1 Mose 47:9 - ŊMALƐ KRƆŊKRƆŊ LƐ

⁹ Ni Yakob hã hetoo akɛ, “Afii abɔ ni miye yɛ jeŋ shihilɛ mli ji afii oha kɛ nyɔŋmai etɛ̃. Mifii lɛ faaa ko moŋ nɛ, shi hejaramɔ ji nɔ ni yɔɔ amɛmli. Eshɛɛɛ wala afii babaoo ni mitsɛmɛi lɛ ye yɛ je nɛɛ mli lɛ.”

Ṅmãle̱ Kroṅkroṅ Le̱

⁹ Ni Iakob kē̱ Farao ake̱: Migbo̱tō afii le̱ amli gbĩĩ dši afii oha ke̱ nyoṅmai-etẽ; miwala afii amli gbĩĩ le̱ fáá ko ke̱ emli efõṅ, ni ame̱še̱e̱ mitše̱mei awala afii amli gbĩĩ le̱ ye ame̱gbo̱tō gbĩĩ le̱ amli. Lal. 90,10; 89,13.

1 Mose 47:9 ပူးပေါင်းရင်းမြစ်များ

1 Mose 11:11

Be ni Shem fɔ Arpakshad sɛɛ lɛ, eye afii ohai enumɔ eshwie nɔ, ni efɔ bihii kɛ biyei krokomɛi.

1 Mose 35:28

Afii ni Isak ye ji afii oha kɛ nyɔŋmai kpaanyɔ.

1 Mose 47:28

Yakob hi shi yɛ Ijipt afii nyɔŋma kɛ kpawo. No hewɔ lɛ, afii abɔ ni Yakob ye ji afii oha kɛ nyɔŋmai ejwɛ kɛ kpawo.

1 Mose 47:8

Agbɛnɛ Farao bi Yakob akɛ “Afii enyiɛ oye?”

1 Mose 5:27

No hewɔ lɛ, be ni Metusela gbo lɛ, afii ni eye lɛ fɛɛ feɔ afii ohai nɛɛhu kɛ nyɔŋmai ekpaa kɛ nɛɛhu.

1 Mose 50:26

Be ni Yosef eye afii oha kɛ nyɔŋma lɛ egbo. Amɛwo lɛ tsofa, ni akɛ lɛ wo adeka mli yɛ Ijipt.

1 Kronika 29:15

Ohiɛ lɛ, gbɔi kɛ mɛi kpɔ̃ji ji wɔ, tamɔ wɔtsɛmɛi lɛ fɛɛ nɔŋŋ. Wɔgbii ni wɔyeɔ yɛ shikpɔŋ lɛ nɔ lɛ hoɔ eyaa tamɔ susuma ni ehiii shi daa lɛ.

Hiob 14:1

Gbɔmɔ ni yoo fɔ lɛ yɔɔ nɛɛ, kukuoo kɛkɛ ji ewala be lɛ; ni emli eyi tɔ kɛ haomɔ sɔŋŋ.

Lalai 119:19

Gbɔ ji mi yɛ shikpɔŋ lɛ nɔ; kaaŋɔ okitãi lɛ otee mi.

Lalai 119:54

Okpɔi lɛ ji lalai ni milaa yɛ migbɔtoo be yɛ shikpɔŋ nɛɛ nɔ lɛ.

Lalai 39:12

Oo Yehowa, bo mifaikpamɔ lɛ toi ni ofee toi ohã mikɔmɔyeli lɛ. Mihiɛ yaafonu lɛ hewɔ lɛ kaamua onaa; ejaakɛ oshikpɔŋ nɛɛ nɔ gbɔ kɛkɛ ji mi, mɔkpɔŋ tamɔ mitsɛmɛi lɛ nɔŋŋ.

Lalai 39:13

Foo omlifu lɛ sɛɛ koni mana miishɛɛ fioo dani mashi biɛ maya.”

Lalai 39:5

Naa, ofee miwala gbii kuku lɛ tamɔ dɛ̃ lɛɛmɔ, ni miwala be lɛ, jeee nɔ ko nɔ ko yɛ ohiɛ. Bɔ fɛɛ bɔ ni gbɔmɔ adesa yɔɔ lɛ, kɛ efee floŋŋ tamɔ mɛ, lamɔ kɛkɛ ji lɛ.

2 Mose 6:4

Ni misaa mi kɛ amɛ kpãŋ akɛ mikɛ Kanaan shikpɔŋ lɛ baahã amɛ, shikpɔŋ ko ni amɛyato gbɔ yɛ nɔ lɛ.

2 Mose 7:7

Be ni amɛkɛ Farao yawie nɛɛ lɛ, Mose eye afii nyɔŋmai kpaanyɔ, ni Aaron hu eye afii nyɔŋmai kpaanyɔ kɛ etɛ̃.

2 Korintobii 5:6

No hewɔ lɛ, wɔyɛ tsui daa, ni wɔle akɛ gbii abɔ ni wɔyɔɔ gbɔmɔtso lɛ mli nɛɛ wɔdom kɛjɛ Nuŋtsɔ lɛ ŋɔɔ;

5 Mose 34:7

Mose eye afii oha kɛ nyɔŋmai enyɔ be ni egbo lɛ; no mli lɛ ehiŋmɛii anɔ efeko lɛ tuutuu lɛ, egbɔmɔtsoŋ hewalɛ hu nɔ gbɔko.

Hebribii 13:14

Ejaakɛ wɔbɛ maŋ ni hiɔ shi yɛ biɛ, shi maŋ ni baaba lɛ moŋ sɛɛgbɛ wɔtaoɔ.

Yakobo 4:14

tsɛ nyɛleee wɔ sane, mɛni ji nyɛwala lɛ? Eji lamɔ ni pueɔ be fioo ko, ni kɛ fee sɛɛ lɛ elaajeɔ.

Yoshua 24:29

Saji nɛɛ asɛɛ lɛ Yehowa tsulɔ Yoshua, Nun bi lɛ, gbo be ni eye afii oha kɛ nyɔŋma.

1 Petro 2:11

Misuɔmɔmɛi, miiwie miitsɔ̃ɔ nyɛ akɛ gbɔi kɛ mɛi ni yɔɔ maŋsɛɛ, akɛ nyɛtsia nyɛhe kɛjɛa heloosɛɛdiinii ni kɛ susuma wuɔ ta lɛ ahe,