1 Mose 47:27 - ŊMALƐ KRƆŊKRƆŊ LƐ

²⁷ Bɔ ni fee ni Israelbii lɛ hi shi yɛ Ijipt shikpɔŋ lɛ nɔ yɛ Goshen lɛ nɛ. Israelbii nɛɛ nanaa shikpɔji yɛ shikpɔŋ lɛ nɔ, ni amɛfɔfɔɔ ni amɛshwere babaoo diɛŋtsɛ.

Ṅmãle̱ Kroṅkroṅ Le̱

²⁷ Ni Israel hĩ Mizraim, ye̱ Gošen šikpoṅ le̱ no̱, ni ame̱náná šikpṍdši ye̱ no̱, ni ame̱fo̱fo̱i, ni *ame̱yi fá babaō. *46,3. 2 Mose 1,7. 12.

1 Mose 47:27 ပူးပေါင်းရင်းမြစ်များ

1 Mose 13:16

Mahã oshwiei afa tamɔ shikpɔŋ mlu, ni kɛji mɔ ko aaanyɛ shikpɔŋ mlu akane lɛ, belɛ aaanyɛ oshwiei lɛ hu akane.

1 Mose 17:6

Mahã owo shwiei babaoo diɛŋtsɛ, ni mahã majimaji ajɛ omli ni maŋtsɛmɛi aaajɛ omli.

1 Mose 26:4

ni maye kitã ni mikã otsɛ Abraham lɛ nɔ. Mibahã oshwiei afa tamɔ bɔ ni mikã otsɛ Abraham kitã lɛ. Mibahã oshwiei afa tamɔ ŋwɛi ŋulamii, ni mibaŋɔ nɛkɛ shikpɔji nɛɛ fɛɛ mahã oshwiei lɛ. Oshwiei lɛ mli aaajɛ ajɔɔ shikpɔŋ lɛ nɔ jeŋ maji lɛ fɛɛ,

1 Mose 28:14

Oshwiei aaafa tamɔ shikpɔŋ mlu, ni ooogbɛ oshwã anai kɛ bokã kɛ kooyi kɛ wuoyi. Bo kɛ oshwiei amli aaajɛ ajɔɔ shikpɔŋ lɛ nɔ akutsei fɛɛ.

1 Mose 34:10

Nyɛkɛ wɔ ahia shi. Shikpɔŋ lɛ kã shi hã nyɛ; nyɛhia nɔ ni nyɛtsua nɔ nii koni nyɛna nii yɛ nɔ nyɛhãa nyɛhe akɛ nyɛnɔ.”

1 Mose 35:11

Nyɔŋmɔ kɛɛ lɛ akɛ, “Mi ji Nyɔŋmɔ Ofe lɛ; fɔ ni oyi afa. Maŋ kɛ maji babaoo aaajɛ omli, ni maŋtsɛmɛi hu aaajɛ omli.

1 Mose 46:3

Kɛkɛ ni Nyɔŋmɔ kɛɛ lɛ akɛ, “Mi ji Yehowa, otsɛ Nyɔŋmɔ lɛ. Kaashe Ijipt yaa gbeyei ejaakɛ mahã oshwiei atsɔ̃ jeŋmaŋ kpeteŋkple yɛ jɛi.

1 Mose 47:11

Ni Yosef hã etsɛ kɛ enyɛmimɛi lɛ shihilɛhe. Ehã amɛ shikpɔŋ lɛ he ni hi fe fɛɛ yɛ Ijipt shikpɔŋ lɛ nɔ; ebɛŋkɛ maŋ ko ni atsɛɔ lɛ Rameses lɛ, tamɔ bɔ ni Farao efã lɛ akɛ efee lɛ.

1 Mose 8:7

ni etsu kwãakwãalabite ko. Kwãakwãalabite lɛ hiɛ yaa kɛ baa kɛyashi beyinɔ ni nu lɛ mii yɛ shikpɔŋ lɛ nɔ.

1 Mose 8:9

Shi be ni okpo lɛ tee lɛ enaaa he ko esɔ̃ ejaakɛ nu lɛ ha shikpɔŋ lɛ nɔ fɛɛ lolo. Hewɔ lɛ eku esɛɛ kɛba Noa ŋɔɔ yɛ adeka lɛ mli.

Nehemia 9:23

Ohã amɛbii lɛ hu ayi fa tamɔ ŋulamii, ni oŋɔ amɛ kɛba shikpɔŋ lɛ ni okɛɛ amɛtsɛmɛi akɛ amɛya amɛyaŋɔ lɛ nɔ.

Lalai 105:24

Ni Yehowa hã Yakobbii lɛ shwere naakpa; ni ehã amɛhe wa hu fe amɛhenyɛlɔi kwraa.

Lalai 107:38

Ejɔɔ amɛ, ni amɛyi faa naakpa; ehãaa amɛtsinai ayifalɛ nɔ agbɔ.

2 Mose 1:12

Shi babaoo ni Ijiptbii lɛ waa Israelbii lɛ yi lɛ, babaoo moŋ ni Israelbii lɛ ayi faa ni amɛshwereɔ ji no. Enɛ hã Ijiptbii lɛ atsui su Israelbii lɛ anɔ.

2 Mose 1:7

Shi amɛshwiei, ni ji Israelbii lɛ, fɔfɔɔ ni amɛshwere babaoo. Amɛyi bafa, ni amɛna hewalɛ naakpa diɛŋtsɛ, ni amɛyi Ijipt shikpɔŋ lɛ nɔ tɔ.

Zakaria 10:8

“Mikɛ okadi aaatsɛ amɛ, ni mabua amɛnaa ejaakɛ mi mikpɔ̃ amɛ, ni amɛyi aaafa ekoŋŋ tamɔ sa.

Bɔfoi 7:17

“Shi be ni bè ni Nyɔŋmɔ baaye eshi ni ewo Abraham lɛ nɔ lɛ shɛ lɛ, maŋ lɛ shwere, ni amɛyi fa yɛ Ijipt shikpɔŋ lɛ nɔ,

5 Mose 10:22

Nyɛtsɛmɛi lɛ ni tee Ijipt lɛ ayikulɛ ji gbɔmɛi nyɔŋmai kpawo; shi ŋmɛnɛ lɛ, Yehowa, nyɛNyɔŋmɔ lɛ, ehã nyɛyi efa tamɔ ŋwɛi ŋulamii.”

5 Mose 26:5

No sɛɛ lɛ, okɛɛ, yɛ Yehowa, oNyɔŋmɔ lɛ, hiɛ akɛ, ‘Aramnyo ni ebɔ ko ji mitsɛ; ekɛ mɛi fioo ko tee Ijipt, ni eyato gbɔ yɛ jɛi. Shi eshwiei ayi bafa, ni etsɔ̃ maŋ kpeteŋkple ni he wa yɛ jɛi.