1 Mose 7:11 - ŊMALƐ KRƆŊKRƆŊ LƐ

¹¹ Noa wala be mli afi ni ji ohai ekpaa lɛ mli, yɛ nyɔŋ ni ji enyɔ lɛ nɔ gbi ni ji nyɔŋma kɛ kpawo lɛ nɔ, ni bu wulu kwɔŋkwɔŋ lɛ hiŋmɛii fɛɛ fɛlɛ, ni agbele ŋwɛi samfɛji lɛ;

Ṅmãle̱ Kroṅkroṅ Le̱

¹¹ Noa wala be mli afi ni dši afi ohai-ekpa le̱ mli, ye̱ nyõṅ ní dši enyo̱ le̱ no̱ gbĩ ni dši gbĩ nyoṅma ke̱ kpawo le̱ no̱, nakai gbĩ le̱ no̱ noṅṅ ni bu wulu kwo̱ṅ-kwo̱ṅ le̱ hĩṅme̱ii fẽ fle̱, ni agble ṅwei samfe̱dši le̱;

1 Mose 7:11 ပူးပေါင်းရင်းမြစ်များ

1 Mose 1:7

No hewɔ lɛ, Nyɔŋmɔ fee atatu lɛ ni eja nu lɛ mli enyɔ koni ana nu yɛ atatu lɛ shishi ni ana nu yɛ atatu lɛ yiteŋ; ni eba mli nakai.

1 Mose 6:17

Ejaakɛ naa, mahã nu afua aha shikpɔŋ lɛ nɔ koni akɛkpãtã nɔ fɛɛ nɔ ni wala mumɔ yɔɔ mli lɛ hiɛ yɛ ŋwɛishishi nɛɛ, ni nɔ fɛɛ nɔ ni yɔɔ shikpɔŋ lɛ nɔ lɛ hiɛ aaakpãtã.

1 Mose 7:6

Noa eye afii ohai ekpaa be ni nu afua lɛ ba shikpɔŋ lɛ nɔ lɛ.

1 Mose 8:14

Nyɔŋ ni ji enyɔ lɛ nɔ gbi ni ji nyɔŋmai enyɔ kɛ kpawo lɛ nɔ lɛ, shikpɔŋ lɛ nɔ gbi kwraa.

1 Mose 8:2

Aŋamɔ nu ni tueɔ kɛjɛ shikpɔŋ lɛ kɛ ŋwɛi samfɛji lɛ anaa; ni nu ni tueɔ kɛjɛɔ ŋwɛi lɛ kpa.

2 Maŋtsɛmɛi 7:19

nakai asafoiatsɛ lɛ ji mɔ ni here Nyɔŋmɔ gbɔmɔ lɛ nɔ akɛ, “Kɛji Yehowa aaagbele samfɛji yɛ ŋwɛi po, ni ŋmãa aaanɛ kɛaajɛ ŋwɛi ashwie shi lɛ, ani wiemɔ nɛɛ aaaba mli lo?” lɛ. Ni Elisha kɛɛ lɛ akɛ, “Naa, bo diɛŋtsɛ ooona kɛ ohiŋmɛii, shi oyeŋ eko kɔkɔɔkɔ lɛ.”

2 Maŋtsɛmɛi 7:2

Kɛkɛ ni asafoiatsɛ lɛ ni maŋtsɛ lɛ kpasaa enine lɛ here Nyɔŋmɔ gbɔmɔ lɛ nɔ ni ekɛɛ Elisha akɛ, “Naa, kɛji Yehowa aaagbele samfɛji yɛ ŋwɛi po ni ŋmãa aaanɛ kɛaajɛ ŋwɛi ashwie shi lɛ, ani wiemɔ nɛɛ aaaba mli lo?” Ni Elisha kɛɛ, “Na ooona kɛ bo diɛŋtsɛ ohiŋmɛi, shi oyeŋ eko kɔkɔɔkɔ.”

Hiob 12:15

Kɛji etsi nunɛmɔ naa lɛ, fai miiɔ; ni kɛji eŋmɛɛ he lɛ fai yimɔɔ, ni amɛjeɔ ŋa kɛhaa shikpɔŋ lɛ nɔ.

Hiob 28:4

Mɛi yatsaa shika bui yɛ hei ni gbɔmɔ bɛ. Gbɛfalɔi ahiɛ kpaa amɛnɔ; amɛtsotsoroɔ kpãa naa kɛyaa kɛbaa yɛ shika bui lɛ amli.

Hiob 38:16

Aso oshɛ he ni ŋshɔ jɛɔ lɛ pɛŋ; ni oshara shi kɛnyiɛ ŋshɔ shishi dã?

Hiob 38:37

Namɔ yɔɔ nilee ni ekɛbaanyɛ atatui lɛ ekane? Aloo ebaanyɛ ekpoo amɛnaa shi koni amɛnɛ nu

Lalai 33:7

Ebua ŋshɔ mli nu fɛɛ naa, efee lɛ bibioo tamɔ tɔ mli nii; ni shikpɔŋ lɛ shishi bu kwɔŋkwɔŋ lɛ mli nu babaoo lɛ, etsi naa eto nitoohe.

Lalai 74:15

Ohã nuhiŋmɛii kɛ faa niji tue; ni ohã faa ni hoɔ daa lɛ ŋala.

Abe̱i 3:20

Enilee naa hãa fai tueɔ, ni ehãa atatui lɛ nyɔɔ bɔ shwieɔ shi.

Yesaia 24:18

Mɔ ni baajo foi kɛji anu gbeyei sane lɛ, ebaagbee bu lɛ mli; ni mɔ ni baakwɔ kɛje kpo yɛ bu lɛ mli lɛ, ebaadu tsɔne; ejaakɛ aaagbele ŋwɛi samfɛji lɛ, ni shikpɔŋ lɛ shishitoo lɛ aaahoso.

Yesaia 24:19

Shikpɔŋ lɛ ewule, shikpɔŋ lɛ egbala, shikpɔŋ lɛ ehoso waa diɛŋtsɛ.

Yeremia 5:22

Ani nyɛsheee mi gbeyei; nyɛhe kpokpooo yɛ mi, mihiɛ? Mi, ni mikɛ shia fo husu mikɛsa ŋshɔ naa, naanɔ husu ko ni ŋshɔ nyɛŋ eteke kɔkɔɔkɔ, husu ko ni bɔ fɛɛ bɔ ni ŋshɔkei aaashimɔ lɛ ahã lɛ, amɛnyɛŋ amɛwule lɛ, ni bɔ fɛɛ bɔ ni ŋshɔ aaafee hamahama ahã lɛ enyɛŋ lɛ eteke lɛ?

Yeremia 51:16

Kɛji ewo egbee lɛ, nu ni yɔɔ ŋwɛi shimɔɔ, ni ehãa afua teteɔ shi kɛjɛɔ shikpɔŋ lɛ naagbeehei fɛɛ. Ehãa srawa gbalaa yɛ nunɛmɔ mli, ni ehãa ahum fãa kɛjɛɔ he ni eto amɛ yɛ.

Ezekiel 26:19

“Bɔ ni Nuŋtsɔ Yehowa kɛɔ nɛ, kɛji mifee omaŋ lɛ amaŋfɔ̃, tamɔ maji ni gbɔmɛi bɛ mli lɛ eko, kɛji mihã ŋshɔŋ bu kwɔŋkwɔŋ lɛ baha onɔ, ni nu babaoo tsimɔ onɔ lɛ,

Maleaki 3:10

Nyɛkɛ mlijaa nyɔŋma mli ekomekome lɛ fɛɛ abaa nitoohe lɛ koni niyenii ahi miwe lɛ! Nyɛkɛ enɛ akaa mi nyɛkwɛa akɛ migbeleŋ ŋwɛi samfɛji lɛ, ni mifɔseŋ jɔɔmɔ mishwieŋ nyɛnɔ ni ateke nɔ lo?

Mateo 24:38

Ejaakɛ bɔ ni eyɔɔ yɛ gbii ni nyiɛ nu afua lɛ hiɛ lɛ amli, ni mɛi lɛ hiɛ niyeli kɛ ninumɔ kɛ yooŋɔɔ kɛ gbãlãhamɔ mli aahu kɛyashi gbi ni Noa yabote adeka lɛ mli,

1 Tesalonikabii 5:3

Ejaakɛ be mli ni amɛaakɛɛ akɛ, “Wɔyɛ hejɔlɛ ni wɔyɛ shweshweeshwe!” lɛ, no mli nɔŋŋ hiɛkpãtãmɔ aaabatua amɛ trukaa, tamɔ kɔ̃ɔmɔ tuaa yoo ni hiɛ musu lɛ, ni amɛjeŋ mli kɔkɔɔkɔ.

2 Petro 3:6

no nɔŋŋ nɔ etsɔ̃ ni nu ŋɔ je ni yɔɔ no be lɛ mli lɛ ni ehiɛ kpãtã lɛ.