1 Mose 48:20 - ŊMALƐ KRƆŊKRƆŊ LƐ

²⁰ No hewɔ lɛ, Yakob jɔɔ gbekɛbii lɛ nakai gbi lɛ ni ekɛɛ, “Nyɛ nyɛgbɛi Israelbii kɛaajɔɔ akɛ, ‘Nyɔŋmɔ ahã otsɔ̃ tamɔ Efraim kɛ Manase.’ ” Belɛ Yakob ŋɔ onukpa gbɛhe lɛ ehã Efraim.

Ṅmãle̱ Kroṅkroṅ Le̱

²⁰ Ni edšō̱ame̱ nakai gbĩ le̱, ni ekē̱: Bo, Israel aaṅõ-dšō̱ akē̱: Nyoṅmo̱ ahã otšṍ tamo̱ Efraim ke̱ Manasel Ni eṅõ Efraim eto Manase hĩe. Heb. 11, 21.

1 Mose 48:20 ပူးပေါင်းရင်းမြစ်များ

1 Mose 24:60

Amɛjɔɔ Rebeka amɛkɛɛ, “Wɔnyɛmi yoo, tsɔ mɛi akpei huhaa anyɛ, ni oshwiei aye amɛhenyɛlɔi amaji anɔ kunim.”

1 Mose 28:3

Nyɔŋmɔ Ofe lɛ ajɔɔ bo, ni ehã oshwere ni owo shwiei babaoo koni oshwiei atsɔ̃ majimaji asafo.

1 Mose 48:21

Kɛkɛ ni Yakob kɛɛ Yosef akɛ, “Naa, mi lɛ, migbele be eshɛ etã, shi nyɛ lɛ Nyɔŋmɔ kɛ nyɛ baahi shi, ni ekɛ nyɛ baaku sɛɛ kɛya nyɛblematsɛmɛi ashikpɔŋ lɛ nɔ ekoŋŋ.

4 Mose 13:11

ni Manase, Yosef bi lɛ, akutso lɛ mli mɔ lɛ ji Gadi, Susi bi lɛ.

4 Mose 13:16

Hii nɛɛ ji mɛi ni Mose tsu koni amɛyasara shikpɔŋ lɛ nigii lɛ. Kɛkɛ ni Mose tsake Nun bi Hoshea lɛ gbɛi, ni ewo lɛ Yoshua.

4 Mose 13:8

ni Efraim akutso lɛ mli mɔ lɛ ji Hoshea, Nun bi lɛ;

4 Mose 7:48

Gbi ni ji kpawo lɛ nɔ lɛ, Elishama ni eji Amihud bi ni lɛ ji Efraim akutso lɛ mli bii anukpa lɛ kɛ enikeenii lɛ bahã.

4 Mose 7:54

Gbi ni ji kpaanyɔ lɛ nɔ lɛ, Gamaliel ni eji Pedazur bi ni lɛ nɔŋŋ ji Manase akutso lɛ mli bii anukpa lɛ kɛ enikeenii lɛ bahã.

Hebribii 11:21

Hemɔkɛyeli Yakob kɛjɔɔ Yosef bii lɛ ateŋ mɔ fɛɛ mɔ be ni egboɔ ni ehiɛ edɛ̃hiɛmɔtso lɛ mli kɛma eyi shi esɔle lɛ.

Yoshua 17:14

Yosef shwiei lɛ bi Yoshua akɛ, “Mɛɛba ni ofo shikpɔŋ kome pɛ kɛkɛ ohã wɔ akɛ wɔgbɛfaŋnɔ be mli ni wɔyi fa babaoo, ni Yehowa ehã wɔshwere lɛ?”