1 Mose 49:2 - ŊMALƐ KRƆŊKRƆŊ LƐ

² “Nyɛbuaa nyɛhe naa, ni nyɛboa mi toi; nyɛ Yakob bihii, nyɛboa nyɛtsɛ Yakob toi!

Ṅmãle̱ Kroṅkroṅ Le̱

² Nyenā akpea ši, ni nyeboa toi, nye Iakob bii, nyeboa nyetše̱ Israel toi!

1 Mose 49:2 ပူးပေါင်းရင်းမြစ်များ

1 Mose 49:3

“Ruben, bo ji mikromɔbi, miblahiaŋ be hewalɛ mli bi, mɔ ni fe fɛɛ yɛ gbɛnaa kɛ hewalɛ gbɛfaŋ.

Lalai 34:11

Oo mibii, nyɛbaa, nyɛboa mi toi; mibatsɔ̃ɔ nyɛ bɔ ni asheɔ Yehowa gbeyei ahãa.

Lalai 34:12

Namɔ taoɔ akɛ eyi ana wala? Namɔ sumɔɔ akɛ etsɛ yɛ jeŋ ni ena nɔ kpakpa?

Abe̱i 23:22

Bo otsɛ ni fɔ bo lɛ toi, ni kaagbe onyɛ he guɔ kɛji egbɔ lɛ.

Abe̱i 23:26

Mibi ŋɔɔ otsui ohã mi, ni okɔ minane.

Abe̱i 5:1

Mibi, bo minilee lɛ toi, ni oka otoi ohã miniiashishinumɔ;

Abe̱i 6:20

Mibi, ye otsɛ kitãi lɛ anɔ, ni nii ni onyɛ tsɔ̃ɔ bo lɛ kaakwa ekoeko.

Abe̱i 7:1

Mibi, ye miwiemɔi lɛ anɔ, ni okɛ mikitãi lɛ ato.

Abe̱i 7:24

Oo, mibii, nyɛboa mi toi agbɛnɛ. Nyɛfea toi nyɛhãa midaaŋ wiemɔi lɛ.

Abe̱i 8:32

No hewɔ lɛ, mibii nyɛboa mi toi! Ajɔɔ mɛi ni yeɔ mimlai anɔ lɛ!

Yesaia 48:14

“Nyɛ fɛɛ, nyɛbuaa nyɛhe naa koni nyɛbaboa toi. Te nyɔŋmɔi lɛ ateŋ nɔ ni egba enɛɛmɛi eko lɛ? Mɔ ni Yehowa sumɔɔ lɛ lɛ, lɛ ebaatsu yiŋ ni Yehowa eto yɛ Babilon he lɛ he nii; ebaate shi ewo Babilon.