1 Mose 6:17 - ŊMALƐ KRƆŊKRƆŊ LƐ

¹⁷ Ejaakɛ naa, mahã nu afua aha shikpɔŋ lɛ nɔ koni akɛkpãtã nɔ fɛɛ nɔ ni wala mumɔ yɔɔ mli lɛ hiɛ yɛ ŋwɛishishi nɛɛ, ni nɔ fɛɛ nɔ ni yɔɔ shikpɔŋ lɛ nɔ lɛ hiɛ aaakpãtã.

Ṅmãle̱ Kroṅkroṅ Le̱

¹⁷ Ši mi le̱, na, mike̱ nu afua mība šikpoṅ le̱ no̱, koni mike̱-kpãtã helo fẽ ní wala mumo̱ yo̱ mli le̱ hĩe ke̱-dše̱ ṅwei šiši; nofẽno ni yo̱ šikpoṅ le̱ no̱ aaplenē.

1 Mose 6:17 ပူးပေါင်းရင်းမြစ်များ

1 Mose 2:7

Kɛkɛ ni Nuŋtsɔ Nyɔŋmɔ kɛ shikpɔŋ sũ shɔ̃ gbɔmɔ, ni emu wala mumɔ ewo egugɔ mli, ni gbɔmɔ tsɔ bɔɔnɔ ni hiɛ kã.

1 Mose 6:13

No hewɔ lɛ, Nyɔŋmɔ kɛɛ Noa akɛ, “Mito miyiŋ akɛ makpãtã heloo fɛɛ hiɛ, ejaakɛ amɛhã shikpɔŋ lɛ nɔ eyi obɔ̃ tɔ kɛ awuiyeli. Naa, mibakpãtã amɛ kɛ shikpɔŋ lɛ fɛɛ hiɛ.

1 Mose 6:16

Hɛhɛmɔ adeka lɛ ni oha ekpa nu ninetalɔ kome yɛ ekoji anɔ. Haa adeka lɛ yiteŋ. Feemɔ shinaa yɛ adeka lɛ he. Feemɔ adeka lɛ sɔɔdoi etɛ̃: shishi nɔ, kɛ nɔ ni ji enyɔ kɛ nɔ ni ji etɛ̃.

1 Mose 6:7

No hewɔ lɛ, Yehowa kɛɛ akɛ, “Makpãtã gbɔmɔ ni mibɔ lɛ lɛ hiɛ kɛje shikpɔŋ lɛ nɔ kɛjɛ gbɔmɔ nɔ aahu kɛyashi kooloi kɛ nii ni wamɔɔ kɛ loofɔji anɔ ejaakɛ shi edɔ mi akɛ mibɔ amɛ.”

1 Mose 7:15

Bɔɔnii fɛɛ ni wala yɔɔ amɛmli lɛ ateŋ enyɔɔnyɔɔnyɔ kɛ Noa tee adeka lɛ mli.

1 Mose 7:17

Nu afua lɛ damɔ shikpɔŋ lɛ nɔ gbii nyɔŋmai ejwɛ. Nu lɛ fa, ni ewo adeka lɛ nɔ, ni adeka lɛ shi shikpɔŋ.

1 Mose 7:4

Shi eshwɛ gbii kpawo ni mahã nu aba abanɛ yɛ shikpɔŋ lɛ nɔ shwaneshwane kɛ nyɔɔŋnyɔɔŋ fɛɛ gbii nyɔŋmai ejwɛ, ni makpãtã nɔ fɛɛ nɔ ni hiɛ kã ni mibɔ lɛ hiɛ yɛ shikpɔŋ lɛ nɔ.”

1 Mose 9:9

“Naa, mikɛ mikpãŋmɔ miima shi mahã nyɛ kɛ nyɛshwiei ni aaaba yɛ nyɛsɛɛ lɛ,

Hiob 22:16

Mɛi ni ashara amɛ kɛtee dani eshɛ amɛbe, ni afɔ amɛshishitoo ashwie kɛ nu?

Lalai 107:34

Ehãa shikpɔŋ ni baa nii tsɔ̃ɔ ŋoo shikpɔŋ yɛ mɛi ni hiɔ jɛi lɛ anifeemɔnii hewɔ.

Lalai 29:10

Yehowa ta nu afua nɔ eeye maŋtsɛ; Yehowa miiye maŋtsɛ kɛmiiya naanɔ.

2 Mose 14:17

Mahã Ijiptbii lɛ akpliŋ amɛtsui koni amɛnyiɛ Israelbii lɛ asɛɛ, ni maye Farao kɛ eta shwiilii kɛ ekpɔŋɔnɔtalɔi lɛ fɛɛ anɔ kunim.

Yesaia 51:12

Yehowa miikɛɛ akɛ, “Mi mishɛjeɔ nyɛmii! Mɛɛba osheɔ adesa ni baagbo, adesa ni etamɔ jwɛi gbeyei,

Yesaia 54:9

“Be nɛɛ tamɔ Noa be lɛ ha mi. Bɔ ni mikã kitã akɛ Noa be lɛ mli nu afua lɛ ebahaŋ shikpɔŋ lɛ nɔ dɔŋŋ lɛ, nakai mikãa kitã akɛ mimli fuŋ bo, ni mikaŋ ohiɛ.

Ezekiel 34:11

Bɔ ni Nuŋtsɔ Yehowa kɛɔ nɛ, “Naa, mi, mi diɛŋtsɛ madi mitoi lɛ asɛɛ ni matao amɛsɛɛgbɛ.

Ezekiel 34:20

“No hewɔ lɛ, bɔ ni Nuŋtsɔ Yehowa kɛɔ amɛ nɛ, naa, Mi, mi diɛŋtsɛ mibakojo too ni ewo fɔ kɛ too ni etã loo lɛ teŋ.

Ezekiel 5:8

hewɔ lɛ, bɔ ni Nuŋtsɔ Yehowa kɛɔ nɛ, Naa, mi, mi diɛŋtsɛ mikɛ bo ena, mi magbala otoi yɛ majimaji lɛ ahiɛ.

Ezekiel 6:3

Nyɛ Israel gɔji, nyɛboa Nuŋtsɔ Nyɔŋmɔ wiemɔ toi. Nɔ ni Nuŋtsɔ Nyɔŋmɔ kɛɔ gɔji kɛ gɔŋkpɔi kɛ nujɔi kɛ jɔi voovoi lɛ nɛ. Naa, mi diɛŋtsɛ mafã klante mawo nyɛ, ni mafite nyɛjamɔhei grɔŋgrɔŋŋ lɛ.

Hosea 5:14

Mibahuru tamɔ jata mayi Israel kɛ Yuda hu nɔ, ni mi diɛŋtsɛ mibatserɛ amɛmli, kɛkɛ lɛ mishi amɛ mitee. Mashãtã amɛ kɛya ni mɔ ko mɔ ko nyɛŋ amɛyiwala ehere.

3 Mose 26:28

no lɛ mi hu mate shi mawo nyɛ kɛ mlila, ni magbala nyɛtoi shii kpawo fe tsutsu lɛ yɛ nyɛtɔ̃mɔi lɛ ahewɔ.

Amos 9:6

mɔ ni ŋwɛiniiaŋ ji he ni epiai yɔɔ, ni ekɛ ŋwɛi ebu shikpɔŋ lɛ nɔ, ni etsɛɔ ŋshɔŋ nu lɛ kɛyaa ŋwɛi, ni efɔseɔ eshwieɔ shikpɔŋ lɛ nɔ lɛ, Egbɛi ji Yehowa!

Mateo 24:39

ni amɛleee kɛyashi nu afua lɛ baloo amɛ fɛɛ kɛtee lɛ, nakai nɔŋŋ Gbɔmɔ Bi lɛ baa lɛ aaatamɔ.

Luka 17:27

amɛmiiyeyee nii, amɛmiinunuu dãi, amɛmiiŋɔŋɔɔ yei, ni akɛ yei miihãhãa gbãlã kɛyaashi gbi nɔ ni Noa bote adeka lɛ mli ni nu afua lɛ ba ni ebakpãtã amɛ fɛɛ kwa amɛhiɛ lɛ.

Romabii 5:21

koni bɔ nɔŋŋ ni esha lɛ ye maŋtsɛ yɛ gbele mli lɛ, nakai nɔŋŋ dromɔ lɛ atsɔ̃ jalɛ nɔ aye maŋtsɛ kɛya naanɔ wala mli yɛ Yesu Kristo, wɔNuŋtsɔ lɛ, hewɔ.

Romabii 6:23

Ejaakɛ esha dɛŋ nyɔmɔwoo lɛ gbele ni; shi Nyɔŋmɔ dromɔ keenɔ lɛ naanɔ walaŋ yɛ Yesu Kristo, wɔNuŋtsɔ lɛ, mli.

5 Mose 32:39

“‘Te nyɛna akɛ Mi nɔŋŋ ji Mi, ni misɛɛ lɛ nyɔŋmɔ ko bɛ dɔŋŋ? Migbeɔ, ni mihãa wala, mipilaa mɔ, ni mitsaa mɔ, ejaakɛ mɔ ko nyɛɛɛ nɔ ko ashɔ̃ yɛ mi midɛŋ.

Hebribii 11:7

Hemɔkɛyeli Noa hu kɛbo Nyɔŋmɔ toi be ni ehã ele nii ni anako lɛ he nɔ ko lɛ, ni ekɛkpɛ adeka ehã ewe lɛ yiwalaheremɔ lɛ; no nɔ hu etsɔ̃ ebu je lɛ fɔ, ni enine shɛ jalɛ ni jɛ hemɔkɛyeli mli lɛ nɔ.

1 Petro 3:20

Amɛ mɛi ni blema lɛ amɛbooo toi, be ni Nyɔŋmɔ ŋmɛ etsui shi ni emɛ amɛ aahu yɛ Noa bei lɛ amli, be ni afeɔ adeka kpeteŋkple lɛ, nɔ mli ni ahere mɛi fioo ni ji mɛi kpaanyɔ lɛ asusumai ayiwala yɛ kɛtsɔ̃ nu mli lɛ,

2 Petro 2:5

ni asaŋ kɛ ekɛ blema je lɛ he ekeee lɛ, shi moŋ Noa ni ji jalɛ shiɛlɔ lɛ, mɔ ni gbe yi fee kpaanyɔ lɛ kɛkɛ yi ebaa, ni ekɛ nu afua lɛ ba mɛi ni sheee Nyɔŋmɔ gbeyei lɛ aje lɛ nɔ,