1 Mose 42:21 - ŊMALƐ KRƆŊKRƆŊ LƐ

²¹ Kɛkɛ ni amɛkɛɛkɛɛ amɛhe akɛ, “Lɛɛlɛŋ, wɔyeɔ fɔ yɛ wɔnyɛmi lɛ hewɔ akɛni wɔna bɔ ni esusuma hao ni ekpa wɔ fai aahu ni wɔbooo toi lɛ. No hewɔ ni nɛkɛ haomɔ nɛɛ eba wɔnɔ nɛɛ.”

Ṅmãle̱ Kroṅkroṅ Le̱

²¹ Ni ame̱kē̱kē̱ ame̱he ake̱: Le̱le̱ṅ, wo̱ye fo̱ ye̱ wo̱nyemi le̱ hewo̱, ake̱-ni wo̱na haomo̱ ni esusuma hao, ni ekpawo̱ fai āhũ ni wo̱boo toi le̱; nohewo̱ ni ne̱ke̱ haomo̱ ne̱ eba wo̱no̱ ne̱. Lal. 50,21.

1 Mose 42:21 ပူးပေါင်းရင်းမြစ်များ

1 Mose 41:9

Kɛkɛ ni dãawolɔ nukpa lɛ kɛɛ Farao akɛ, “Mikai mitɔ̃mɔ ŋmɛnɛ.

1 Mose 44:16

Yuda here nɔ akɛ, “Mɛni wɔbaakɛɛ minuŋtsɔ? Mɛɛ wiemɔ kwraa yɔɔ wɔnaa? Aloo te wɔbaajie wɔnaa wɔhã tɛŋŋ? Nyɔŋmɔ ena otsuji anɔsha lɛ; naa, wɔtsɔ̃mɔ minuŋtsɔ nyɔji, wɔ kɛ mɔ dɛŋ ni ana kpulu lɛ yɛ lɛ fɛɛ.”

1 Mose 45:3

Ekɛɛ enyɛmimɛi lɛ akɛ, “Mi Yosef nɛ. Ani mitsɛ yɛ jeŋ lolo?” Shi enyɛmimɛi lɛ nyɛɛɛ lɛ hetoo ahã ejaakɛ amɛ jijaa yɛ ehiɛ.

1 Mose 50:15

Agbɛnɛ be ni Yosef nyɛmimɛi lɛ na akɛ amɛtsɛ egbo lɛ, amɛkɛɛ akɛ, “Ekolɛ Yosef ebɛ wɔ ewo emli, ni eeetɔ ehe owele yɛ efɔŋ fɛɛ ni wɔfee lɛ lɛ hewɔ.”

2 Samuel 12:13

Kɛkɛ ni David kɛɛ Natan akɛ, “Mifee Yehowa shishi esha,” Natan to he ni ekɛɛ David akɛ, “Yehowa hu kɛ esha ni ofee lɛ efa bo, ni ogboŋ.

1 Maŋtsɛmɛi 17:18

Kɛkɛ ni yoo lɛ kɛɛ Elia akɛ, “Ao Nyɔŋmɔ gbɔmɔ, mɛni mifee bo! Obato mi koni akai efɔŋ ni mifee, koni agbe mibinuu lɛ lo?”

Abe̱i 21:13

Mɔ ni tsimɔɔ etoi ni ekanu ohiafo blɔmɔ lɛ, lɛ diɛŋtsɛ lɛ, eeebolɔ ni aboŋ lɛ toi.

Abe̱i 28:17

Kɛji mɔ ko eye mɔ ko lá yi sɔ̃ lɛ, etsɔ̃ kobɔfo kɛmiiya gbonyobu mli; mɔ ko akaye ebua lɛ.

Yeremia 2:17

Israel, aso jeee bo diɛŋtsɛ oyatao nɛkɛ sane ohã ohe akɛ okwa Yehowa, oNyɔŋmɔ lɛ, be mli ni ekpalaa bo yɛ gbɛ lɛ nɔ lɛ?

Yeremia 2:19

Bo diɛŋtsɛ onifɔɔjianii lɛ baagbala otoi, ni kwamɔ ni okwa mi lɛ baabu bo fɔ. Na ole, ni oyoo akɛ kwamɔ ni okwa mi, Yehowa, oNyɔŋmɔ lɛ, nɔ fɔŋ ni, ni ebaajoo ehã bo. Mihe gbeyeishemɔ bɛ omli. Mi, Nuŋtsɔ Nyɔŋmɔ, Taiatsɛ, mikɛɛ.”

Yeremia 34:17

No hewɔ lɛ, mi, Yehowa, miikɛɛ nyɛ akɛ nyɛgbo minɔ toi, ejaakɛ nyɛhãko nyɛnyɛmimɛi Israelbii kɛ nyɛnanemɛi aŋɔ amɛhe amɛye tswaa. Shi naa, mi lɛ mahã ta kɛ hɔmɔ kɛ gbele hela kɛ nyɛ aye. Jeŋ shikpɔji fɛɛ ahe aaajɔ̃ amɛhe yɛ nɔ ni mafee nyɛ lɛ hewɔ.

Yeremia 4:18

Yuda, ojeŋba kɛ onifeemɔnii ji nɔ ni kɛ nɛkɛ sane eba onɔ nɛɛ. Ohiɛkpãtãmɔ nɛ, ni eejoo pam, ni eetsu otsui mli.

Hosea 5:15

“Mibagbala mihe shi mashi amɛ kɛyaashi amɛaakpɛlɛ̃ amɛtɔ̃mɔ nɔ, ni amɛaabatao misɛɛgbɛ. Ekolɛ fimɔ be lɛ mli lɛ amɛaatao mi.”

4 Mose 32:23

Shi kɛji nyɛyeee nyɛshiwoo lɛ nɔ yɛ Yehowa hiɛ lɛ, no lɛ nyɛtɔ̃ Yehowa nɔ, ni bɔ fɛɛ bɔ ni fee lɛ nyɛbaana nyɛtɔ̃mɔ lɛ he toigbalamɔ.

Mateo 7:2

Shi nɔ kojomɔ ni nyɛkɛkojoɔ lɛ, akɛaakojo nyɛ; ni nɔ susumɔnɔ ni nyɛkɛsusuɔ lɛ, akɛasusu ahã nyɛ.

Marko 9:48

he ni amɛgɔ̃gɔ̃mi lɛ gbooo ni amɛla lɛ hu gbooo yɛ lɛ.

Luka 16:28

ejaakɛ miyɛ nyɛmimɛi enumɔ, bɔ ni afee ni eyaye odase kɛbɔ amɛ kɔkɔ koni amɛ hu amɛkaba piŋmɔhe nɛɛ.’

Bɔfoi 19:18

Ni mɛi ni ehe eye lɛ ateŋ mɛi pii hu ba ni amɛbajaje amɛnifeemɔnii lɛ faŋŋ amɛtsɔ̃ɔ.

Yakobo 2:13

Ejaakɛ kojomɔ mli lɛ, mɔ ni enaaa mɔbɔ lɛ anaŋ lɛ mɔbɔ; mɔbɔnalɛ yeɔ kojomɔ nɔ kunim ni eshwãa.

1 Yohane 1:9

Kɛji wɔjaje wɔhe eshai lɛ wɔtsɔ̃ɔ Nyɔŋmɔ lɛ, anɔkwafo kɛ jalɔ ji lɛ, ni ekɛ wɔhe eshai lɛ aaafa wɔ ni eeetsumɔ wɔhe kɛjɛ nii ni ejaaa gbɛ fɛɛ mli.

Kojolɔi 1:7

Adonibezek kɛɛ: “Maŋtsɛmɛi nyɔŋmai kpawo ni afolɔ amɛnine gɔntii lɛ kɛ amɛnane gɔntii lɛ kɔlɔ niyenii fufuji yɛ mikpɔlɔ̃ lɛ shishi. Bɔ ni mifee lɛ, nakai pɛ Nyɔŋmɔ efee mi eto najiaŋ nɛɛ.” Amɛkɛ Adonibezek ba Yerusalɛm, ni ebagbo yɛ jɛi.