1 Mose 49:8 - ŊMALƐ KRƆŊKRƆŊ LƐ

⁸ “Yuda, onyɛmimɛi lɛ aaajie oyi. Oooye ohenyɛlɔi anɔ; otsɛbii lɛ aaakoto bo!

Ṅmãle̱ Kroṅkroṅ Le̱

⁸ Iuda, bo oyi onyemimei le̱ aadšie! Onine aakã obenye̱loi akue̱; otše̱bii le̱ aakotoō. 4 Mose 10,14. Kods. 1,1. 2.

1 Mose 49:8 ပူးပေါင်းရင်းမြစ်များ

1 Mose 27:29

Maji asɔ̃mɔ bo, ni je lɛŋ maji akoto bo. Ye onyɛmimɛi lɛ anɔ lumɔ, ni onyɛ bihii lɛ akoto bo. Mɔ fɛɛ mɔ ni aaalomɔ bo lɛ, alomɔ lɛ, ni mɔ fɛɛ mɔ ni aaajɔɔ bo lɛ, ajɔɔ lɛ!”

1 Mose 29:35

Ena musu ekoŋŋ, ni efɔ binuu. Ekɛɛ akɛ, “Enɛ lɛ, majie Yehowa yi!” No hewɔ lɛ, ewo gbekɛ lɛ Yuda; kɛkɛ ni efo fɔmɔ dã.

1 Mose 42:6

Yosef ji lumɔ yɛ shikpɔŋ lɛ nɔ, ni lɛ ehɔ̃ɔ abele ehãa mɛi fɛɛ. Enyɛmimɛi lɛ ba, ni amɛbakoto lɛ, ni amɛkɛ amɛhiɛ bumɔ shi.

1 Mose 46:12

Yuda bihii nɛ: Er kɛ Onan kɛ Shela kɛ Perez kɛ Zera, shi Er kɛ Onan gboi yɛ Kanaan shikpɔŋ lɛ nɔ; ni Perez bihii ji Hezron kɛ Hamul.

2 Samuel 22:41

Ohãa mihenyɛlɔi joɔ minaa foi, ni mikpãtãa mɛi ni nyɛɔ mi lɛ ahiɛ.

2 Samuel 24:9

Yoab kɛ maŋbii ni ayakane lɛ ayibɔ lɛ bahã Maŋtsɛ David. Ana hii hiɛwalɔi ni eshɛ tayaa akpei ohai kpaanyɔ yɛ Israel kɛ hii akpei ohai enumɔ hu yɛ Yuda.

2 Samuel 5:3

Israel onukpai lɛ fɛɛ ba Maŋtsɛ David ŋɔɔ yɛ Hebron, ni ekɛ amɛ kpãŋ; kɛkɛ ni amɛfɔ David mu, ni amɛwo lɛ Israel fɛɛ maŋtsɛ.

1 Kronika 28:4

Shi Yehowa, Israel Nyɔŋmɔ lɛ, lɛ nɔŋŋ eŋɔ mi yɛ mitsɛwebii lɛ fɛɛ ateŋ koni mi kɛ mishwiei aye Israel maŋtsɛ kɛya naanɔ. Eŋɔ̃ Yuda yɛ akutsei lɛ ateŋ koni etsɔ̃ hiɛnyiɛlɔ; ni eŋɔ̃ mitsɛwe lɛ yɛ Yudabii awei lɛ ateŋ, ni ena mihe tsui yɛ mitsɛbii lɛ fɛɛ ateŋ, ni ewo mi Israel fɛɛ maŋtsɛ.

1 Kronika 5:2

Yɛ nyɛmimɛi lɛ ateŋ lɛ Yuda akutso lɛ ji mɔ ni he bawa fe mɔ fɛɛ mɔ, ni emli ejɛ aye maŋtsɛ. Shi kromɔbi gbɛnaa lɛ, tsɔ̃ Yosef shwiei lɛ anɔ.)

2 Kronika 14:8

Maŋtsɛ Asa yɛ tabilɔi akpei ohai etɛ̃ yɛ Yuda ni amɛ ji amɛhe hii ni hiɛɔ tsɛŋi wuji kɛ akplɔ; ni eyɛ tabilɔi akpei ohai enyɔ kɛ nyɔŋmai kpaanyɔ yɛ Benyamin, ni amɛ lɛ amɛhiɛɔ tsɛŋi bibii, ni amɛtsɛ̃ɔ gãi. Gbɔmɛi nɛɛ fɛɛ ji amɛhe hii kakabãŋi ni aje gbɛ atsɔse.

2 Kronika 15:9

Mɛi babaoo diɛŋtsɛ ni ji Efraimbii kɛ Manasebii kɛ Simeonbii tse amɛhe kɛjɛ Israel, ni amɛkɛ amɛhe badɔmɔ Maŋtsɛ Asa be ni amɛna akɛ Yehowa, eNyɔŋmɔ lɛ, kɛ lɛ yɛ lɛ. Maŋtsɛ Asa tsɛ gbɔmɛi nɛɛ kɛ Yudabii kɛ Benyaminbii fɛɛ kpee.

2 Kronika 17:2

Eto tabilɔi ta muu yɛ Yuda maji wuji ni atswa gbogboi awo amɛhe lɛ fɛɛ amli, ni eto tabilɔi kuikui hu yɛ Yuda koiasɛɛ heihei kɛ Efraim shikpɔŋ lɛ nɔ maji wuji ni etsɛ shɔ̃ lɛ hu amli.

2 Kronika 30:11

Shi kɛ̃lɛ mɛi fioo ko jɛ Asher kɛ Manase kɛ Zebulonbii ateŋ ba amɛhe shi amɛbo tsɛmɔ lɛ toi, ni amɛba gbijurɔ lɛ yeli yɛ Yerusalɛm.

Lalai 76:1

Ale Nyɔŋmɔ yɛ Yuda! Egbɛi tsii yɛ Israel.

Yesaia 9:7

Emaŋtsɛyeli lɛ shweremɔ kɛ edɛŋ toiŋjɔlɛ lɛ, esɛɛ efoŋ yɛ David maŋtsɛ sɛi lɛ nɔ, kɛ emaŋtsɛyeli hei fɛɛ. Ekɛ jalɛ saneyeli kɛ nɔ ni ja feemɔ baahã emaŋtsɛyeli lɛ ama shi kɛya naanɔ. Yehowa, Taiatsɛ lɛ, kɛ hiɛdɔɔ baafee enɛ.

Ezekiel 21:29

“Nii ni nyɛnaa lɛ amale ninaa ni, ni nyɛgbalɛi hu amale gbalɛi ni, koni nyɛkɛ sɔ̃ lɛ afɔ̃ lumɛi kɛ mɛi fɔ̃ji ni egboi lɛ anɔ. Amɛ lɛ, amɛnaagbee hiɛkpãtãmɔ be lɛ eshɛ.

4 Mose 1:27

mɛi akpei nyɔŋmai kpawo kɛ ejwɛ kɛ ohai ekpaa.

4 Mose 10:14

Yudabii akutso lɛ aflaŋaa lɛ tsutsu fã, asafo nyiɛ asafo sɛɛ; ni amɛhiɛnyiɛlɔ ji Nahashon, Aminadab bi lɛ.

4 Mose 26:20

Yuda shwiei lɛ akutso lɛ mli shĩai lɛ ji Shelawe kɛ Perezwe.

4 Mose 26:22

Mɛnɛɛmɛi ji Yudabii awekui lɛ, ni amɛmli hii ni akane lɛ ayikulɛ fee akpei nyɔŋmai kpawo kɛ ekpaa kɛ ohai enumɔ.

5 Mose 33:7

Ekɛɛ yɛ Yuda akutso lɛ he akɛ, “Yehowa, bo Yuda toi; kplamɔ lɛ kɛbafata akutsei krokomɛi lɛ ahe. Nuŋtsɔ, bo diɛŋtsɛ wuu ohã Yuda koni oye obua lɛ ni enyɛ ehenyɛlɔi ekɛwu.”

Hebribii 10:13

Ni nɔ ni eshwɛ ji akɛ eemɛ “Kɛyashi beyinɔ ni aaaŋɔ ehenyɛlɔi lɛ afee enajiaŋshi maaŋoo.”

Hebribii 7:14

ejaakɛ eyɛ faŋŋ akɛ Yuda mli wɔNuŋtsɔ lɛ jɛ, shi nakai akutso lɛ Mose ewieee he nɔ ko yɛ osɔfoyeli hewɔ.

Yoshua 10:24

Be ni akɛ maŋtsɛmɛi nɛɛ je kpo kɛba Yoshua ŋɔ̃ɔ lɛ, Yoshua tsɛ Israel hii lɛ fɛɛ kɛbakpe. Kɛkɛ ni ekɛɛ tabilɔi ni kɛ lɛ tee ta lɛ anɔ asafoiatsɛmɛi lɛ akɛ, “Nyɛtsia nyɛbaa koni nyɛkɛ nyɛnaji abamãmɔa nɛkɛ maŋtsɛmɛi nɛɛ akuɛi anɔ.” Asafoiatsɛmɛi lɛ ba, ni amɛkɛ amɛnaji bamãmɔ maŋtsɛmɛi lɛ akuɛi anɔ.

Yoshua 15:20

Yudabii akutso lɛ mli wekui lɛ maji ni ahã amɛ lɛ agbɛii baa nɛɛ.

Kpojiemɔ 11:15

Ni bɔfo ni ji kpawo lɛ kpã etɛtrɛmantrɛ lɛ, ni anu gbei wuji yɛ ŋwɛi miikɛɛ akɛ, “Je nɛɛ mli maŋtsɛyeli lɛ etsɔ̃ wɔNuŋtsɔ lɛ kɛ eKristo lɛ nɔ, ni eeeye maŋtsɛ kɛaatee naanɔi anaanɔ!”

Kpojiemɔ 5:5

Ni onukpai lɛ ateŋ mɔ kome kɛɛ mi akɛ, “Kaafo! Naa, jata lɛ ni jɛ Yuda akutso lɛ mli lɛ, mɔ ni ji David shishifã lɛ, eye kunim ni ebaanyɛ egbele wolo lɛ naa ní etserɛ enaasɔomɔi kpawo lɛ.”

Kojolɔi 20:18

Israelbii lɛ yiŋ kɛtee Betel, ni amɛyabi Nyɔŋmɔ dɛŋ ŋaawoo akɛ, “Wɔteŋ namɔ tsutsu afã kɛya ni ekɛ Benyaminbii lɛ ayawu?” Yehowa kɛɛ, “Yuda tsutsu afã.”