1 Mose 47:17 - ŊMALƐ KRƆŊKRƆŊ LƐ

¹⁷ No hewɔ lɛ, amɛkɛ amɛkooloi lɛ bahã Yosef ni ehã amɛ niyenii eŋɔ tsake okpɔŋɔi kɛ too kui kɛ tsina kui kɛ tejii. Ni ehã amɛ niyenii ekɛhe amɛkooloi fɛɛ nakai afi lɛ.

Ṅmãle̱ Kroṅkroṅ Le̱

¹⁷ Ni ame̱ke̱ ame̱koloi le̱ hahā Iosef, ni Iosef hãame̱ niyenii eṅõ-tšake okpo̱ṅo̱i ke̱ tõkui ke̱ tšinakui ke̱ tedšii, ni ehãame̱ niyenii eke̱-he ame̱koloi fẽ nakai afi le̱.

1 Mose 47:17 ပူးပေါင်းရင်းမြစ်များ

1 Mose 47:16

Yosef kɛɛ amɛ akɛ, “Ni nyɛshika etã nɛɛ, nyɛkɛ nyɛkooloi ahãa mi ni mahã nyɛ niyenii yɛ nyɛkooloi lɛ anaa.”

1 Mose 47:18

Be ni nakai afi lɛ ho lɛ, amɛba Yosef ŋɔɔ yɛ afi ni nyiɛ sɛɛ lɛ nɔ, ni amɛbakɛɛ lɛ akɛ, “Wɔnyɛŋ wɔkɛ nɔ ko nɔ ko atee wɔnuŋtsɔ, no ji akɛ, Wɔshika kɛ wɔkooloo kui lɛ fɛɛ etã; wɔkɛ fɛɛ ebahã wɔnuŋtsɔ; eshwɛko nɔ ko nɔ ko akɛ ja wɔgbɔmɔtsei ni onaa nɛɛ kɛ wɔshikpɔji pɛ.

1 Maŋtsɛmɛi 10:28

Maŋtsɛ lɛ hãa ashɛɔ okpɔŋɔi kɛjɛɔ Ijipt kɛ Kilikia; maŋtsɛ lɛ jarayelɔi lɛ yaheɔ lɛ ofoo.

Hiob 2:4

Abonsam to he hã Yehowa akɛ, “Gbɔmɔ baaŋmɛɛ nii fɛɛ ni eyɔɔ he bɔ ni afee kɛkɛ ni eyi ana wala.

2 Mose 9:3

no lɛ Yehowa baatswia nyɛkooloi ni yɔɔ ŋa nɔ lɛ nii, ni ebaahã otswashiogbo ni naa wa abote nyɛkpɔŋɔi kɛ tejii kɛ yoomai kɛ tsinai kɛ toi lɛ ateŋ.

Yesaia 31:1

Kpoo hã mɛi ni yaa Ijipt amɛyataoɔ yelikɛbuamɔ ni amɛkɛ amɛhiɛ fɔ̃ɔ okpɔŋɔi anɔ, mɛi ni kɛ amɛhiɛ fɔ̃ɔ tayaa shwiilii anɔ ejaakɛ amɛfa, kɛ okpɔŋɔnɔtalɔi hu anɔ, ejaakɛ amɛhe wa naakpa, shi amɛkɛ amɛhiɛ efɔ̃ɔɔ Israel Mɔ Krɔŋkrɔŋ lɛ moŋ nɔ, loo amɛbiii Nuŋtsɔ lɛ dɛŋ yelikɛbuamɔ po!

Mateo 6:24

“Mɔ ko nyɛŋ nuŋtsɔmɛi enyɔ asɔ̃mɔ; ejaakɛ no lɛ eeenyɛ mɔ kome ni eeesumɔ mɔ kroko lɛ; aloo eeekpɛtɛ mɔ kome he, ni eeebu mɔ kroko lɛ akɛ ejeee mɔ ko. Nyɛnyɛŋ Nyɔŋmɔ kɛ mamona (ninamɔ) nyɛsɔ̃mɔ.