1 Mose 48:7 - ŊMALƐ KRƆŊKRƆŊ LƐ

⁷ Ejaakɛ be ni mijɛ Mesopotamia ni mibaa Kanaan lɛ, Rahel gbo shi mi yɛ gbɛ teŋ, be ni eshwɛ gbɛ kukuoo dani ashɛɔ Efrat lɛ, ni mifu lɛ yɛ jɛi yɛ gbɛ ni yaa Efrat ni ji ŋmɛnɛ Betlehem lɛ he.”

Ṅmãle̱ Kroṅkroṅ Le̱

⁷ Ši mi le̱, beni midše̱ Mesopotamia mihaä le̱, *Rahel gbo ye̱ mihe ye̱ Kanaan šikpoṅ le̱ no̱, ye̱ gbe̱ teṅ, beni eſe̱ gbe̱ kukuō ko ni aše̱o̱ Efrat le̱, ni mifũle̱ ye̱ Efrat ni dši Betlehem le̱ gbe̱ le̱ mase̱i. *36,19.

1 Mose 48:7 ပူးပေါင်းရင်းမြစ်များ

1 Mose 25:20

Isak eye afii nyɔŋmai ejwɛ ni eŋɔ Rebeka ni ji Betuel Aramnyo ni jɛ Mesopotamia lɛ biyoo lɛ. Laban, Aramnyo lɛ nyɛmi yoo ni.

1 Mose 33:18

Be ni Yakob ku esɛɛ kɛjɛ Mesopotamia ebaa lɛ, ebashɛ Kanaan shikpɔŋ lɛ nɔ maŋ ko ni ji Shekem lɛ shweshweeshwe, ni eto shi yɛ maŋ lɛ klotia.

1 Mose 35:20

Yakob kɛ tɛ ko to okadi yɛ Rahel saŋ lɛ nɔ; ni no hewɔ lɛ, atsɛɔ lɛ Rahel saŋ nɔ tɛ kɛbashi ŋmɛnɛ.

1 Mose 35:9

Ni Nyɔŋmɔ jie ehe kpo etsɔ̃ɔ Yakob ekoŋŋ, be ni ejɛ Mesopotamia eba lɛ, ni ejɔɔ lɛ.

1 Mose 48:6

ni bii ni ooofɔ yɛ amɛsɛɛ lɛ afee bo onii; shi yɛ gboshiniiyeli gbɛfaŋ lɛ, aaabu amɛ ashi Efraim kɛ Manase nɔ.

Mika 5:2

Yehowa kɛɛ, “Betlehem Efrata, maji bibii fe fɛɛ ni yɔɔ Yuda shikpɔŋ lɛ nɔ lɛ ateŋ ekome ji bo, shi omli majie Israel nɔyelɔ kɛaajɛ. Nɔyelɔ nɛɛ weku kpãa aaajɛ blema beebe.”

Mateo 2:18

“Anu gbee ko yɛ Rama, yaafo kɛ ŋkɔmɔyeli babaoo; Rahel miifo ebii, ni ekpɛlɛ̃ɛɛ miishɛjemɔ, ejaakɛ amɛbɛ.”

Rut Wolo Lɛ 1:2

Nuu lɛ gbɛi ji Elimelek, eŋa lɛ gbɛi ji Naomi, ni ebihii lɛ hu agbɛii ji Malon kɛ Kilion. Amɛjɛ Efrata akutso lɛŋ.

1 Samuel 1:1

Nuu ko hi shi yɛ Rama yɛ Efraim gɔji lɛ anɔ. Egbɛi ji Elkana, ni etsɛ gbɛi ji Yeroham. Zuf bi Tohu bi Elihu bi ji Elkana nɛɛ.

1 Samuel 10:2

Kɛji okɛ mi gbala mli ŋmɛnɛ ni ooya lɛ, okɛ hii enyɔ komɛi baakpe yɛ Rahel saŋ lɛ he yɛ Zelza, yɛ Benyamin shikpɔŋ lɛ nɔ. Gbɔmɛi nɛɛ baakɛɛ bo akɛ, ‘Tejii lɛ ni otee amɛtaomɔ lɛ ana amɛ. No hewɔ lɛ, otsɛ efɔ̃ɔ tejii lɛ ahe jwɛŋmɔ, ni etsui miiye yɛ ohewɔ.’ Eekɛɛ akɛ, ‘Te mafee tɛŋŋ yɛ mibi lɛ hewɔ hu?’

1 Samuel 16:4

Samuel fee nɔ ni Yehowa kɛɛ lɛ lɛ. Be ni eshɛ Betlehem lɛ, maŋ lɛ mli onukpai lɛ kɛ Samuel bakpe kɛ hekpokpomɔ, ni amɛbi lɛ akɛ, “Hejɔlɛ baa oba nɛɛ lo?”

1 Samuel 17:12

Efraimnyo ko ni jɛ Betlehem yɛ Yuda ni atsɛɔ lɛ Yeshai lɛ bi ji David. Yeshai nɛɛ yɛ bihii kpaanyɔ, Saul yinɔ lɛ Yeshai egbɔ jogbaŋŋ diɛŋtsɛ.