ yɛ afɔleshãa latɛ lɛ nɔ.

1 Mose 26:25

Isak mã afɔleshãa latɛ yɛ jɛi, ni eja Yehowa yɛ jɛi; ni eshi ebuu lɛ yɛ jɛi. Ni Isak je nubu yɛ jɛi hu.

1 Mose 33:20

Yakob ma afɔleshãa latɛ yɛ jɛi, ni ewo lɛ gbɛi akɛ “El, Israel Nyɔŋmɔ lɛ.”

1 Mose 35:1

Nyɔŋmɔ kɛɛ Yakob akɛ, “Yaa Betel ni oyahi jɛi, ni oma afɔleshãa latɛ yɛ jɛi ohã Nyɔŋmɔ ni jie ehe kpo etsɔ̃ɔ bo be ni ojo onyɛmi Esau naa foi lɛ.”

1 Mose 35:7

Ema afɔleshãa latɛ yɛ jɛi, ni etsɛ jɛi El-Betel, ejaakɛ jɛi Nyɔŋmɔ jie ehe shi etsɔ̃ɔ lɛ yɛ, be ni ejo enyɛmi Esau naa foi lɛ.

1 Mose 4:4

Habel hu kɛ etoi lɛ akromɔbii ni ewo fɔ ba ekɛbashã afɔle. Yehowa hiɛ sɔ Habel kɛ efɔle lɛ;

1 Mose 7:2

Ŋɔɔ kooloi ni he tse lɛ fɛɛ ateŋ kpawokpawo, nuu kɛ yoo, kɛ kooloi ni he tseee lɛ enyɔɔnyɔɔnyɔ, nuu kɛ yoo,

1 Mose 7:3

kɛ loofɔji hu kpawokpawo, nuu kɛ yoo, ofata ohe koni akɛhere amɛshwiei fɛɛ ayiwala yɛ shikpɔŋ lɛ fɛɛ nɔ.

1 Mose 8:19

kooloi fɛɛ kɛ nii ni wamɔɔ fɛɛ kɛ loofɔji fɛɛ kɛ nɔ fɛɛ nɔ ni tsiɔ ehe yɛ shikpɔŋ lɛ nɔ je kpo yɛ adeka lɛ mli yɛ amɛwekui anaa.

Hiob 1:5

Kɛji aŋmɛ okplɔ̃ lɛ kɛbɔle bihii lɛ anɔ kɛkpe lɛ, Hiob teɔ shi daa leebi maŋkpa, ni eyashãa shãa afɔlei ehãa ebii lɛ ateŋ mɔ fɛɛ mɔ, yɛ amɛyibɔ naa koni akɛtsuu amɛhe. Ejaakɛ Hiob kɛɔ akɛ, “Benɛ mibihii lɛ ateŋ mɔ ko efee esha ko ni aleee, ni ekwa Nyɔŋmɔ yɛ etsuiŋ. Enɛ ji nɔ ni Hiob feɔ daa.”

2 Mose 10:25

Shi Mose kɛɛ Farao akɛ, “Ja ohã wɔna kooloi hu ni akɛshãa gbee afɔle kɛ shãa afɔlei wɔhiɛ wɔdɛ̃ ni wɔkɛyashã afɔle wɔhã Yehowa, wɔNyɔŋmɔ lɛ.

2 Mose 29:18

ni oma too ojwɛni muu lɛ fɛɛ naa la yɛ afɔleshãa latɛ lɛ nɔ. Eji afɔle ni akɛ la shãa ahãa mi, Yehowa; ni misumɔɔ eŋma lɛ.

2 Mose 29:25

Enɛ sɛɛ lɛ ohe nibii lɛ yɛ amɛdɛ̃ ni oma fɛɛ naa la yɛ afɔleshãa latɛ lɛ nɔ, ni oshã ofata shãa afɔle lɛ he akɛ afɔle ni akɛ la shãa ahãa mi, Yehowa; ni misumɔɔ eŋma lɛ.

4 Mose 7:21

tsina oblanyo kome kɛ too ojwɛni kome kɛ too gwantɛŋ binuu kome ni eye afi ni akɛ amɛ baashã shãa afɔle,

Romabii 12:1

No hewɔ lɛ, anyɛmimɛi, mikɛ Nyɔŋmɔ mlitsɔlɛ miikpa nyɛ fai akɛ nyɛŋɔ nyɛgbɔmɔtsei lɛ nyɛdamɔ shi akɛ afɔle ni hiɛ kã ni he tse ni sa Nyɔŋmɔ hiɛ; enɛ ji jamɔ ni sa.

Hebribii 13:10

Wɔyɛ afɔleshãa latɛ ko ni mɛi ni sɔ̃mɔɔ yɛ buu lɛ mli lɛ bɛ hegbɛ akɛ amɛyeɔ enɔ nii.

1 Petro 2:5

Ni nyɛ hu nyɛhãa atswaa nyɛ akɛ tɛi ni hiɛ kãmɔ afea mumɔŋ tsu ni afee nyɛ osɔfoi aweku krɔŋkrɔŋ, koni akɛshã mumɔŋ afɔlei ni sa Nyɔŋmɔ hiɛ yɛ Yesu Kristo hewɔ.

1 Petro 2:9

shi nyɛ lɛ, weku ni ahala ji nyɛ, osɔfoi, maŋtsɛmɛi, jeŋmaŋ krɔŋkrɔŋ, maŋ ni ekɛfee enɔ, koni nyɛjaje mɔ ni tsɛ nyɛ kɛjɛ duŋ lɛ mli kɛba lɛ diɛŋtsɛ enaakpɛɛ la lɛ he lɛ agbojee lɛ;