1 Mose 49:18 - ŊMALƐ KRƆŊKRƆŊ LƐ

¹⁸ “Yehowa, oyiwalaheremɔ lɛ, gbɛ miikwɛɔ nɛɛ!

Ṅmãle̱ Kroṅkroṅ Le̱

¹⁸ Iehowa, owalaheremo̱ le̱ gbe̱ mikwe̱o̱ ne̱! Lal. 119,166. Hab 2,3.

1 Mose 49:18 ပူးပေါင်းရင်းမြစ်များ

1 Mose 49:17

Ni Dan aaatsɔ̃ onufu ni ble gbɛ toi, onaŋka ni naa yɔɔ ebɔɔ yɛ gbɛ lɛ toi, ni ekɔ̃ɔ okpɔŋɔ nanetsitsi, ni enɔtalɔ lɛ kpaa gbeɔ shi.

Lalai 119:166

Oo Yehowa, mihiɛ kã oyiwalaheremɔ lɛ nɔ; ni miyeɔ okitãi lɛ anɔ.

Lalai 119:174

Oo Yehowa, miishwe odɛ̃ŋ yiwalaheremɔ lɛ; ni omla lɛ ji nɔ ni shɛjeɔ mimii.

Lalai 119:41

Oo Yehowa, hã osuɔmɔ ni tsakeee lɛ, kɛ oyiwalaheremɔ lɛ afee minɔ yɛ oshiwoo lɛ naa;

Lalai 123:2

Naa, bɔ ni tsuji kɛ amɛhe fɔ̃ɔ amɛnuŋtsɔ nɔ, ni weyoo hu kɛ ehe fɔ̃ɔ ewula nɔ lɛ, nakai nɔŋŋ wɔ hu wɔkwɛɔ Yehowa, wɔNyɔŋmɔ lɛ, gbɛ kɛyaashi beyinɔ ni eeena wɔ mɔbɔ.

Lalai 130:5

Miikwɛ Yehowa gbɛ! Misusuma miikwɛ Yehowa gbɛ! Ni ewiemɔ lɛ nɔ mihiɛ kã.

Lalai 14:7

Oo, kulɛ Israel yiwalaheremɔ lɛ ajɛ Zion aba! Kɛji Yehowa hã emaŋ lɛ ku sɛɛ na nii ekoŋŋ lɛ, no lɛ Yakob aaanya, ni Israel mii aaashɛ ehe.

Lalai 40:1

Mikɛ tsuishitoo kwɛ Yehowa gbɛ; eba etoi shi, ni enu mibolɔmɔ lɛ.

Lalai 62:1

Nyɔŋmɔ pɛ ji mɔ ni misusuma efee kpoo emɛɔ nɛɛ; lɛ edɛŋ miyiwalaheremɔ jɛɔ.

Lalai 62:5

Nyɔŋmɔ pɛ ji mɔ ni misusuma efee kpoo emɛɔ; ejaakɛ lɛ ji mihiɛnɔkãmɔ.

Lalai 85:7

Oo Yehowa, hã wɔna osuɔmɔ ni sɛɛ efooo lɛ, ni ohã wɔyi ana wala!

2 Mose 15:2

Yehowa ji mihewalɛ kɛ milala, ni lɛ etsɔ̃ miyiwalaherelɔ. Lɛ ji miNyɔŋmɔ, ni majie eyi, mitsɛmɛi aNyɔŋmɔ ni, ni mawo ehiɛ nyam.

Abe̱i 14:32

Mɔ fɔŋ lɛ, enifɔjianii lɛ nɔŋŋ butuɔ lɛ; shi jalɔ lɛ, ejalɛ ji ebobaahe.

Yesaia 25:9

Nakai be lɛ aaakɛɛ akɛ, “Naa, wɔNyɔŋmɔ lɛ nɛ. Wɔkɛ wɔhiɛ efɔ̃ enɔ akɛ eeehere wɔ. Yehowa ni wɔhiɛ kã enɔ lɛ nɛ; nyɛhãa wɔmii ashɛa, ni wɔnyaa yɛ edɛŋ yiwalaheremɔ lɛ hewɔ.”

Yesaia 30:18

No hewɔ lɛ, Yehowa miimɛ koni eduro nyɛ, ni no hewɔ lɛ, efee kralo koni ena nyɛ mɔbɔ, ejaakɛ Yehowa lɛ Nyɔŋmɔ ni yeɔ jalɛ sane ni. Ajɔɔ mɛi fɛɛ ni hiɛ kã enɔ lɛ.”

Yesaia 33:2

Ao Yehowa, dromɔ wɔ, shi bo pɛ gbɛ wɔkwɛɔ. Daa gbi lɛ bo ofeɔ wɔhewalɛ kɛ wɔyiwalaherelɔ yɛ fimɔ be mli.

Yesaia 36:8

Agbɛnɛ ba koni okɛ minuŋtsɔ, Asiria maŋtsɛ lɛ, abata abasa. Maha bo okpɔŋɔi akpei enyɔ kɛji obaana bo diɛŋtsɛ omɛi, hii tabilɔi, otara amɛnɔ.

Yesaia 8:17

Miikwɛ Yehowa, mɔ ni kɛ ehiɛ etee Yakob we lɛ gbɛ, ni mikɛ mihiɛ aaafɔ enɔ.

Yāfó 3:25

Yehowa mli hi hã mɛi fɛɛ ni kwɛɔ lɛ gbɛ, kɛ mɔ ni taoɔ esɛɛgbɛ lɛ hu.

Hosea 12:7

Yehowa kɛɛ, “jarayelɔ ni kɛ nsɛni ni atse etɛ nɔ ŋmɛɔ nii lɛ, shishiulɔ ji lɛ.

Mika 7:7

Shi mi lɛ, makwɛ Yehowa gbɛ; mamɛ miyiwalaheremɔ Nyɔŋmɔ lɛ; ni miNyɔŋmɔ lɛ aaabo mi toi.

Mateo 1:21

ebaafɔ binuu, ni ooowo lɛ gbɛi akɛ Yesu, ejaakɛ lɛ ebaahere emaŋ lɛ yiwala kɛjɛ amɛhe eshai lɛ amli.”

Marko 15:43

Yosef ni jɛ Arimatia, ni ji akwaashɔŋnyo ko ni yɔɔ gbɛi ni lɛ hu ekwɛɔ Nyɔŋmɔ Maŋtsɛyeli lɛ gbɛ lɛ, ba ni ekɛ ekãa yiŋ kɛtee Pilato ŋɔɔ, ni eyabi Yesu gbonyo lɛ.

Luka 1:30

Ni bɔfo lɛ kɛɛ lɛ akɛ, “Kaashe gbeyei, Maria; ejaakɛ ohiɛ eba nyam yɛ Nyɔŋmɔ hiɛ.

Luka 2:25

Ni naa, nuu ko yɛ Yerusalɛm ni atsɛɔ lɛ akɛ Simeon; nakai nuu lɛ jalɔ ji lɛ, ni esheɔ Nyɔŋmɔ gbeyei, ni eekwɛ Israel yiwalaheremɔ lɛ gbɛ. Mumɔ Krɔŋkrɔŋ yɛ enɔ,

Luka 2:30

ejaakɛ mihiŋmɛii ena owalaheremɔ lɛ,

Luka 23:51

Ni ejɛ Arimatia, Yudafoi lɛ amaji lɛ eko nɔ, lɛ lɛ ekpɛlɛ̃ɛɛ amɛyiŋtoo kɛ amɛnifeemɔnii lɛ nɔ, ni eekwɛ Nyɔŋmɔ maŋtsɛyeli lɛ gbɛ;

Romabii 8:19

Ejaakɛ bɔɔnii lɛ kɛ gbɛkwɛmɔ kpɛ̃kpɛ̃ɛkpɛ̃ miimɛ Nyɔŋmɔ bii lɛ akpojiemɔ lɛ.

Romabii 8:25

Shi kɛ nɔ ni wɔnaaa lɛ nɔ wɔhiɛ kã lɛ, belɛ wɔkɛ tsuishiŋmɛɛ kwɛɔ lɛ gbɛ.

Galatabii 5:5

Ejaakɛ wɔ lɛ, Mumɔ lɛ nɔ wɔtsɔ̃ɔ wɔkɛ hemɔkɛyeli mɛɔ jalɛ ni wɔhiɛ kã nɔ lɛ.

1 Tesalonikabii 1:10

ni nyɛkwɛ eBi lɛ ni etee lɛ shi kɛjɛ gbohii ateŋ lɛ gbɛ kɛjɛ ŋwɛi, Yesu ni jie wɔ kɛjɛ mlifu ni baaba lɛ mli lɛ.