1 Mose 43:8 - ŊMALƐ KRƆŊKRƆŊ LƐ

⁸ Kɛkɛ ni Yuda kɛɛ etsɛ Yakob akɛ, “Okɛ gbekɛ lɛ awo midɛŋ ni wɔyi mli kɛya, koni wɔ kɛ bo kɛ wɔbii bibii lɛ ayi ana wala, ni wɔkagboi.

Ṅmãle̱ Kroṅkroṅ Le̱

⁸ Ni Iuda kē̱ etše̱ Israel ake̱: Ṅõ gbekẽ le̱ ohãmi ke̱-ya, ni wo̱yiṅ ke̱-ya, koni wo̱ke̱o ke̱ wo̱bii ayi aná wala, ni wo̱kagboi.

1 Mose 43:8 ပူးပေါင်းရင်းမြစ်များ

1 Mose 42:2

Etee nɔ ekɛɛ akɛ, “Naa, minu akɛ abele yɛ Ijipt; nyɛyaa jɛi ni nyɛyahea abele nyɛbahãa wɔ koni wɔyi ana wala ni wɔkagboi.”

1 Mose 42:38

Shi Yakob kɛɛ akɛ, “Mibi lɛ kɛ nyɛ eyaŋ ejaakɛ enyɛmi lɛ egbo, ni lɛ ekome pɛ eshwɛ; kɛji oshara ko yasharã lɛ yɛ gbɛ ni nyɛyaanyiɛ nɛɛ nɔ lɛ, no lɛ he ni miyi eyɛ kɛshɛ nɛɛ, nyɛbaahã magbo kɛ awerɛhoo sɔŋŋ.”

1 Mose 44:20

Ni wɔkɛɛ minuŋtsɔ akɛ, ‘Wɔyɛ tsɛ nuumo kɛ nyɛmi nuu gbekɛ ni ji wɔtsɛ nakutsoŋbi. Gbekɛ nɛɛ enyɛbi lɛ egbo; ni lɛ ji enyɛbi koome ni eshwɛ; ni etsɛ sumɔɔ lɛ.’

1 Mose 44:26

‘Wɔnyɛŋ wɔya, shi kɛji wɔnyɛmi gbekɛ lɛ fata wɔhe lɛ, no lɛ wɔɔtee; shi wɔnyɛŋ nuu lɛ hiɛ wɔna akɛ ja wɔnyɛmi gbekɛ lɛ fata wɔhe dã.’

1 Mose 45:19

Asaŋ ofã amɛ akɛ, ‘Nyɛfea enɛ; nyɛŋɔa shwiilii kɛjɛa Ijipt shikpɔŋ lɛ nɔ kɛyaa yɛ nyɛbii kɛ nyɛŋamɛi lɛ ahewɔ koni nyɛkɛ nyɛtsɛ aba.

1 Mose 50:21

No hewɔ lɛ, nyɛkashea gbeyei! Mibalɛ nyɛ kɛ nyɛbii lɛ.” Bɔ ni ehã enyɛmimɛi lɛ atsui ni eshɛje amɛmii nɛ.

1 Mose 50:8

kɛ Yosef shĩaŋbii lɛ kɛ enyɛmimɛi lɛ kɛ etsɛ we lɛ mli bii fɛɛ fata ehe kɛtee; amɛbii kɛ amɛtoi kɛ amɛtsinai kɛkɛ amɛshi yɛ Goshen shikpɔŋ lɛ nɔ.

2 Maŋtsɛmɛi 7:13

Ni maŋtsɛ lɛ tsuji lɛ ateŋ mɔ kome here nɔ, ni ekɛɛ akɛ, “Mɛi ni yɔɔ maŋ nɛɛ mli lɛ, amɛtamɔ mɛi ni egboi momo lɛ nɔŋŋ. No hewɔ lɛ, nyɛhãa wɔtsua hii komɛi; amɛŋɔ okpɔŋɔi ni eshwɛ lɛ ateŋ enumɔ kɛya jɛi koni amɛyakwɛ nɔ ni eba lɛ.”

2 Maŋtsɛmɛi 7:4

Kɛji wɔkɛɛ akɛ, “Nyɛhãa wɔbotea maŋ lɛ mli lɛ, hɔmɔ lɛ yɛ maŋ lɛ mli; ni wɔɔɔgboi yɛ jɛi. Ni kɛji wɔtara biɛ hu gboimɔ nɔŋŋ wɔbaagboi. No hewɔ lɛ, nyɛbaa; nyɛhãa wɔyagbea Siriabii lɛ ata lɛ mli moŋ; kɛji amɛhere wɔyi wala lɛ, wɔyi aaana wala; ni kɛji amɛgbe wɔ lɛ belɛ wɔɔgboi kɛkɛ.”

Ezra 8:21

Kɛkɛ ni mishiɛ yɛ jɛi akɛ ahi ŋmãa yɛ Ahawa Faa lɛ naa, koni wɔba wɔhe shi wɔhã wɔNyɔŋmɔ lɛ ni wɔkpa lɛ fai koni ehã wɔ kɛ wɔbii kɛ wɔnabii fɛɛ afee shweshweeshwe yɛ wɔgbɛfãa lɛ mli.

Lalai 118:17

Migboŋ, shi moŋ miyi aaana wala, ni majaje Yehowa nitsumɔi lɛ matsɔ̃ɔ.

2 Mose 20:12

“Wo otsɛ kɛ onyɛ koni owala sɛɛ atsɛ yɛ shikpɔŋ ni mi, Yehowa, oNyɔŋmɔ lɛ, kɛhãa bo lɛ nɔ.

4 Mose 14:31

Ni nyɛbii bibii lɛ ni nyɛkɛɛ akɛ aaaŋɔ amɛ nom lɛ, mibakpala amɛ kɛyashɛ shikpɔŋ lɛ ni nyɛkpoo lɛ nɔ, ni amɛaale jɛi.

5 Mose 33:6

Mose kɛɛ yɛ Ruben akutso lɛ he akɛ, ‘Ruben yi ana wala, eshishi akabule; emli hii anɔ akagbɔ.’ ”