1 Mose 6:2 - ŊMALƐ KRƆŊKRƆŊ LƐ

² Nyɔŋmɔ gbɔmɛi lɛ yana akɛ gbɔmɛi abiyei lɛ ahe yɛ fɛo, ni amɛŋɔŋɔɔ amɛteŋ yei fɛɛ ni amɛsumɔɔ.

Ṅmãle̱ Kroṅkroṅ Le̱

² Nyoṅmo̱ bihĩĩ le̱ yana ake̱ gbomei abiyei le̱ ahe ye̱ fe̱o, ni ame̱w̌e̱w̌rē̱ ame̱teaṅ yei fẽ ni ame̱sumoo̱. Mat. 24,38.

1 Mose 6:2 ပူးပေါင်းရင်းမြစ်များ

1 Mose 12:11

Be ni eshwɛ fioo ni ebaashɛ Ijipt lɛ, ekɛɛ eŋa Sarai akɛ, “Mile akɛ yoo ni he yɔɔ fɛo ji bo, ni kɛ ana bo lɛ, ohe yɛ fɛo;

1 Mose 24:3

koni mahã okã Yehowa, ŋwɛi Nyɔŋmɔ kɛ shikpɔŋ Nyɔŋmɔ lɛ, kitã akɛ oŋɔŋ Kanaanbii ni miyɔɔ amɛteŋ nɛɛ abiyei lɛ eko akɛ ŋa ohaŋ mibi Isak;

1 Mose 26:35

Ni yei nɛɛ ahe sane lɛ fee Isak kɛ Rebeka dɔlɛ waa diɛŋtsɛ.

1 Mose 27:46

Kɛkɛ ni Rebeka kɛɛ Isak akɛ, “Esau ŋamɛi Hityei lɛ ehã mijeŋshihilɛ eje mitsine. Kɛji Yakob hu aaaŋɔ shikpɔŋ nɛɛ nɔ Hityei nɛɛ eko akɛ eŋa tamɔ mɛnɛɛmɛi lɛ, no lɛ faŋ nɔ ni migbo moŋ.”

1 Mose 3:6

No hewɔ lɛ be ni yoo lɛ na akɛ tso lɛ hi hã yeli ni efeɔ hiŋmɛi akɔnɔ ni tso lɛ baa mɔ tsine ni ehãa mɔ leɔ nii lɛ, etse enɔ yibii lɛ eko ni eye ni ehã ewu lɛ ni kɛ lɛ yɔɔ lɛ hu eko ni eye.

1 Mose 4:26

Set hu fɔ binuu, ni ewo lɛ gbɛi akɛ Enosh. Nakai be lɛ mli gbɔmɛi bɔi Yehowa gbɛi tsɛmɔ kɛ lɛ jamɔ.

1 Mose 6:1

Be ni gbɔmɛi bɔ̃i fɛomɔ yɛ shikpɔŋ lɛ nɔ ni afɔfɔɔ biyei ahã amɛ lɛ,

1 Mose 6:3

Kɛkɛ ni Yehowa kɛɛ akɛ, “Mimumɔ lɛ nyɛŋ ahi gbɔmɔ mli kɛya naanɔ, ejaakɛ heloo ji gbɔmɔ ni ebaagbo ni afii abɔ ni ebaaye ji afii oha kɛ nyɔŋmai enyɔ.”

2 Samuel 11:2

Gbi ko gbɛkɛnaashi blɛoo mli lɛ, David ete shi kɛjɛ wɔ mli, ni eeshara shi yɛ maŋtsɛ we lɛ tsu lɛ yiteŋ, ni ejɛ jɛi ni ena yoo ko ni miiju ehe. Kɛji okwɛ yoo nɛɛ lɛ ehe yɛ fɛo jogbaŋŋ naakpa.

Ezra 9:12

Enɛ hewɔ lɛ, ogbalɔi lɛ kɛɛ wɔ akɛ wɔkɛ wɔbiyei akahã shikpɔji lɛ anɔ bii agbãla; ni asaŋ, wɔkaŋɔ amɛbiyei wɔhã wɔbihii. Gbalɔi lɛ kɛɛ wɔ akɛ wɔkatao hejɔlɛ loo shweremɔ wɔhã shikpɔŋ lɛ nɔ bii lɛ gbi ko gbi ko. Amɛkɛɛ wɔfee nakai bɔ ni afee ni wɔhe awa ni wɔye shikpɔŋ lɛ nɔ nii kpakpai lɛ ni wɔshi wɔhã wɔbii akɛ gboshinii kɛya naanɔ.

Hiob 1:6

Be ko lɛ ŋwɛi bɔfoi lɛ ni sɔmɔɔ Nyɔŋmɔ yɛ ŋwɛi lɛ tee Nyɔŋmɔ hiɛ. Abonsam futu amɛ kɛtee, ni lɛ hu eyadamɔ Nyɔŋmɔ hiɛ eko.

Hiob 31:1

Mikã mihiŋmɛi kitã ni no hewɔ lɛ, te aaafee tɛŋŋ mahã oblayoo foro he afee mi akɔnɔ hu?

2 Mose 34:16

Nakai nɔŋŋ eeehã nyɛyaŋɔŋɔɔ amɛbiyei akɛ ŋamɛi nyɛhã nyɛbihii, ni kɛji amɛbiyei lɛ tee amɛnyɔŋmɔi lɛ jamɔ lɛ, nyɛbihii lɛ aaanyiɛ amɛŋamɛi lɛ asɛɛ amɛje misɛɛ, ni amɛaayaja ŋamɛi lɛ asɛɛ nyɔŋmɔi lɛ.

Yesaia 63:16

Ejaakɛ bo nɔŋŋ ji wɔtsɛ, tsɛbelɛ Abraham leee wɔ, ni Israel hu eŋɔɔɔ wɔ akɛ bii; shi bo Yehowa lɛ bo nɔŋŋ ji wɔtsɛ kɛ wɔkpɔ̃lɔ kɛjɛ blema beebe ejaakɛ nakai ji ogbɛi.

Maleaki 2:11

Yuda yeee Nyɔŋmɔ anɔkwa, ni musubɔɔ nibii sɔŋŋ kɛkɛ afeɔ yɛ Israel kɛ Yerusalɛm. Yuda ebule Yehowa Sɔlemɔ we lɛ ni esumɔɔ lɛ. Yudahii lɛ eyaŋɔŋɔɔ ŋamɛi ni jaa maŋsɛɛ wɔji.

Maleaki 2:15

Aso jeee Nyɔŋmɔ kome lɛ ji mɔ ni bɔ wala, asaŋ ni lɛ nɔŋŋ ebaa wala mumɔ lɛ yi ehã wɔ lɛ lo? Ni mɛni etaoɔ yɛ wɔdɛŋ mɔ? Eekwɛ gbɛ akɛ nyɛbaafɔ bii ni baatsɔ̃mɔ Nyɔŋmɔ webii anɔkwale mli. No hewɔ lɛ, nyɛkwɛa ni ahia koni shi ni nyɛwo nyɛblahiiaŋ ŋamɛi lɛ nyɛkaku mli kɛtsɔ̃ anɔkwa ni nyɛyeee nɔ.

1 Korintobii 7:39

Yoo lɛ, gbii abɔ ni ewu hiɛ kã nɛɛ, akɛ mla efi lɛ; shi kɛji ewu lɛ gbo lɛ, eyɛ hegbɛ akɛ egbã mɔ ni esumɔɔ; shi belɛ afee yɛ Nuŋtsɔ lɛ mli.

2 Korintobii 6:18

Ni matsɔ̃ nyɛtsɛ, ni nyɛ hu nyɛaatsɔ̃mɔ mibihii kɛ mibiyei,” Yehowa, Ofe lɛ, kɛɛ.

5 Mose 14:1

“Yehowa, nyɛNyɔŋmɔ lɛ, bii ji nyɛ. No hewɔ lɛ, kɛji nyɛmiiye mɔ ko ni egbo he ŋkɔmɔ lɛ, nyɛkafolɔa nyɛhe gbɛ̃i, ni nyɛkashɛa nyɛhiɛnaa yɛ gbonyo lɛ hewɔ.

2 Petro 2:14

Amɛyɛ hiŋmɛii ni eyimɔ obɔ̃bɔ̃ kɛ gbãlãfitemɔ ni kpaaa eshafeemɔ. Amɛlakaa susumai ni nane mɔko shi lɛ. Amɛyɛ tsui ni he esa kɛ hiɛjoomɔ; loomɔbii ni.

1 Yohane 2:16

ejaakɛ nɔ fɛɛ nɔ ni yɔɔ je lɛ mli lɛ — heloo lɛ sɛɛdiinii lɛ kɛ hiŋmɛii lɛ asɛɛdiinii lɛ kɛ shihilɛ mli hewoo lɛ — ejɛɛɛ Tsɛ lɛ mli, shi moŋ je lɛ mli ejɛ.