1 Mose 47:26 - ŊMALƐ KRƆŊKRƆŊ LƐ

²⁶ No hewɔ lɛ, Yosef ŋɔ enɛ efee akpɔ efɔ̃ shi yɛ Ijipt shikpɔŋ lɛ nɔ kɛbashi ŋmɛnɛ akɛ aja ŋmɔshinii mli enumɔ ni Farao aŋɔ ekome. Osɔfoi lɛ ashikpɔŋ lɛ kɛkɛ ni tsɔ̃ɔɔ Farao nɔ.

Ṅmãle̱ Kroṅkroṅ Le̱

²⁶ Ni Iosef ṅõ ene̱ efe akpo̱ efõ ši ye̱ Mizraim šikpoṅ le̱ no̱ ke̱-baši ṅme̱ne̱, ake̱ Farao aṅõ mlidšãi enumo̱ mli ekome, dša oso̱foi le̱ ašikpoṅ le̱ ke̱ke̱ tšṍṍ Farao nõ.

1 Mose 47:26 ပူးပေါင်းရင်းမြစ်များ

1 Mose 14:20

ni ajie Ŋwɛi Flooflo Nyɔŋmɔ lɛ ni hã oye ohenyɛlɔi lɛ anɔ kunim lɛ yi.” Ni Abram hã Melkizedek nii lɛ fɛɛ mlijai nyɔŋma mli ekome.

1 Mose 28:22

ni nɛkɛ tɛ nɛɛ ni mikɛma shi mikɛto okadi nɛɛ aaatsɔ̃ Nyɔŋmɔ we; ni maŋɔ nibii fɛɛ ni ooohã mi lɛ amlijaa nyɔŋma kome mahã bo.”

1 Mose 41:34

Hã Farao ato nɔkwɛlɔi krokomɛi yɛ shikpɔŋ lɛ nɔ ni afii kpawo ni niyenii baaba kpɔtɔɔ lɛ mli lɛ, Farao aŋɔ Ijipt shikpɔŋ lɛ nɔ niyenii lɛ amlijaa enumɔ mli ekome eto.

1 Mose 47:22

Osɔfoi lɛ ashikpɔji lɛ kɛkɛ ni eheee ejaakɛ amɛyɛ sisɛ̃ ni ato ni Farao hãa amɛ, ni sisɛ̃ nɛɛ amɛyeɔ; no hewɔ lɛ, amɛhɔ̃ɔɔ amɛshikpɔji lɛ.

1 Mose 47:25

Maŋbii lɛ here Yosef nɔ amɛkɛɛ, “Ohere wɔyiwala! Kɛ ooosumɔ lɛ, hã wɔtsɔmɔ Farao nyɔji.”

Ezra 7:24

Asaŋ wɔmiihã nyɛna nyɛle akɛ osɔfoi kɛ Levibii kɛ lalɔi kɛ agbonaakwɛlɔi kɛ Sɔlemɔ we lɛ mli sɔ̃ɔlɔi kɛ tsuji ni yɔɔ nɛkɛ Nyɔŋmɔ We nɛɛŋ lɛ, mɔ ko mɔ ko bɛ hegbɛ akɛ etsuɔ amɛ onia loo too loo gbɛjee shika ko.

Ezekiel 7:24

mahã majimaji lɛ ateŋ mɛi fɔ̃ji fe fɛɛ abaŋɔ amɛshĩai lɛ amɛfee amɛnɔ. Mibafo amɛhewalɛ ni amɛkɛshwãa lɛ sɛɛ; ni aaabule amɛhei krɔŋkrɔŋi lɛ.

3 Mose 27:30

“Shikpɔŋ lɛ nɔ nibaanii fɛɛ lɛ, ŋmãa ni jio, aduawai ni jio, amɛmlijaa nyɔŋma mli ekome lɛ Yehowa nɔ ni; nɔ krɔŋkrɔŋ ni.

4 Mose 18:21

“Too fɛɛ too ni ji nii mlijaa nyɔŋma mli ekomekome ni awoɔ yɛ Israel ni akɛbahãa mi lɛ, mijɔɔ nɔ mihã Levibii lɛ akɛ amɛgbɛfaŋ gboshinii yɛ sɔ̃ɔmɔ ni amɛsɔ̃mɔɔ kɛtsuɔ Kpee Buu lɛ he nii lɛ hewɔ.

5 Mose 14:22

“Nyɛjiea nyɛŋmɔshi nii mli mlijaa nyɔŋma mli ekome daa afi;

5 Mose 26:12

“Afi ni ji etɛ̃ lɛ nɔ, ni ji mlijai nyɔŋma mli ekomekome hãmɔ afi lɛ, kɛji okɛ oŋmɔshi nii mlijai nyɔŋma mli ekomekome lɛ ehã Levibii lɛ kɛ gbɔi lɛ kɛ awusãi lɛ kɛ okulafoi lɛ ogbe naa, koni amɛna nii amɛye yɛ nyɛmaji lɛ amli lɛ,