1 Mose 48:15 - ŊMALƐ KRƆŊKRƆŊ LƐ

¹⁵ Kɛkɛ ni Yakob jɔɔ Yosef ni ekɛɛ, “Nyɔŋmɔ, mɔ ni mitsɛmɛi Abraham kɛ Isak sɔ̃mɔ lɛ, Nyɔŋmɔ mɔ ni ekwɛ minɔ miwala gbii fɛɛ kɛbashi ŋmɛnɛ gbi nɛɛ,

Ṅmãle̱ Kroṅkroṅ Le̱

¹⁵ Ni edšō̱ Iosef ni eke̱: Nyoṅmo̱, mo hĩe ni *mitše̱mei, Abraham ke̱ Isak, nyie le̱, Nyoṅmo̱ ní dši †mikwe̱lo̱ ke̱-dše̱ be-yino ni miyo̱ ke-baši ṅmene̱ ne̱, *32,10. †Lal. 23,1.

1 Mose 48:15 ပူးပေါင်းရင်းမြစ်များ

1 Mose 17:1

Be ni Abram eye afii nyɔŋmai nɛɛhu kɛ nɛɛhu lɛ, Yehowa jie ehe kpo etsɔ̃ɔ lɛ, ni ekɛɛ lɛ akɛ, “Mi ji Nyɔŋmɔ Ofe lɛ, ba ojeŋ yɛ mihiɛ koni shwamɔ ko akahi ohe.

1 Mose 24:20

Ehe fee oya ni etsɔ̃ egbɛ lɛ mli nu lɛ ewo nunumɔ nɔ lɛ mli. Kɛkɛ ni esha foi etee bu lɛ mli ekoŋŋ eyayɛ nu lɛ ni eyɛ ehã yoomai lɛ fɛɛ.

1 Mose 24:40

Shi ekɛɛ mi akɛ, ‘Yehowa, mɔ toi ni miboɔ daa nɛɛ lɛ, aaatsu ebɔfo afata ohe, ni eeehã oye omanye, ni obaaya oyaŋɔ ŋa yɛ mijaku kɛ mitsɛ we lɛ obahã mibinuu lɛ.

1 Mose 27:27

Ni etsi ebɛŋkɛ ni ebashwɔ enaa, ni Isak nu Yakob atadei lɛ amli ŋma lɛ, ni ejɔɔ lɛ ekɛɛ akɛ, “Kwɛ bɔ ni mibi lɛ he jeɔ ŋma, tamɔ ŋa frɔ̃frɔ̃ ni Yehowa ejɔɔ.

1 Mose 27:4

koni okɛbafee niyenii kɛ ŋɔɔmɔ, tamɔ bɔ ni misumɔɔ lɛ, ohã mi maye koni majɔɔ bo dani magbo.”

1 Mose 28:20

Yakob wo shi ni ekɛɛ akɛ, “Kɛji Nyɔŋmɔ kɛ mi aaahi shi, ni eeebu mihe yɛ gbɛ ni miyanyiɛ nɛɛ mli, ni eeehã miŋmãa maye kɛ atade mawo,

1 Mose 28:22

ni nɛkɛ tɛ nɛɛ ni mikɛma shi mikɛto okadi nɛɛ aaatsɔ̃ Nyɔŋmɔ we; ni maŋɔ nibii fɛɛ ni ooohã mi lɛ amlijaa nyɔŋma kome mahã bo.”

1 Mose 28:3

Nyɔŋmɔ Ofe lɛ ajɔɔ bo, ni ehã oshwere ni owo shwiei babaoo koni oshwiei atsɔ̃ majimaji asafo.

1 Mose 35:3

Nyɛhãa wɔyaa Betel koni mayama afɔleshãa latɛ yɛ jɛi mahã Nyɔŋmɔ, mɔ ni bo misɔlemɔ toi yɛ mifimɔ gbi lɛ nɔ ni ewa mi yɛ gbɛ ni mifã lɛ fɛɛ mli lɛ.”

1 Mose 48:16

bɔfo ni jie mi kɛjɛ efɔŋ fɛɛ mli lɛ, ajɔɔ gbekɛbii nɛɛ. Amɛhewɔ lɛ, migbɛi kɛ mitsɛmɛi Abraham kɛ Isak agbɛi gboŋ kɔkɔɔkɔ. Amɛyi afa babaoo yɛ shikpɔŋ lɛ nɔ.”

1 Mose 49:22

“Yosef lɛ, tso nine ni woɔ yibii ni, tso nine ni ma nuhiŋmɛi he, ni eniji kwɔlɔɔ gbogbo.

1 Mose 49:24

Shi egãi lɛ yɛ hewalɛ kpɛŋŋ. Eniji kɛ ekɔ̃ɔji ahe yɛ oya; Yakob Nyɔŋmɔ Ofe lɛ ni hã lɛ nakai hewalɛ lɛ. Tookwɛlɔ lɛ ni ji Israel tɛsaa lɛ, gbɛi lɛ tsu enɛ.

1 Mose 49:28

Mɛnɛɛmɛi ji Israel akutsei nyɔŋma kɛ enyɔ lɛ; ni wiemɔi nɛɛ amɛtsɛ kɛ amɛ wie be ni ejɔɔ amɛ lɛ, amɛteŋ mɔ fɛɛ mɔ lɛ jɔɔmɔ ni sa lɛ lɛ, no ekɛjɔɔ lɛ.

1 Mose 6:9

Mɛnɛɛmɛi ji Noa shwiei lɛ. Noa ji jalɔ ni eye emuu yɛ eyinɔbii lɛ ateŋ; ni efeɔ Nyɔŋmɔ suɔmɔnaanii.

1 Maŋtsɛmɛi 3:6

Ni Solomon kɛɛ lɛ akɛ, “Ofee mitsɛ David ejurɔ, ni osumɔ lɛ kɛ suɔmɔ kpele, ejaakɛ eye bo anɔkwa; eja, ni ekɛ bo hi shi kɛ tsui krɔŋŋ. Ni bo hu osumɔ lɛ, ni ohã lɛ binuu koni eta esɛ̃i lɛ nɔ, tamɔ bɔ ni eba mli ŋmɛnɛ nɛɛ.

1 Kronika 5:1

Naa Ruben, Yakob kromɔbi lɛ shwiei lɛ. (Ruben ji Yakob kromɔbi; shi ejɛ wɔɔ ni Ruben kɛ etsɛ hemɔ wɔ hewɔ lɛ, Yakob kɛ ekromɔbi gbɛnaa lɛ hã Yosef bihii lɛ. Kɛ̃lɛ abuuu Yosef akɛ lɛ ji kromɔbi yɛ weku lɛ wojiaŋ yɛ kromɔbi gbɛnaa ni akɛha lɛ lɛ hewɔ.

Lalai 16:8

Mikɛ Yehowa ema mihiɛ daa; akɛni eyɔɔ mininejurɔ nɔ nɛɛ, mididaŋ.

Lalai 23:1

Yehowa ji mikwɛlɔ nɔ ko nɔ ko ehiaŋ mi.

Lalai 37:3

Ŋɔɔ ohiɛ ofɔ̃ Yehowa nɔ ni ofee nɔ kpakpa, bɔ ni afee ni ohi shikpɔŋ lɛ nɔ shweshweeshwe.

2 Mose 3:16

Yaa ni oyabua Israel onukpai lɛ anaa, ni okɛɛ amɛ akɛ, Yehowa, nyɛtsɛmɛi aNyɔŋmɔ lɛ, ni ji Abraham Nyɔŋmɔ kɛ Isak Nyɔŋmɔ kɛ Yakob Nyɔŋmɔ lɛ, ejie ehe kpo etsɔ̃ɔ mi, ni ekɛɛ, Mikwɛ, ni mina nyɛ kɛ nɔ ni afeɔ nyɛ yɛ Ijipt lɛ,

2 Mose 4:5

Kɛkɛ ni Yehowa kɛɛ Mose akɛ, “Enɛ amɛkɛaahe amɛye akɛ Yehowa, ni ji Abraham Nyɔŋmɔ kɛ Isak Nyɔŋmɔ kɛ Yakob Nyɔŋmɔ lɛ, ejie ehe kpo etsɔɔ bo.”

Jajelɔ 5:12

Apaafonyo na nii babaoo eye jio, fioo ena eye jio, ewɔɔ kɛ miishɛɛ; shi niiatsɛ nii ni ena lɛ he jwɛŋmɔ hãaa ena wɔ ewɔ.

Jajelɔ 5:18

Naa, nɔ ni mikpa shi mina akɛ ehi, ni esa hã gbɔmɔ adesa feemɔ ji akɛ eye, ni enu; ni deŋme fɛɛ ni egboɔ yɛ ewala kukuoo ni Nyɔŋmɔ ehã lɛ yɛ je nɛɛ mli lɛ, eye emli ŋɔɔmɔ koni ena miishɛɛ, ejaakɛ no ji egbɛfaŋ nɔ.

Jajelɔ 6:7

Gbɔmɔ tɔlɛ kɛ deŋme fɛɛ lɛ, emusu kɛkɛ hewɔ; kɛ̃lɛ gbɔmɔ leee mitɔ.

Yesaia 30:21

Ni ninejurɔgbɛ esa akɛ nyɛtsɔ jio, abɛkugbɛ esa akɛ nyɛtsɔ jio, nyɛtoii aaanu wiemɔ ko yɛ nyɛsɛɛgbɛ akɛ, “Gbɛ lɛ nɛ, nyɛyia nɔ!”

Yesaia 33:16

lɛ ji mɔ ni baahi gɔji lɛ anɔ, ni tɛsai aaatsɔ̃ mɔji ahã lɛ. Ebaana nii eye, ni ebaana nu enu.

Yeremia 8:2

Abaagbɛ wui nɛɛ amli aka hulu kɛ nyɔɔŋtsere kɛ ŋulamii, ni ji nibii ni amɛsumɔ ni amɛsɔ̃mɔ, ni no hewɔ lɛ, amɛyanyiɛ amɛsɛɛ ni amɛja amɛ lɛ. Abuaŋ amɛwui nɛɛ anaa, ni afuŋ hu; shi moŋ amɛbaatsɔ̃ tamɔ wamɔ yɛ tumo nɔ.

Luka 1:6

Amɛyi enyɔ lɛ fɛɛ lɛ, jalɔi ji amɛ yɛ Nyɔŋmɔ hiɛ ni amɛyeɔ Nuŋtsɔ lɛ kitãi kɛ ekpɔi lɛ fɛɛ anɔ ni shwamɔ ko bɛ amɛhe.

1 Korintobii 10:31

No hewɔ lɛ, nii nyɛyeɔ jio, nii nyɛnuɔ jio, aloo nɔ kroko nyɛfeɔ jio, nyɛfea fɛɛ nyɛkɛwoa Nyɔŋmɔ hiɛ nyam.

2 Korintobii 1:12

Shi wɔshwãa lɛ nɛ: wɔhenilee odase ni eyeɔ wɔ akɛ hetsemɔ kɛ tsui krɔŋŋ yɛ Nyɔŋmɔ hiɛ wɔkɛba wɔjeŋ yɛ je nɛɛ mli, titri lɛ yɛ wɔkɛ nyɛteŋ shihilɛ mli, ni jeee heloo gbɛfãŋ nilee naa, shi moŋ Nyɔŋmɔ dromɔ naa.

5 Mose 33:1

Jɔɔmɔ ni Nyɔŋmɔ gbɔmɔ Mose kɛjɔɔ Israelbii lɛ dani egbo lɛ nɛ.

Kolosebii 2:6

No hewɔ lɛ, bɔ ni nyɛhere Kristo Yesu, Nuŋtsɔ lɛ atuu lɛ, nyɛnyiɛa yɛ emli.

1 Tesalonikabii 2:12

Ni wɔwieɔ wɔtsɔ̃ɔ nyɛ, ni wɔshɛjeɔ nyɛmii hu, ni wɔkpaa nyɛ fai akɛ nyɛnyiɛ bɔ ni sa Nyɔŋmɔ ni tsɛɔ nyɛ kɛbaa lɛ diɛŋtsɛ emaŋtsɛyeli kɛ enunyam lɛ mli lɛ.

Hebribii 11:21

Hemɔkɛyeli Yakob kɛjɔɔ Yosef bii lɛ ateŋ mɔ fɛɛ mɔ be ni egboɔ ni ehiɛ edɛ̃hiɛmɔtso lɛ mli kɛma eyi shi esɔle lɛ.