1 Mose 47:6 - ŊMALƐ KRƆŊKRƆŊ LƐ

⁶ Naa, Ijipt shikpɔŋ lɛ kã ohiɛ nɛɛ, hã otsɛ kɛ onyɛmimɛi lɛ ahi shikpɔŋ lɛ he ni hi fe fɛɛ lɛ nɔ; hã amɛhi Goshen shikpɔŋ lɛ nɔ. Ni kɛ ole amɛteŋ mɛi ni he esa yɛ koolookwɛmɔ mli lɛ, tuu mitsinai lɛ akwɛmɔ owo amɛdɛŋ.”

Ṅmãle̱ Kroṅkroṅ Le̱

⁶ Mizraim šikpoṅ le̱ kã ohĩe; šikpoṅ le̱, beni hĩ fè fẽ ni dši Gošen šikpoṅ le̱, hã otše̱ ke̱ onyemimei le̱ ahĩ dše̱i; ni ke̱dši ole ame̱teṅ meikomei ṅí dši gbomei ni sa le̱, no le̱ ṅõame̱ ofe oṅukpai ye̱ mikoloi le̱ ano̱.

1 Mose 47:6 ပူးပေါင်းရင်းမြစ်များ

1 Mose 13:10

Kɛkɛ ni Lot wo ehiɛ nɔ ni ekwɛ shikpɔŋ lɛ kɛkpe, ni ena akɛ Yordan jɔɔ lɛ fɛɛ yɛ frɔ̃frɔ̃ aahu kɛtee Zoar tɔ̃ɔ. Etamɔ Yehowa trom lɛ aloo Ijipt shikpɔŋ lɛ. Nɛkɛ be mli lɛ, Yehowa kpãtãko Sodom kɛ Gomora hiɛ.

1 Mose 13:9

Shikpɔŋ muu lɛ fɛɛ kã ohiɛ nɛɛ. Tse ohe yɛ mihe. Kɛji okɔ abɛkugbɛ lɛ, no lɛ makɔ ninejurɔgbɛ; ni kɛji okɔ ninejurɔgbɛ lɛ, no lɛ makɔ abɛkugbɛ.”

1 Mose 20:15

Abimelek kɛɛ Abraham akɛ, “Mishikpɔŋ lɛ kã ohiɛ nɛɛ; hii he ni osumɔɔ.”

1 Mose 34:10

Nyɛkɛ wɔ ahia shi. Shikpɔŋ lɛ kã shi hã nyɛ; nyɛhia nɔ ni nyɛtsua nɔ nii koni nyɛna nii yɛ nɔ nyɛhãa nyɛhe akɛ nyɛnɔ.”

1 Mose 45:10

Ba ni obahi Goshen kpokpai anɔ yɛ Ijipt, bɔ ni afee ni obɛŋkɛ mi, bo kɛ obii kɛ onabii kɛ otoi kɛ otsinai kɛ nibii fɛɛ ni oyɔɔ;

1 Mose 46:34

nyɛkɛa lɛ akɛ, ‘Otsuji lɛɔ kooloi kɛjɛ wɔblahiaŋ kɛbashi ŋmɛnɛ; wɔ kɛ wɔtsɛmɛi lɛ fɛɛ koni ehã nyɛhi Goshen shikpɔŋ lɛ nɔ; ejaakɛ Ijiptbii nyaŋeɔ mɔ fɛɛ mɔ ni ji koolookwɛlɔ.’ ”

1 Mose 47:11

Ni Yosef hã etsɛ kɛ enyɛmimɛi lɛ shihilɛhe. Ehã amɛ shikpɔŋ lɛ he ni hi fe fɛɛ yɛ Ijipt shikpɔŋ lɛ nɔ; ebɛŋkɛ maŋ ko ni atsɛɔ lɛ Rameses lɛ, tamɔ bɔ ni Farao efã lɛ akɛ efee lɛ.

1 Mose 47:16

Yosef kɛɛ amɛ akɛ, “Ni nyɛshika etã nɛɛ, nyɛkɛ nyɛkooloi ahãa mi ni mahã nyɛ niyenii yɛ nyɛkooloi lɛ anaa.”

1 Mose 47:4

Ni asaŋ amɛkɛɛ Farao akɛ, “Wɔba gbɔtoo yɛ shikpɔŋ nɛɛ nɔ ejaakɛ otsuji kooloi lɛ naaa nii amɛye yɛ Kanaan shikpɔŋ lɛ nɔ yɛ hɔmɔ ni naa wa ni yɔɔ Kanaan shikpɔŋ lɛ nɔ lɛ hewɔ. No hewɔ lɛ, wɔmiikpa bo fai ni ohã otsuji ahi Goshen shikpɔŋ lɛ nɔ.”

1 Mose 47:5

Kɛkɛ ni Farao kɛɛ Yosef akɛ, “Otsɛ kɛ onyɛmimɛi lɛ eba oŋɔɔ.

1 Maŋtsɛmɛi 11:28

Solomon yoo akɛ nɛkɛ nuu Yeroboam nɛɛ lɛ, etsuɔ nii waa, hewɔ lɛ ewo lɛ onukpa yɛ nitsulɔi ni tsuɔ nii yɛ Manase kɛ Efraimwe lɛ anɔ.

2 Kronika 26:10

Emamɔ mɔji gojogojoo lɛ ekomɛi yɛ ŋa lɛ nɔ hu; ni etsara nubui pii ejaakɛ eyɛ kooloi babaoo diɛŋtsɛ yɛ jɔɔ naa shikpɔŋ lɛ kɛ ŋa lɛ hu nɔ. Akɛni Uzia sumɔɔ humɔ hewɔ lɛ, ehã mɛi hu ŋmɔji, ni amɛfeefee waintromii yɛ gɔji lɛ anɔ kɛ jɔi lɛ amli fɛɛ.

2 Mose 18:21

Ni asaŋ halamɔ maŋ lɛ fɛɛ mli hii ni aaanyɛ atsu gbɛnaa ni abaahã amɛ lɛ he nii, mɛi ni amɛsheɔ Nyɔŋmɔ gbeyei hu, ni amɛ ji anɔkwafoi ni heee nyɔɔŋnii, koni oto amɛ kui anɔkwɛlɔi: mɛi nyɔŋmanyɔŋma kui kɛ mɛi nyɔŋmai enumɔenumɔ kui kɛ mɛi ohaoha kui kɛ akpeakpe kui anɔkwɛlɔi.

2 Mose 18:25

Ehala maŋ lɛ fɛɛ mli hii ni aaanyɛ atsu gbɛnaa ni abaahã amɛ lɛ he nii, ni eto amɛ kui anɔkwɛlɔi: mɛi nyɔŋma nyɔŋma kui kɛ mɛi nyɔŋmai enumɔenumɔ kui kɛ mɛi ohaoha kui kɛ mɛi akpeakpe kui anɔkwɛlɔi.

2 Mose 9:10

Mose kɛ Aaron kpiti flɔnɔɔ mli lamlu lɛ, ni amɛbadamɔ Farao hiɛ, ni Mose kɛ lamlu lɛ shwã ŋwɛi. Kɛkɛ ni lamlu lɛ tsɔ̃ asane ni fuɔ ni fɛlɛɔ yɛ gbɔmɛi kɛ kooloi ahe.

2 Mose 9:21

shi mɔ ni eyabuuu Yehowa wiemɔ lɛ, eshĩ etsuji kɛ ekooloi yɛ ŋa lɛ nɔ.

Abe̱i 21:1

Maŋtsɛ tsui lɛ etamɔ faa ni hoɔ yɛ Yehowa dɛŋ. Etsɔ̃mɔɔ lɛ bɔ ni lɛ diɛŋtsɛ esumɔɔ.

Abe̱i 22:29

Nuu ni bɔɔ mɔdɛŋ, ni ele ŋaa jogbaŋŋ yɛ enitsumɔ mli lɛ, maŋtsɛmɛi ahiɛ tete eeedamɔ; edamɔŋ mɛi ni abuuu amɛ ahiɛ.

Yeremia 40:4

Naa, agbɛnɛ miifɛne kɔsɔŋkɔsɔ ni awo oniji lɛ ŋmɛnɛ. Kɛji okwɛ, ni esa ohiɛ akɛ okɛ mi aaatee Babilon lɛ, ba; ni makwɛ bo jogbaŋŋ; shi kɛji okwɛ, ni esaaa ohiɛ akɛ okɛ mi aaatee Babilon lɛ, no lɛ hii shi. Kwɛ, shikpɔŋ muu lɛ fɛɛ kã ohiɛ nɛɛ; he fɛɛ he ni okwɛ ni ehi, asaŋ ni esa ohiɛ lɛ, yaahi jɛi.”

Yohane 17:2

tamɔ bɔ ni ohã lɛ hegbɛ yɛ gbɔmɛi fɛɛ anɔ, koni mɛi fɛɛ ni okɛhã lɛ lɛ, ehã amɛ naanɔ wala lɛ.

1 Samuel 21:7

Gbi nɛɛ lɛ maŋtsɛ Saul tookwɛlɔ nukpa ni atsɛɔ lɛ Doeg, Edomnyo lɛ, yɛ jɛi ni atsi enaa yɛ Sɔlemɔ we lɛ.