1 Mose 8:1 - ŊMALƐ KRƆŊKRƆŊ LƐ

¹ Kɛkɛ ni Nyɔŋmɔ kai Noa kɛ ŋaŋ kooloi lɛ kɛ shĩa kooloi lɛ fɛɛ ni kɛ lɛ yɔɔ adeka lɛ mli lɛ; ni Nyɔŋmɔ hã kɔɔyɔɔ ko batswa yɛ shikpɔŋ lɛ nɔ, ni nu lɛ bɔ̃i kpɔ̃ŋmɔ.

Ṅmãle̱ Kroṅkroṅ Le̱

¹ Ke̱ke̱ ni Nyoṅmo̱ kai Noa ke̱ koloi le̱ ke̱ šĩa koloi le̱ fẽ ní ke̱le̱ yo̱ adeka le̱ mli le̱, ni Nyoṅmo̱ bā kō̱yo̱ ko batſa ye̱ šikpoṅ le̱ no̱, ni nui le̱ bõi kpõṅmo̱.

1 Mose 8:1 ပူးပေါင်းရင်းမြစ်များ

1 Mose 19:29

No hewɔ lɛ, bɔ ni eba lɛ nɛ. Be ni Nyɔŋmɔ kpãtã maji ni yɔɔ jɔɔ shikpɔŋ lɛ nɔ lɛ ahiɛ lɛ, Nyɔŋmɔ kai Abraham ni ejie Lot kɛje hiɛkpãtãmɔ lɛ mli be ni ekpãtã maji ni Lot hi mli lɛ ahiɛ lɛ.

1 Mose 30:22

Kɛkɛ ni Nyɔŋmɔ kai Rahel; Nyɔŋmɔ bo esɔlemɔ toi, ni egbele emusu naa.

1 Mose 9:10

kɛ nɔ fɛɛ nɔ ni hiɛ kã ni kɛ nyɛ yɔɔ, ni ji loofɔji kɛ shĩaŋ kooloi kɛ kooloi fɛɛ ni fata nyɛhe yɛ shikpɔŋ lɛ nɔ lɛ, nɔ fɛɛ nɔ ni jɛ adeka lɛ mli lɛ.

Nehemia 13:14

MiNyɔŋmɔ, kaimɔ mi yɛ enɛ hewɔ, ni ohiɛ akakpa nitsumɔi kpakpai ni mitsu yɛ owe lɛ kɛ emli sɔ̃ɔmɔ ahe lɛ anɔ.

Nehemia 13:22

Kɛkɛ ni mifã Levibii lɛ akɛ amɛtsuu amɛhe koni amɛba amɛbabu agboi lɛ anaa, bɔ ni afee ni afee hejɔɔmɔ gbi lɛ krɔŋkrɔŋ. MiNyɔŋmɔ, kaimɔ mi yɛ enɛ hu hewɔ koni okɛ mihe eshai afa mi yɛ osuɔmɔ ni fa lɛ hewɔ.

Nehemia 13:29

MiNyɔŋmɔ, kaimɔ bɔ ni gbɔmɛi nɛɛ wo osɔfoyeli he muji ni amɛfite kpãŋmɔ ni okɛ osɔfoi lɛ kɛ Levibii lɛ ekpãŋ lɛ.

Nehemia 13:31

Ni mito gbɛjianɔ mihã be ni akɛ afɔleshãa lai kɛ klɛŋklɛŋ yelitso yibii aba. MiNyɔŋmɔ, kaimɔ mi ni ahi ahã mi.

Hiob 12:15

Kɛji etsi nunɛmɔ naa lɛ, fai miiɔ; ni kɛji eŋmɛɛ he lɛ fai yimɔɔ, ni amɛjeɔ ŋa kɛhaa shikpɔŋ lɛ nɔ.

Hiob 14:13

Mina ni kulɛ oŋɔ mi otee yɛ gbohiiaje, ni oŋɔ mi ohɔ shi kɛyashi beyinɔ ni omlifu lɛ aaaho, koni oto be ohã mi, ni okai mi.

Lalai 105:42

Ejaakɛ ekai eshiwoo krɔŋkrɔŋ, ni ewo etsulɔ Abraham lɛ.

Lalai 106:4

Oo Yehowa, kaimɔ mi kɛji ona omaŋ lɛ mɔbɔ. Kɛji oohere amɛyiwala lɛ, ye obua mi,

Lalai 115:12

Yehowa ekai wɔ, ni eeejɔɔ wɔ; Eeejɔɔ Israel we lɛ; eeejɔɔ Aaron we lɛ.

Lalai 132:1

Oo Yehowa, kaimɔ David kɛ amanehului fɛɛ ni ena lɛ:

Lalai 136:23

Lɛ ji mɔ ni ekai wɔ be ni wɔfee butuu lɛ; ejaakɛ naanɔ esuɔmɔ ni tsakeee lɛ hiɔ shi kɛyaa!

Lalai 137:7

Oo Yehowa, kaimɔ bɔ ni Edombii lɛ fee lɛ, gbi nɔ ni aŋɔ Yerusalɛm lɛ, bɔ ni amɛkɛɛ akɛ, “Nyɛkumɔa, nyɛkumɔa kɛyamɔa eshishitoo lɛ tɔ̃ɔ” lɛ!

Lalai 29:10

Yehowa ta nu afua nɔ eeye maŋtsɛ; Yehowa miiye maŋtsɛ kɛmiiya naanɔ.

Lalai 36:6

Ojalɛ nɔkwɔlɛ tamɔ gɔŋ, ni okojomɔ mlikwɔlɛ tamɔ ŋshɔ mli kwɔlɛ. Oo Yehowa, bo ohereɔ gbɔmɔ kɛ kooloo fɛɛ yiwala.

2 Mose 14:21

Mose kpã enine mli yɛ ŋshɔ lɛ nɔ, ni Yehowa hã bokã kɔɔyɔɔ ko ni naa wa batswa nakai nyɔɔŋ lɛ mli fɛɛ, ni ehã ŋshɔ lɛ gbala kɛtee sɛɛ, yɛ biɛ kɛ biɛ, ni emli gba enyɔ, ni eshi shikpɔŋ gbiŋ efɔ̃ shi yɛ eteŋ,

2 Mose 15:10

Ohã kɔɔyɔɔ tswa, ni ŋshɔ lɛ ha amɛnɔ; amɛshiu tamɔ sumui yɛ nu hamahama lɛ mli.

2 Mose 2:24

Nyɔŋmɔ nu amɛkɔmɔyeli lɛ, ni ekai kpãŋmɔ ni ekɛ Abraham kɛ Isak kɛ Yakob kpãŋ lɛ.

Abe̱i 25:23

Bɔ ni kooyigbɛ kɔɔyɔɔ kɛ nunɛmɔ baa lɛ, nakai nɔŋŋ mɔhewiemɔ kɛ hiɛtumɔ baa.

Yesaia 44:27

Lɛ ekɛɔ ŋshɔ akɛ, ‘Omli nu agbi, mibahã ofai lɛ hu amii?’

Yeremia 50:38

Nu enɛŋ, hewɔ lɛ fai fɛɛ baaŋala, ejaakɛ Babilon eyi tɔ kɛ amãgãi, ni amãgãi nɛɛ asɔ̃ɔmɔ eye amɛ sɛkɛ.

Amos 8:7

Yehowa, Israel Nyɔŋmɔ lɛ, ekã kitã akɛ; “Anɔkwa, mihiɛ kpaŋ amɛnifeemɔnii lɛ eko nɔ kɔkɔɔkɔ.

Yona 4:11

Mɛɛba esaaa akɛ mi lɛ Nineve sane adɔ mi, maŋ kpeteŋkple nɛkɛ kɛ emli gbɔmɛi fe akpei oha kɛ nyɔŋmai enyɔ ni efeko efɔŋ ko kɛ emli toi kɛ tsinai babaoo hu lɛ?”

Nahum 1:4

Eŋãa ŋshɔ yi, ni emiɔ; ehãa fai fɛɛ miɔ. Bashan kɛ Karmel gɔji lɛ anɔ ŋãlãa, ni Lebanon ŋã floŋŋ lɛ hu ŋãlãa.

Habakuk 3:2

“Ao Yehowa, minu nii ni otsu lɛ he, ni miishe gbeyei. Yehowa, tsu onitsumɔi wuji lɛ ekoŋŋ yɛ wɔyinɔ nɛɛ hu nɔ. Hã ale yɛ afii nɛɛ amli nɔŋŋ. Omlifu mli tete lɛ, hã omusuŋ atsɔ̃ bo!

Zakaria 10:11

Amɛbaafo amanehulu ŋshɔ lɛ, mahã ŋshɔkei lɛ aŋmɛ dɛŋŋ. Nilo Faa lɛ fɛɛ kwa baagbi. Abaaba Asiria hetsɛmɔ lɛ shi, ni Ijipt hewalɛ lɛ sɛɛ baafo.

4 Mose 10:9

Kɛji nyɛkɛ henyɛlɔ ko ni gbaa nyɛnaa miiwu yɛ nyɛshikpɔŋ nɔ lɛ, nyɛkpãa tɛtɛrɛmantɛrɛi lɛ kɛbɔa oshe; ni mi, Yehowa, nyɛNyɔŋmɔ lɛ, mibaye mabua nyɛ, ni mibahere nyɛyiwala yɛ nyɛhenyɛlɔi lɛ adɛŋ.

4 Mose 22:32

Yehowa bɔfo lɛ kɛɛ Balaam akɛ, “Mɛɛ hewɔ ni oyi oteji lɛ shii etɛ̃ sɔŋŋ nɛɛ? Naa, miba koni mibasa onaa, ejaakɛ nyiɛmɔ nɔ ni onyiɛ nɛɛ ejaaa yɛ mihiɛ.

Kpojiemɔ 16:19

Ni maŋ kpeteŋkple lɛ mli gbala etɛ̃, ni jeŋmaji lɛ amaji lɛ fɛɛ wule, ni akai Babilon kpeteŋkple lɛ yɛ Nyɔŋmɔ hiɛ, koni akɛ emlifu ni naa wa lɛ dãa kpulu lɛ ahã lɛ.

Kpojiemɔ 18:5

Ejaakɛ ehe eshai lɛ anɔ ekwɔ kɛshɛ ŋwɛi tɔ̃ɔ, ni Nyɔŋmɔ ekai enifɔɔji anii lɛ.

1 Samuel 1:19

Enɔ jetsɛremɔ lɛ Elkana kɛ eŋãmɛi lɛ kɛ ebii lɛ te shi leebi maŋkpa, be ni amɛtee amɛyaja Yehowa sɛɛ lɛ amɛku amɛsɛɛ kɛtee Rama. Elkana kɛ eŋa Hana yawɔ, ni Yehowa mɔbɔnalɛ naa lɛ,