1 Mose 43:12 - ŊMALƐ KRƆŊKRƆŊ LƐ

¹² Asaŋ shika ni nyɛkɛyaahe nii lɛ, nyɛhiɛa nakai toi enyɔ, ejaakɛ shika lɛ ni akɛwo nyɛkotokui amli lɛ, esa akɛ nyɛkɛku sɛɛ kɛya, benɛ ekolɛ hiɛ ni je nɔ.

Ṅmãle̱ Kroṅkroṅ Le̱

¹² ni nyeṅõa šika kroko nyehĩea nyedeṅ, ni šikai le̱ ni akũ se̱ ake̱-ſie no̱ ye̱ nyekotokui amli le̱ nyeṅõa no hũ nyehĩea nyedeṅ ke̱-yaä ekoṅ, ekole̱ hene̱ hĩe dše no̱. 42,27. 35.

1 Mose 43:12 ပူးပေါင်းရင်းမြစ်များ

1 Mose 42:25

Kɛkɛ ni Yosef fã akɛ awo amɛkotokui lɛ amli abele obɔ̃bɔ̃, ni akɛ mɔ fɛɛ mɔ shika aku sɛɛ awo ekotoku mli ekoŋŋ. Efã hu akɛ ahã amɛ gbɛ nɔ niyenii. Ni afee nakai ahã amɛ.

1 Mose 42:35

Shi be ni amɛ jie amɛkotokui lɛ amli nii lɛ, naa mɔ fɛɛ mɔ shika ni afi kã ekotoku mli. Be ni amɛkɛ amɛtsɛ fɛɛ na shika ni afimɔfimɔɔ nɛɛ lɛ, amɛshe gbeyei.

1 Mose 43:13

Nyɛŋɔa nyɛnyɛmi lɛ hu, ni nyɛyia mli nyɛyaa nuu lɛ ŋɔɔ ekoŋŋ.

1 Mose 43:21

ni wɔyashɛ shitoohe ko ni wɔfɛne wɔkotokui lɛ anaa lɛ, naa, mɔ fɛɛ mɔ shika kã ebele lɛ nɔ yɛ ekotoku lɛ mli, wɔshika lɛ yɛ bɔ ni aŋmɛ lɛ naa pɛpɛɛpɛ. No hewɔ lɛ, wɔkɛhiɛ wɔdɛ̃ŋ kɛba ekoŋŋ.

1 Mose 43:22

Ni wɔkɛ shika kroko hu ehiɛ wɔdɛ̃ŋ kɛba kɛhã niyenii hemɔ. Wɔleee mɔ ni kɛ wɔshika lɛ wo wɔkotokui lɛ amli.”

Romabii 12:17

Nyɛkɛ efɔŋ akatoa mɔ ko mɔ ko efɔŋ najiaŋ; nyɛjwɛŋa nɔ ni yɔɔ fɛo yɛ gbɔmɛi fɛɛ ahiɛ nyɛtoa.

Romabii 13:8

Nyɛkahiɛa mɔ ko mɔ ko nyɔmɔ, akɛ ja suɔmɔ ni nyɛkɛaasumɔsumɔ nyɛhe lɛ; ejaakɛ mɔ ni sumɔɔ enaanyo lɛ eye Mla lɛ nɔ kɛwula shi.

2 Korintobii 8:21

ejaakɛ oti ni wɔkɛma wɔhiɛ ji akɛ efee fɛo, jeee yɛ Nuŋtsɔ lɛ hiɛ kɛkɛ, shi moŋ yɛ gbɔmɛi ahiɛ hu.

Filipibii 4:8

Naagbee lɛ, anyɛmimɛi, nii abɔ ni ji anɔkwa, nii ni sa woo, nii ni ja, nii ni he tse, nii ni yɔɔ fɛo, nii ni yɔɔ gbɛi kpakpa lɛ fɛɛ, kɛji jeŋba kpakpa ko yɛ, kɛji yijiemɔ ko hu yɛ lɛ, enɛɛmɛi ahe nyɛjwɛŋa!

1 Tesalonikabii 4:6

Ni mɔ ko akatɔ̃ enyɛmi nɔ ni eye lɛ amim yɛ sane nɛɛ mli, ejaakɛ enɛɛmɛi fɛɛ ahe oweletɔlɔ ji Nuŋtsɔ lɛ, tamɔ bɔ ni wɔkɛɛ nyɛ wɔto ni wɔye he odase lɛ.

1 Tesalonikabii 5:21

Nyɛkaa nii fiaa nyɛkwɛa, ni nɔ ni hi lɛ nyɛmɔa no mli.

Hebribii 13:8

Yesu Kristo lɛ, bɔ ni eyɔɔ nyɛ kɛ ŋmɛnɛ lɛ, nakai nɔŋŋ eyɔɔ kɛyaa naanɔ.