1 Mose 6:5 - ŊMALƐ KRƆŊKRƆŊ LƐ

⁵ Be ni Yehowa na akɛ gbɔmɛi anɔfɔŋfeemɔ lɛ efa tsɔ yɛ shikpɔŋ lɛ nɔ, ni nibii ni amɛsusuɔ yɛ amɛyiŋ daa nɛɛ lɛ efɔŋ sɔŋŋ ni lɛ,

Ṅmãle̱ Kroṅkroṅ Le̱

⁵ Ni Iehowa na ake̱ gbomei anõfõṅfemo̱ fá ye̱ šikpoṅ le̱ no̱, ni *ame̱tšuiṅ susumo̱i adſẽṅmo̱ fẽ le̱ efõṅ ke̱ke̱ dši dāne̱. *8,21.

1 Mose 6:5 ပူးပေါင်းရင်းမြစ်များ

1 Mose 13:13

Shi Sodombii lɛ yiwalɔi ji amɛ, ni amɛfeɔ esha amɛshiɔ Yehowa.

1 Mose 8:21

Be ni Yehowa here afɔle lɛ ŋma jurɔ lɛ, ekɛɛ ehe akɛ, “Milomɔŋ shikpɔŋ lɛ yɛ gbɔmɔ hewɔ dɔŋŋ, ejaakɛ nii ni gbɔmɔ jwɛŋɔ yɛ eyiŋ lɛ efɔŋ ni kɛjɛ egbekɛbiiashi; ni asaŋ mikpãtãŋ nɔ fɛɛ nɔ ni hiɛ kã hiɛ dɔŋŋ, tamɔ bɔ ni mifee nɛɛ.

Hiob 15:16

Te aaafee tɛŋŋ mɔ, ni mɔ ni feɔ musubɔɔnii, asaŋ ni efite adesa ni nifɔɔjianiifeemɔ ji enu ni enuɔ lɛ, ekɛ ehe aaafɔ̃ enɔ lɛ?

Hiob 22:15

Ani obaaba blema jeŋba gbonyo ni yiwalɔi lɛ ba lɛ eko?

Lalai 53:2

Nyɔŋmɔ jɛɔ ŋwɛi ekwɛɔ gbɔmɛi abii, akɛ eeena mɛi komɛi ni le nii, mɛi ni taoɔ Nyɔŋmɔ sɛɛgbɛ lo?

Abe̱i 6:18

Tsui ni shwieɔ yiŋ fɔŋ, naji ni he yɔɔ oya kɛ efɔŋfeemɔ.

Jajelɔ 7:29

Naa, nɔ ni kɛkɛ ni mina ji akɛ Nyɔŋmɔ bɔ gbɔmɔ adesa koni ehi shi krɔŋŋ; shi gbɔmɔ adesa ni eto ŋai srɔtoi.

Jajelɔ 9:3

Nɔ ko ni ejaaa yɛ nii fɛɛ ni afeɔ yɛ je nɛɛŋ ji akɛ mɛi fɛɛ anaagbee afee ekome. Gbɔmɛi atsuiiaŋ eyimɔ obɔ̃bɔ̃ kɛ efɔŋ kɛ sɛkɛyeli nifeemɔi, beiaŋ ni amɛyɔɔ walaŋ, shi no sɛɛ lɛ amɛgboiɔ, ni amɛyaa gbohiiaje.

Yeremia 17:9

Tsui yɔɔ nɛɛ elakaa mɔ fe nɔ fɛɛ nɔ; efite kwraa. Namɔ aaanu lɛ shishi?

Yeremia 4:14

Ao! Yerusalɛm, fɔ otsuiŋ nishaianii lɛ oshwie, bɔ ni afee ni ahere oyiwala. Mɛɛ beyinɔ nɔŋŋ po susumɔ fɔ̃ji aaahi oyiŋ kɛyashi?

Ezekiel 8:12

Agbɛnɛ ekɛɛ mi akɛ, “Gbɔmɔ Adesa, oona nɔ ni Israel we lɛ onukpai lɛ feɔ yɛ dujiaŋ akɛ mɔ fɛɛ mɔ miija amãgãi yɛ esɛɛtsu mli lo? Nɔ ni amɛkɛɔ ji akɛ, ‘Yehowa enaaa wɔ. Yehowa ekwa shikpɔŋ lɛ.’ ”

Ezekiel 8:9

Ekɛɛ mi akɛ, “Botemɔ mli ni oyakwɛ nɔ musubɔɔnii ni amɛfeɔ yɛ biɛ.”

Mateo 15:19

Ejaakɛ tsui mli ni susumɔi fɔ̃ji, gbɔmɔgbee, gbãlãfitemɔ, ajwamãŋbɔɔ, juu, amale odaseyeli kɛ oshekuyeli jɛɔ.

Mateo 24:37

Shi bɔ ni Noa gbii lɛ fee lɛ, nakai Gbɔmɔ Bi lɛ baa lɛ hu aaatamɔ.

Luka 17:26

Ni bɔ ni eba yɛ Noa gbii lɛ amli lɛ nakai nɔŋŋ ebaaba yɛ Gbɔmɔ Bi lɛ gbii lɛ amli hu;

5 Mose 29:19

Nɛkɛ gbɔmɔ baahã ehe tsui kɛji enu kitã ni ji kpãŋmɔ nɛɛ mli wiemɔi lɛ, ni ebaakɛɛ ehe akɛ, ‘Mikpliŋ mitsui kɛmiifee nɔ ni mi misumɔɔ moŋ nɛ, kɛ̃lɛ mibaye mihe.’ Enɛ baahã mɔ kpakpa kɛ mɔ fɔŋ hu fɛɛ hiɛ akpãtã.

Tito 3:3

Ejaakɛ sa lɛ, wɔ hu wɔfee wɔhe kwashiai, toigbolɔi, gbɛdulɔi, mɛi ni sɔmɔɔ akɔnɔi kɛ miishɛɛ nibii srɔtoi pii. Ni wɔba wɔjeŋ yɛ nifɔɔjianifeemɔ kɛ hetsɛ̃ mli, wɔhe yɛ taŋ, ni wɔnyɛnyɛɔ wɔhe.

1 Petro 3:20

Amɛ mɛi ni blema lɛ amɛbooo toi, be ni Nyɔŋmɔ ŋmɛ etsui shi ni emɛ amɛ aahu yɛ Noa bei lɛ amli, be ni afeɔ adeka kpeteŋkple lɛ, nɔ mli ni ahere mɛi fioo ni ji mɛi kpaanyɔ lɛ asusumai ayiwala yɛ kɛtsɔ̃ nu mli lɛ,